Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VII. Mahā Vagga

Sutta 70

Uposatha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati,||
pubbāhāme Migāramātu pāsāde.|| ||

Atha kho Visākhā Migāramātā tad ah'uposathe yena Bhagavā ten'upasaŋakami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho Visākhaɱ Migāramātaraɱ Bhagavā etad avoca:|| ||

"Handa kuto nu tvaɱ Visākhe āgacchasi divā divassā" ti?|| ||

"Uposathāhaɱ bhante ajja upavasāmī" ti.|| ||

"Tayo kho'me Visākhe uposathā.|| ||

Katame tayo?|| ||

Gopālakūposatthā||
Nigaṇṭhuposatho,||
arīyūposatho.|| ||

2. Kathañ ca Visākhe gopālakuposatho hoti?|| ||

Seyyathā pi Visākhe gopālako sāyaṇhasamayaɱ sāmikānaɱ gāvo niyyādetvā iti paṭisañcikkhati:|| ||

'Ajja kho gāvo amusmiñ ca amusmiñ ca padese cariɱsu,||
amusmiñ ca amusmiñ ca padese pānīyāni apaɱsu,||
sve dāni gāvo amusmiñ ca amusmiñ ca padese carissanti,||
amusmiñ ca amusmiñ ca padese pānīyāni pivissantī' ti.|| ||

Evam eva kho Visākhe idh'ekacco uposathiko iti paṭisaɱcikkhati:|| ||

'Ahaɱ khvajja idañ c'idañ ca khādanīyaɱ khādiɱ.|| ||

Idañ c'idañ ca bhojanīyaɱ [206] bhuñjiɱ,||
sve dānāhaɱ idañ c'idañ ca khādanayaɱ khādissāmi,||
idañ c'idañ ca bhojanīyaɱ bhujissāmi' ti.|| ||

So tena lobhena abhijjhāsahagatena cetasā divasaɱ atināmeti.|| ||

Evaɱ kho Visākhe gopālakūposatho hoti.|| ||

Evaɱ upavuttho kho Visākhe gopāpakūposatho||
na mahapphalo hoti||
na mahānisaɱso||
na mahājutiko||
na mahāvipphāro.|| ||

 


 

3. Kathañ ca Visākhe Nigaṇaṭhuposatho hoti?|| ||

Atthi Visākhe Nigaṇṭhā nāma samaṇajātikā,||
te sāvakaɱ evaɱ samādapenti:|| ||

'Ehi tvaɱ amho purisa,||
ye puratthimāya disāya pāṇā paraɱ yojanasataɱ,||
tesu daṇḍaɱ nikkhipāhi,||
ye pacchimāya disāya pānā paraja yojanasataɱ,||
tesu daṇḍaɱ nikkhipāhi:|| ||

Ye uttarāya disāya pāṇā paraɱ yojanasataɱ,||
tesu daṇḍaɱ nikkhipāhi,||
ye dakkhiṇāya disāya pānā paraɱ yojanasataɱ,||
tesu daṇḍaɱ nikkhipāhī' ti.|| ||

Iti ekaccānaɱ pāṇānaɱ anuddayāya anukampāya samādapenti.|| ||

Ekaccānaɱ pāṇānaɱ nānuddayāya nānukampāya samādapenti.|| ||

Te tadah'uposathe sāvakaɱ evaɱ samādapenti:|| ||

'Ehi tvaɱ amho purisa sabbacelāni nikkipitvā evaɱ vadehi:||
nāhaɱ kvaci kassaci kiñcananaɱ tasmiɱ,||
na ca mama kvaci kassaci kiñcanaɱ n'ātthi' ti.|| ||

Jānanti ko pan'assa mātā-pitaro||
ayaɱ amhākaɱ putto ti||
so pi jānāti ime mayhaɱ mātā-pitaro ti.|| ||

Jānāti kho pan'assa puttadāro ayaɱ mayhāɱ bhattā ti,||
so pi jānāti ayaɱ mayhaɱ puttadāro ti.|| ||

Jānanti kho pan'assa dāsakammakaraporisā ayaɱ amhākaɱ ayyo ti,||
so pi jānāti ime mayhaɱ dāsakammakaraporisā ti.|| ||

Iti yasmiɱ samaye sacce samādapetabbā musāvāde tasmiɱ samaye samādapenti.|| ||

Idam assa musāvādasmiɱ vadāmi.|| ||

So tassā rattiyā accayena te bhoge adinnaɱ yeva paribhuñjati.|| ||

Idam assa adinnādānasmiɱ vadāmi.|| ||

Evaɱ kho Visākhe Nigaṇṭhuposatho hoti.|| ||

Evaɱ upavuttho kho Visākhe Nigaṇaṭhuposatho||
na mahapphalo hoti||
na mahānisaɱso||
na mahājutiko||
na mahāvipphāro.|| ||

 


 

4. Kathañ ca Visākhe ariyuposatho hoti?|| ||

[207] Upakkiliṭṭhassa Visākhe cittassa uppakkamena pariyedapanā hoti.|| ||

Kathañ ca Visākhe upakkiliṭṭhassa cittassa uppakkamena pariyodapanā hoti?|| ||

Idha Visākhe ariyasāvako Tathāgataɱ anussarati:|| ||

Iti pi so Bhagavā||
arahaɱ||
sammāmbuddho||
vijjacaraṇasampanno||
sugato||
loka-vidū anuttaro||
purisadammasārathi||
satthā deva-manussānaɱ||
buddho||
Bhagavā ti.|| ||

Tassa Tathāgataɱ anussarato cittaɱ pasidati||
pāmujjaɱ uppajjati,||
ye cittassa upakkilesā te pahiyanti.|| ||

Seyyathā pi Visākhe uppakkiliṭṭhassa sīsassa upakkamena pariyodapanā hoti.|| ||

Kathañ ca Visākhe uppakkiliṭṭhassa sīsassa upakkamena pariyodapanā hoti?|| ||

Kakkañ ca paṭicca||
mattakañ ca paṭicca||
udakañ ca paṭicca||
purisassa ca tajjaɱ vāyāmaɱ paṭicca.|| ||

Evaɱ kho Visākhe upakkiliṭṭhassa sīsassa upakkamena pariyodapanā hoti.|| ||

Evam eva kho Visākhe upakkiliṭṭhassa cittassa upakkamena pariyodapanā hoti.|| ||

Kathañ ca Visākhe upakkiliṭṭhassa cittassa upakkamena pariyedapanā hoti?|| ||

Idha Visākhe ariyasāvako Tathāgataɱ anussarati.|| ||

Iti pi so Bhagavā||
arahaɱ||
sammāmbuddho||
vijjacaraṇasampanno||
sugato||
loka-vidū anuttaro||
purisadammasārathi||
satthā deva-manussānaɱ||
buddho||
Bhagavā ti.|| ||

Tassa Tathāgataɱ anussarato cittaɱ pasīdati||
pāmujjaɱ uppajjati,||
ye cittassa upakkilesā te pahīyanti.|| ||

Ayaɱ vuccati Visākhe ariyasāvako brahmuposathaɱ upavasati,||
Brahmunā saddhiɱ saɱvasati,||
Brahmaɱ c'assa ārabbha cittaɱ pasīdati,||
pāmujjaɱ uppajjati,||
ye cittassa upakkilesā te pahīyantī.|| ||

Evaɱ kho Visākhe upakkiliṭṭhassa cittassa upakkamena pariyodapanā hoti.|| ||

 


 

5. Upakkiliṭṭhassa Visākhe cittassa upakkamena pariyedapanā hoti.|| ||

Kathañ ca Visākhe upakkiliṭṭhassa cittassa upakkamena pariyodapanā hoti?|| ||

Idha Visākhe ariyasāvako dhammaɱ anussarati:|| ||

Svākkhāto Bhagavatā dhammo sandiṭṭhiko akāliko ehipassiko opanayiko paccattaɱ veditabbo viññūhī ti.|| ||

Tassa dhammaɱ anussarato cittaɱ pasīdati,||
pāmujjaɱ uppajjati,||
ye cittassa upakkilesā [208] te pahīyanti.|| ||

Seyyathā pi Visākhe upakkiliṭṭhassa kāyassa upakkamena pariyodapanā hoti.|| ||

Kathañ ca Visākhe upakkiliṭṭhassa kāyassa ukkamena pariyodapanā hoti?|| ||

Sottiñ ca paṭicca||
cuṇṇañ ca paṭicca||
udakañ ca paṭicca||
purisassa ca tajjaɱ vāyāmaɱ paṭicca.|| ||

Evaɱ kho Visākhe upakkiliṭṭhassa kāyassa upakkamena pariyodapanā hoti.|| ||

Evam eva kho Visākhe upakkiliṭṭhassa cittassa upakkamena pariyedapanā hoti.|| ||

Kathañ ca Visākhe upakkiliṭṭhassa cittassa upakkamena pariyodapanā hoti?|| ||

Idha Visākhe ariyasāvako dhammaɱ anussarati:|| ||

Svākkhāto Bhagavatā dhammo sandiṭṭhiko akāliko ehipassiko opanayiko paccattaɱ veditabbo viññūhiti.|| ||

Tassa dhammaɱ anussarato cittaɱ pasīdati,||
pāmujjaɱ uppajjati,||
ye cittassa upakkilesā te pahīyanti.|| ||

Ayaɱ vuccati Visākhe ariyasāvako dhammūposathaɱ upavasati,||
dhammena saddhiɱ saɱvasati dhammbaɱ c'assa ārabbha cittaɱ pasīdatipa,||
pāmujjaɱ uppajjati,||
ye cittassa upakkilosā te pahīyanti.|| ||

Evaɱ ko Visākhe upakkiliṭṭhassa cittassa upakkamena pariyedapanā hoti.|| ||

 


 

6. Upakkiliṭṭhassa Visākhe cittassa upakkamena pariyodapanā hoti.|| ||

Kathañ ca Visākhe upakkiliṭṭhassa cittassa upakkamena pariyedapanā hoti?|| ||

Idha Visākhe ariyasāvako saŋghaɱanussarati:|| ||

Supaṭipanno Bhagavato sāvakasaŋgho||
ujupaṭipanno Bhagavato sāvakasaŋgho||
ñāyapaṭipanno Bhagavato sāvakasaŋkho||
sāmīcipaṭipanno Bhagavato sāvakasaŋkhā||
yad idaɱ cattāri purisayugāni aṭṭha purisapuggalā esa Bhagavato sāvakasaŋgho āhuneyyo pāhuṇeyyo dakkhiṇeyyo añjalikaraṇīyyo anuttaraɱ puññakkhettaɱ lokassā ti.|| ||

Tassa saŋghaɱ anussarato cittaɱ pasīdati,||
pāmujjaɱ uppajjati,||
ye cittassa upakkilesā te pahīyanti.|| ||

Seyyathā pi Visākhe upakkiliṭṭhassa vatthassa upakkamena pariyodapanā hoti.|| ||

Kathañ ca Visākhe upakkiliṭṭhassa vatthassa upakkamena pariyedapanā hoti?|| ||

[209] Usuñ ca paṭicca||
khārañ ca paṭicca||
gomayañ ca paṭicca||
udakañ ca paṭicca||
purisassa ca tajjaɱ vāyāmaɱ paṭicca.|| ||

Evaɱ ko Visākhe upakkiliṭṭhassa vatthassa upakkamena pariyodapanā hoti.|| ||

Evam eva kho Visākhe upakkiliṭṭhassa cittassa upakkamena pariyodapanā hoti.|| ||

Kathañ ca Visākhe upakkiliṭṭhassa cittassa upakkamena pariyedapanā hoti?|| ||

Idha Visākhe ariyasāvako saŋghaɱ anussarati:|| ||

Supaṭipanno Bhagavato sāvakasaŋgho||
ujupaṭipanno Bhagavato sāvakasaŋgho||
ñāyapaṭipanno Bhagavato sāvakasaŋkho||
sāmīcipaṭipanno Bhagavato sāvakasaŋkhā||
yad idaɱ cattāri purisayugāni aṭṭha purisapuggalā esa Bhagavato sāvakasaŋgho āhuneyyo pāhuṇeyyo dakkhiṇeyyo añjalikaraṇīyyo anuttaraɱ puññakkhettaɱ lokassā ti.|| ||

Tassa saŋghaɱ anussarato cittaɱ pasīdati,||
pāmujjaɱ uppajjati||
ye cittassaupakkilesā te pahīyanti.|| ||

Ayaɱ vuccati Visākhe ariyasāvako saŋghuposathaɱ upavasati,||
saŋghena saddhiɱ saɱvasati,||
saŋghaɱ c'assa ārabbha cittaɱ pasīdati,||
pāmujjaɱ uppajjati,||
ye cittassa upakkilesā te pahīyanti.|| ||

Evaɱ kho Visākhe upakkiliṭṭhassa cittassa upakkamena pariyodapanā hoti.|| ||

 


 

7. Upakkiliṭṭhassa Visākhe cittassa upakkamena pariyedapanā hoti.|| ||

Kathañ ca Visākhe upakkiliṭṭhassa cittassa upakkamena pariyodapanā hoti?|| ||

Idha Visākhe ariyasāvako attano sīlāni anussarati — akhaṇḍāni acchāddāni asabalāni akammāsāni bhujissāni vuññūppasatthāni aparāmaṭṭhāni samādhi-saɱvattanikāni.|| ||

Tassa sīlaɱ anussarato cittaɱ pasīdati,||
pāmāmujjaɱ uppajjati,||
ye cittassa upakkilesā te pahīyanti.|| ||

Seyyathā pi Visākhe upakkiliṭṭhassa ādāsassa upakkamena pariyodapanā hoti.|| ||

Kathañ ca Visākhe upakkiliṭṭhassa ādāsassa upakkamena pariyodapanā hoti?|| ||

Telañ ca paṭicca||
chārikañ ca paṭicca||
cālaṇḍukañ ca paṭicca||
purisassa ca tajjaɱ vāyāmi paṭicca.|| ||

Evaɱ kho Visākhe upakkiliṭṭhassa ādāsassa upakkamena pariyodapanā hoti.|| ||

Evam eva kho Visākhe upakkiliṭṭhassa cittassa upakkamena pariyodapanā hoti.|| ||

Kathañ ca Visākhe upakkiliṭṭhassa cittassa upakkamena pariyedapanā hoti?|| ||

[210] Idha Visākhe ariyasāvako attano sīlāni anussarati — akhaṇḍāni acchāddāni asabalāni akammāsāni bhujissāni vuññūppasatthāni aparāmaṭṭhāni samādhi-saɱvattanikāni.|| ||

Tassa sīlaɱ anussarato cittaɱ pasīdati,||
pāmāmujjaɱ uppajjati,||
ye cittassa upakkilesā te pahīyanti.|| ||

Ayaɱ vuccati Visākhe ariyasāko sīlūposathaɱ upavasati,||
sīlena saddhiɱ saɱvasati,||
sīlaɱ c'assa ārabbha cittaɱ pasīdati,||
pāmujjaɱ uppajjati,||
ye cittassa upakkilesā te pahīyanti.|| ||

Evaɱ kho Visākhe upakkiliṭṭhassa cittassa upakkamena pariyodapanā hoti.|| ||

 


 

8. Upakkiliṭṭhassa Visākhe cuttassa upakkamena pariyodapanā hoti.|| ||

Kathañ ca Visākhe upakkiliṭṭhassa cittassa upakkamena pariyodapanā hoti?|| ||

Idha Visākhe ariyasāvako devatā anussarati — ||
santi devatā Cātummahārājikā||
santi devā Tāvatiɱsā||
santi Devā Yāmā||
santi devā Tusitā||
santi devā Nimmāṇaratino||
santi devā Paranimmitavasavattino,||
santi devā Brahmakāyikā,||
santi devā Tatuttariɱ.|| ||

Yathārūpāya saddhāya samannāgatā tā devatā ito cutā tatth'upapannā||
mayham pi tathārūpā saddhā saɱvijjati,||
yathārūpena sīlena samannāgatā tā devatā ito cutā tatt'upapannā||
mahham pi tathārūpaɱ sīlaɱ saɱvijjati,||
yathārūpena sutena samannāgatā tā devatā ito cutā tatt'upapannā,||
mayham pi tathārūpaɱ sutaɱ saɱvijjati,||
yathārūpena cāgena samannāgatā tā devatā itocutā tatt'upapannā,||
mayham pi tathārūpaɱ cāgo saɱvijjati,||
yathārūpena paññāya samannāgatā tā devatā itocutā tatt'upapannā,||
mayham pi tathārūpaɱ paññā saɱvijjati.|| ||

Tassa attano ca||
tāsaɱ ca||
devatānaɱ saddhañ ca||
sīlañ ca||
sutañ ca||
cāgañ ca||
paññ ca||
anussarato cittaɱ pasadati||
pāmujjaɱ uppajjati,||
ye cittassa upakkilesā te pahīyanti.|| ||

Seyyathā pi Visākhe upakkiliṭṭhassa jātarūpassa upakkamena pariyodapanā hoti.|| ||

Kathaɱ ca Visākhe upakkiliṭṭhassa jātarūpassa upakkamena pariyedapanā hoti?|| ||

Ukkañ ca paṭicca||
loṇañ ca paṭicca||
gerukañ ca paṭicca||
nālisaṇḍāsañ ca paṭicca||
purisassa ca tajjaɱ vāyāmaɱ paṭicca.|| ||

Evaɱ kho Visākhe upakkiliṭṭhassa jātarūpassa upakkamena pariyodapanā hoti.|| ||

Evam eva kho Visākhe upakkiliṭṭhassa cittassa upakkamena pariyodapanā hoti.|| ||

[211] Kathañ ca Visākhe upakkiliṭṭhassa cittassa upakkamena pariyodapanā hoti?|| ||

Idha Visākhe ariyasāvako devatā anussarati — ||
santi devatā Cātummahārājikā||
santi devā Tāvatiɱsā||
santi Devā Yāmā||
santi devā Tusitā||
santi devā Nimmāṇaratino||
santi devā Paranimmitavasavattino,||
santi devā Brahmakāyikā,||
santi devā Tatuttariɱ.|| ||

Yathārūpāya saddhāya samannāgatā tā devatā ito cutā tatth'upapannā||
mayham pi tathārūpā saddhā saɱvijjati,||
yathārūpena sīlena samannāgatā tā devatā ito cutā tatt'upapannā||
mahham pi tathārūpaɱ sīlaɱ saɱvijjati,||
yathārūpena sutena samannāgatā tā devatā ito cutā tatt'upapannā,||
mayham pi tathārūpaɱ sutaɱ saɱvijjati,||
yathārūpena cāgena samannāgatā tā devatā itocutā tatt'upapannā,||
mayham pi tathārūpaɱ cāgo saɱvijjati,||
yathārūpena paññāya samannāgatā tā devatā itocutā tatt'upapannā,||
mayham pi tathārūpaɱ paññā saɱvijjati.|| ||

Tassa attano ca||
tāsaɱ ca||
devatānaɱ saddhañ ca||
sīlañ ca||
sutañ ca||
cāgañ ca||
paññ ca||
anussarato cittaɱ pasadati||
pāmujjaɱ uppajjati,||
ye cittassa upakkilesā te pahīyanti.|| ||

Ayaɱ vuccati Visākhe ariyasāvako devatuposathaɱ upavasati.|| ||

Devatāhi saddhiɱ saɱvasati,||
devatā c'assa ārabbha cittaɱ pasīdati,||
pāmujjaɱ uppajjati,||
ye cittassa upakkilesā te pahīyanti.|| ||

Evaɱ kho Visākhe upakkiliṭṭhassa cittassa upakkamena pariyodapanā hoti.|| ||

 


 

9. Sa kho so Visākhe ariyasāvako iti paṭisañcikkhati:|| ||

Yāvajīvaɱ arahanto pānātipātaɱ pahāya pāṇātipātā paṭiviratā nihitadaṇa nihitesatthā lajji dayāpannā sabbapāṇabhūtahitānukampino viharanti.|| ||

Aham p'ajja imañ ca rattiɱ imañ ca divasaɱ pāṇātipātaɱ pahāya pāṇātipātā paṭivirato nihita-daṇḍo nihitasattho lajji dayāpanno sabbapāṇabhūtahitānukampi viharāmi.|| ||

Iminā pi aŋgena arahataɱ anukaromi,||
uposatho ca me upavuttho bhavissati.|| ||

10. Yāvajīvaɱ arahanto adinnādānaɱ pahāya adinnādānā paṭiviratā dinnādiyī dinnapāṭikaŋkhī athenena sucibhūtena attanā viharanti.|| ||

Aham p'ajja imañ ca rattiɱ imañ ca divasaɱ adinnādānaɱ pahāya adinnādānā paṭivirato dinnādāyī dinna-pāṭikaŋkhī athenena sucibhūtena attanā viharāmi.|| ||

Iminā pi aŋgena arahataɱ anukaromi,||
uposatho ca me upavuttho bhavisasati.|| ||

11.Yāvajīvaɱ arahanto abrahmacariyaɱ pahāya brahmacārī ārā-cārī viratā methunā gāma-dhammā.|| ||

Aham p'ajja imañ ca rattiɱ imañ ca divasaɱ abrahmacariyaɱ pahāya brahmacārī virato methunā gāma-dhammā.|| ||

Iminā pi aŋgena arahataɱ anukaromi,||
uposatho ca me upavuttho bhavissati.|| ||

[212] 12. Yāvajivaɱ arahanto musā-vādaɱ pahāya musā-vādā paṭiviratā saccavādi saccasandhā thetā paccayikā avisaɱvādakā lokassa.|| ||

Aham p'ajja imañ ca rattiɱ imañ ca divasaɱ musā-vādaɱ pahāya musā-vādā paṭivirato saccavādi saccasandho theto paccayiko avisaɱvādako lokassa.|| ||

Iminā pi aŋgena arahataɱ anukaromi,||
uposatho ca me upavuttho bhavisasati.|| ||

13. Yāvajīvaɱ arahanto surā-mera-yamajja-pamāda-ṭṭhānaɱ pahāya surā-mera-yamajja-pamāda-ṭṭhānā paṭiviratā.|| ||

Aham p'ajja imañ ca rattiɱ imañ ca divasaɱ surā-mera-yamajja-pamāda-ṭṭhānaɱ pahāya surā-mera-yamajja-pamāda-ṭṭhānā paṭivirato.|| ||

Iminā pi aŋgena arahataɱ anukaromi,||
uposatho ca me upavuttho bhavisasati.|| ||

14. Yāvajīvaɱ arahanto ekabhattikā rattuparatā viratā vikāla-bhojanā.|| ||

Aham p'ajja imañ ca rattiɱ imañ ca divasaɱ eka-bhattiko rattuparato virato vikāla-bhojanā.|| ||

Iminā pi aŋgena arahataɱ anukaromi,||
uposatho ca me upavuttho bhavisasati.|| ||

15. Yāvajīvaɱ arahanto nacca-gīta-vādita-visūka-dassana-mālā-gandha-vilepana-dhāraṇa-maṇḍana-vibhūsana-ṭṭhānā paṭiviratā.|| ||

Aham p'ajja imañ ca rattiɱ imañ ca divasaɱ nacca-gīta-vādita-visūka-dassana-mālā-gandha-vilepana-dhāraṇa-maṇḍana-vibhūsana-ṭṭhānā paṭivirato.|| ||

Iminā pi aŋgena arahataɱ anukaromi,||
uposatho ca me upavuttho bhavisasati.|| ||

16. Yāvajīvaɱ arahanto uccā-sayana-mahāsayanaɱ pahāya uccā-sayana-mahāsayanā paṭiviratā nīcaseyyaɱ kappenti mañcake vā tiṇasatthārake vā.|| ||

Aham p'ajja imañ ca rattiɱ imañ ca divasaɱ uccā-sayana-mahāsayanaɱ pahāya uccā-sayana-mahāsayanā paṭivirato nīcaseyyaɱ kappemi mañcake vā tiṇasanthārake vā.|| ||

Iminā pi aŋgena arahataɱ anukaromi,||
uposatho ca me upavuttho bhavisasati.|| ||

Evaɱ kho Visākhe ariyuposatho hoti.|| ||

Evaɱ upavuttho kho Visākhe ariyūposatho||
mahapphalo hoti||
mahānisaɱso||
mahājutiko||
mahāvipphāro.|| ||

17. Kīva mahapphalo hoti,||
kīva mahānisaɱso||
kīva mahājutiko||
kīva mahāvipphāro?|| ||

Seyyathā pi Visākhe yo imesaɱ soḷasannaɱ mahājanapadānaɱ pahūtamahāsattaratanānaɱ issariyādhipaccaɱ rajjaɱ [213] kāreyya,||
seyyath'idaɱ:|| ||

Aŋgānaɱ||
Magadhānaɱ||
Kāsīnaɱ||
Kosalānaɱ||
Vajjinaɱ||
Mallānaɱ||
Cetīnaɱ||
Vaŋgānaɱ||
Kurūnaɱ||
Pañcālānaɱ||
Mackānaɱ||
Sūrasenānaɱ||
Assakānaɱ||
Avantīnaɱ||
Gandhārānaɱ||
kambojānaɱ,||
aṭṭhaŋgasamannāgatassa uposathassa etassa kalaɱ nāgghati soḷasiɱ.|| ||

Taɱ kissa hetu?|| ||

Kapaṇaɱ Visākhe mānusakaɱ rajjaɱ dibbaɱ sukhaɱ upanidhāya.|| ||

18. Yāni Visākhe mānusakāni paññāsa vassāni,||
Cātummahārājikānaɱ devānaɱ eso eko rattindivo.|| ||

Tāya rattiyā tiɱsarattiyo māso.|| ||

Tena māsena dvādasa māsiyo saɱvaccharo,||
tena saɱvaccharena dibbāni pañca vassa-satāni Cātummahārājikānaɱ devānaɱ āyuppamāṇaɱ.|| ||

Ṭhānaɱ kho pan'etaɱ Visākhe vijjati yaɱ idh'ekacco itti vā puriso vā aṭṭhaŋgasamannāgataɱ uposathaɱ upavasitvā kāyassa bhedā param maraṇā Cātummahārājikānaɱ devānaɱ sahavyataɱ upapajjeyya.|| ||

Idaɱ kho pan'etaɱ Visākhe sandhāya bhāsitaɱ kapaṇaɱ mānusakaɱ rajjaɱ dibbaɱ sukhaɱ upanidhāya.|| ||

19. Yaɱ Visākhe mānusakaɱ vassasataɱ,||
Tāvatiɱsānaɱ devānaɱ eso eko rattindivo.|| ||

Tāya rattiyā taɱsarattiyo māso.|| ||

Tena māsena dvādasa māsiyo saɱvaccharo,||
tena saɱvaccharena dibbaɱ vassasahassaɱ Tāvatiɱsānaɱ devānaɱ āyuppamāṇaɱ.|| ||

Ṭhānaɱ kho pan'etaɱ Visākhe vijjati yaɱ idh'ekacco itti vā puriso vā aṭṭhaŋgasamannāgataɱ uposathaɱ upavasitvā kāyassa bhedā param maraṇā Tāvatiɱsānaɱ devānaɱ sahavyataɱ upapajjeyya.|| ||

Idaɱ kho pan'etaɱ Visākhe sandhāya bhāsitaɱ kapaṇaɱ mānusakaɱ rajjaɱ dibbaɱ sukhaɱ upanidhāya.|| ||

20. Yāni Visākhe mānusakāni dve vassasatāni,||
Yāmānaɱ devānaɱ eso eko rattindivo.|| ||

Tāya rattiyā taɱsarattiyo māso.|| ||

Tena māsena dvādasa māsiyo saɱvaccharo,||
tena saɱvaccharena dibbāni dve vassa-sahassāni Yāmānaɱ devānaɱ āyuppamāṇaɱ.|| ||

Ṭhānaɱ kho pan'etaɱ Visākhe vijjati yaɱ idh'ekacco itti vā puriso vā aṭṭhaŋgasamannāgataɱ uposathaɱ upavasitvā kāyassa bhedā param maraṇā Yāmānaɱ devānaɱ sahavyataɱ upapajjeyya.|| ||

Idaɱ kho pan'etaɱ Visākhe [214] sandhāya bhāsitaɱ kapaṇaɱ mānusakaɱ rajjaɱ dibbaɱ sukhaɱ upanidhāya.|| ||

21. Yāni Visākhe mānusakāni cattāri vassasatāni, Tusitānaɱ devānaɱ eso eko rattindivo.|| ||

Tāya rattiyā taɱsarattiyo māso.|| ||

Tena māsena dvādasa māsiyo saɱvaccharo,||
tena saɱvaccharena dibbāni cattāri vassa-sahassāni Tusitānaɱ devānaɱ āyuppamāṇaɱ.|| ||

Ṭhānaɱ kho pan'etaɱ Visākhe vijjati yaɱ idh'ekacco itthi vā puriso vā aṭṭhaŋgasamannāgataɱ uposathaɱ upavasitvā kāyassa bhedā param maraṇā Tusitānaɱ devānaɱ sahavyataɱ upapajjeyya.|| ||

Idaɱ kho pan'etaɱ Visākhe sandhāya bhāsitaɱ kapaṇaɱ mānusakaɱ rajjaɱ dibbaɱ sukhaɱ upanidhāya.|| ||

22. Yāni Visākhe mānusakāni aṭṭha vassasatāni Nimmāṇaratīnaɱ devānaɱ eso eko rattindivo.|| ||

Tāya rattiyā taɱsarattiyo māso.|| ||

Tena māsena dvādasa māsiyo saɱvaccharo,||
tena saɱvaccharena dibbāni aṭṭha vassa-sahassāni Nimmāṇaratīnaɱ devānaɱ āyuppamāṇaɱ.|| ||

Ṭhānaɱ kho pan'etaɱ Visākhe vijjati yaɱ idh'ekacco itthi vā puriso vā aṭṭhaŋgasamannāgataɱ uposathaɱ upavasitvā kāyassa bhedā param maraṇā Nimmāṇaratīnaɱ devānaɱ sahavyataɱ upapajjeyya.|| ||

Idaɱ kho pan'etaɱ Visākhe sandhāya bhāsitaɱ kapaṇaɱ mānusakaɱ rajjaɱ dibbaɱ sukhaɱ upanidhāya.|| ||

23. Yāni Visākhe mānusakāni soḷasa vassasatāni,||
Paranimmitavasavattīnaɱ devānaɱ eso eko rattindivo.|| ||

Tāya rattiyā taɱsarattiyo māso.|| ||

Tena māsena dvādasa māsiyo saɱvaccharo,||
tena saɱvaccharena dibbāni soḷasa vassa-sahassāni Paranimmitavasavattīnaɱ devānaɱ āyuppamāṇaɱ.|| ||

Ṭhānaɱ kho pan'etaɱ Visākhe vijjati yaɱ idh'ekacco itthi vā puriso vā aṭṭhaŋgasamannāgataɱ uposathaɱ upavasitvā kāyassa bhedā param maraṇā Paranimmitavasavattīnaɱ devānaɱ sahavyataɱ upapajjeyya.|| ||

Idaɱ kho pan'etaɱ Visākhe sandhāya bhāsitaɱ kapaṇaɱ mānusakaɱ rajjaɱ dibbaɱ sukhaɱ upanidhāya.|| ||

Pāṇaɱ na hāne na cadinnam ādiye||
Musā na bhāse na ca majjapo siyā,||
[215] abrahmacariyā virameyya methunā||
Rattiɱ na bhuñjeyya vikālabhojanaɱ.|| ||

Mālaɱ na dhār[ay]e na ca gandham ācare||
Mañce chamāyaɱ va sayetha santhate,||
Etaɱ hi aṭṭhaŋgikam āhu posathaɱ||
Buddhena dukkhantagunāɱ pakāsitaɱ.|| ||

Cando ca suriyo ca ubho sudassanā||
Ohāsayaɱ[tā] anu[pari]yanti yāvatā,||
Tamonudā te pana antalikkhagā||
Nabhe pabhāsenti disā virocanā.|| ||

Etasmiɱ yaɱ vijjati antare dhanaɱ||
Muttāɱ maṇīɱ veḷuriyañ ca bhaddakaɱ,||
Siŋgīsuvaṇṇaɱ athavā pi kañcanaɱ||
Yaɱ jātarūpaɱ haṭakan ti vuccati.|| ||

Aṭṭhaŋgupetassa uposathassa||
Kalam pi te nānubhavanti soḷasiɱ,||
Candappabhā tāragaṇā ca sabbe.|| ||

Tasmā hi nārī ca naro ca sīlavā||
Aṭṭhaŋgupetaɱ upavassuposathaɱ,||
Puññāni katvāna sukhudrayāni||
Aninditā saggam upenti ṭhānan ti.|| ||

 


Contact:
E-mail
Copyright Statement   Webmaster's Page