Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VIII. Ānanda Vagga

Sutta 71

Channa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Atha ko Channo paribbājako yen'āyasmā Ānanda ten'upasaŋkami.|| ||

Upasaŋkamitvā āyasmatā Ānandena saddhiɱ sammodi,||
sammodanīyaɱ kathaɱ sārāṇīyaɱ vītisāretvā eka-m-antaɱ nisīdi|| ||

Eka-m-antaɱ nisinno kho Channo paribbājako āyasmantaɱ Ānandaɱ etad avoca:|| ||

"Tumhe pi āvuso Ānanda rāgassa pahāṇaɱ paññāpetha||
dosassa pahāṇaɱ paññāpethā||
mohassa pahāṇaɱ paññāpethā" ti?|| ||

"Mayaɱ ko āvuso rāgassa pahāṇaɱ paññāpema,||
dosassa [216] pahāṇaɱ paññāpethā||
mohassa pahāṇaɱ paññāpemā" ti.|| ||

"Kim pana tumhe āvuso rāge ādīnavaɱ disvā rāgassa pahāṇaɱ paññāpetha||
kiɱ dose ādīnavaɱ disvā dose pahāṇaɱ paññāpethā||
kiɱ mohe ādīnavaɱ disvā mohassa pahānaɱ paññāpethā" ti?|| ||

2. Ratto kho āvuso rāgena abhibhuto pariyādinnacitto,||
attavyābādhāya pi ceteti,||
paravyābādhāya pi ceteti,||
ubhayavyābādhāya pi ceteti,||
cetasikam pi dukkhaɱ domanassaɱ paṭisaŋvedeti.|| ||

Rāgo pahīṇe n'eva attavyābādhāya ceteti,||
na paravyābādhāya pi ceteti||
ne ubhayavyābādhāya pi ceteti||
na cetasikaɱ dukkhaɱ domanassaɱ paṭisaŋvedeti.|| ||

Ratto kho āvuso rāgena abhibhūto pariyādinnacitto kāyena ducritaɱ carati,||
vācāya duccaritaɱ carati,||
manasā duccaritaɱ carati.|| ||

Rāge pahīṇe n'eva kāyena duccaritaɱ carati,||
na vācāya duccaritaɱ carati,||
na manasā duccaritaɱ carati.|| ||

Ratto kho āvuso rāgena abhibhūto pariyādinnacitto attattham pi yathābhūtaɱ nappajānāti,||
parattham pi yathābhūtaɱ nappajānāti,||
ubhayattham pi yathābhūtaɱ nappajānāti.|| ||

Rāge pahīṇe attattham pi yathābhūtaɱ pajānāti,||
parattham pi yathābhūtaɱ pajānāti,||
ubhayattham pi yathābhūtaɱ pajānāti|| ||

Rāgo kho āvuso andhakaraṇo acakkhukaraṇo aññāṇakaraṇo paññānirodhiko vighātapakkhiko anibbāṇasaɱvattaniko.|| ||

 


 

Duṭṭho kho āvuso dosena abhibhūto pariyādinnacitto||
attavyābādhāya pi ceteti,,||
attavyābādhāya pi ceteti,||
paravyābādhāya pi ceteti,||
ubhayavyābādhāya pi ceteti,||
cetasikam pi dukkhaɱ domanassaɱ paṭisaŋvedeti.|| ||

Doso pahīṇe n'eva attavyābādhāya ceteti,||
na paravyābādhāya pi ceteti||
ne ubhayavyābādhāya pi ceteti||
na cetasikaɱ dukkhaɱ domanassaɱ paṭisaŋvedeti.|| ||

Duṭṭho kho āvuso dosena abhibhūto pariyādinnacitto kāyena ducritaɱ carati,||
vācāya duccaritaɱ carati,||
manasā duccaritaɱ carati.|| ||

Dose pahīṇe n'eva kāyena duccaritaɱ carati,||
na vācāya duccaritaɱ carati,||
na manasā duccaritaɱ carati.|| ||

Duṭṭho kho āvuso dosena abhibhūto pariyādinnacitto attattham pi yathābhūtaɱ nappajānāti,||
parattham pi yathābhūtaɱ nappajānāti,||
ubhayattham pi yathābhūtaɱ nappajānāti.|| ||

Dose pahīṇe attattham pi yathābhūtaɱ pajānāti,||
parattham pi yathābhūtaɱ pajānāti,||
ubhayattham pi yathābhūtaɱ pajānāti|| ||

Doso kho āvuso andhakaraṇo acakkhukaraṇo aññāṇakaraṇo paññānirodhiko vighātapakkhiko anibbāṇasaɱvattaniko.|| ||

 


 

Mūḷho kho āvuso mohena abhibhūto pariyādinnacitto,||
attavyābādhāya pi ceteti,||
paravyābādhāya pi ceteti,||
ubhayavyābādhāya pi ceteti,||
cetasikam pi dukkhaɱ domanassaɱ paṭisaŋvedeti.|| ||

Mohe pahīṇe n'eva attavyābādhāya ceteti,||
na paravyābādhāya pi ceteti,||
na ubhayavyābādhāya pi ceteti,||
na cetasikaɱ dukkhaɱ domanassaɱ paṭisaŋvedeti.|| ||

Mūḷho kho āvuso mohena abhibhūto pariyādinnacitto kāyena duccaritaɱ carati,||
vācāya duccaritaɱ carati,||
manasaja duccaritaɱ carati.|| ||

Mohe pahīṇe n'eva kāyena duccaritaɱ carati,||
na vācāya duccaritaɱ carati,||
na manasā duccaritaɱ carati.|| ||

Mūḷho ko āvuso mohena abhibhūto pariyādinnacitto,||
attattham pi yathābhūtaɱ nappajānāti,||
parattham pi yathābhūtaɱ nappajānāti,||
ubhayattham pi yathābhūtaɱ nappajānāti.|| ||

Mohe [217] pahīṇe attattham pi yathābhūtaɱ pajānāti,||
parattham pi yathābhūtaɱ pajānāti,||
Ubhayattham pi yathābhūtaɱ pajānāti.|| ||

Moho kho āvuso andhakarano acakkhukaraṇo aññāṇakaraṇo paññānirodhiko vighātapakkiko anibbāṇasaɱvattaniko.|| ||

Idaɱ kho mayaɱ āvuso rāge ādīnavaɱ disvā rāgassa pahāṇaɱ paññāpema,||
idaɱ dose ādīnavaɱ disvā dosassa pahāṇaɱ paññāpema,||
idaɱ mohe ādīnavaɱ disvā mohassa pahāṇaɱ paññāpemā" ti.|| ||

3. "Atthi pan'āvuso maggo atthi paṭipadā etassa rāgassa dosassa mohassa pahāṇāyā" ti?|| ||

"Atth'āvuso maggo atthi paṭipadā etassa rāgassa dosassa mohassa pahāṇāyā" ti|| ||

"Katamo pan'āvuso maggo katamā paṭipadā etassa rāgassa dosassa mohassa pahāṇāyā" ti?|| ||

Ayam eva ariyo aṭṭhaŋgiko maggo,
seyyath'idaɱ:|| ||

Sammā-diṭṭhi||
sammā-vācā||
sammā-saɱkappaga||
sammā-vyāyāma||
sammā-kammanta||
sammā-sati||
sammā-samādhi.|| ||

Ayaɱ kho āvuso maggo ayaɱ paṭipadā etassa rāgassa dosassa mohassa pahāṇāyā" ti.|| ||

"Bhaddako āvuso maggo bhaddikā paṭipadā etassa rāgassa dosassa mohassa pahāṇāyā ti|| ||

alañca pan'āvuso Ānanda appamādāyā" ti.|| ||

 


Contact:
E-mail
Copyright Statement   Webmaster's Page