Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VIII. Ānanda Vagga

Sutta 73

Mahānāmasakka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than]Evaɱ me sutaɱ:|| ||

Ekaɱ samayaɱ Bhagavā Sakkesu viharati Kapilavatthusmiɱ Nigrodhārāme|| ||

Tena ko pana samayena Bhagavā gilānā vuṭṭhito hoti aciravuṭṭhito gelaññā|| ||

Atha ko Mahānāmo Sakko yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Mahānāmo Sakko Bhagavantaɱ etad avoca:|| ||

"'Dīgharattāhaɱ bhante Bhagavatā evaɱ dhammaɱ desitaɱ ājānāmi samāhitassa ñāṇaɱ,||
no asamāhitassā' ti|| ||

Samādhi nu kho bhante pubbe,||
pacchā ñāṇaɱ||
udāhu ñāṇaɱ pubbe,||
pacchā samādhī" ti?|| ||

2. Atha kho āyasmato Ānandassa etad ahosi|| ||

"Bhagavā ko gilānā vuṭṭhito aciravuṭṭhito gelaññā;||
ayañ ca Mahānāmo Sakko Bhagavantaɱ atigambhīraɱ pañhaɱ pucchati.|| ||

Yan nūnāhaɱ Mahānāmaɱ Sakkaɱ eka-m-antaɱ apanetvā dhammaɱ deseyyan" ti?|| ||

Atha ko āyasmā Ānanda Mahānāmaɱ sakkaɱ bāhāyaɱ gahetvā eka-m-antaɱ apanetvā Mahānāmaɱ Sakkaɱ etad avoca:|| ||

3. "Sekham pi kho Mahānāma sīlaɱ vuttaɱ Bhagavatā,||
asekham pi sīlaɱ vuttaɱ Bhagavatā,||
sekho pi samādhi vutto [220] Bhagavatā,||
asekho pi samādhi vutto Bhagavatā,||
sekhā pi paññā vuttā Bhagavatā,||
asekhā pi paññā vuttā Bhagavatā.|| ||

4. Katamañ ca Mahānāma sekhaɱ sīlaɱ?|| ||

Idha Mahānāma bhikkhū silavā hoti pātimokkha-saɱvarasaɱvuto viharati ācāra-gocara-sampanno aṇumattesu vajjesu bhaya-dassāvī samādāya sikkhati sikkhāpadesu.|| ||

Idaɱ vuccati Mahānāma sekhaɱ sīlaɱ.|| ||

Katamo ca Mahānāma sekho samādhi?|| ||

Idha Mahānāma bhikkha vivicce komehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamaɱ-jhānaɱ upasampajja viharati|| ||

Vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ-jhānaɱ upasampajja viharati|| ||

Pītiyā ca virāgā upekkhako ca viharati sato ca sampajāno sukhaɱ ca kāyena paṭisaŋvedeti,||
yaɱ taɱ ariyā ācikkhanti 'upekkhako satimā sukhavihāri' ti taɱ tatiyaɱ-jhānaɱ upasampajja viharati|| ||

Sukhassa ca pahāṇā dukkhassa ca pahāṇā pubb'eva somanassa-domanassānaɱ atthaŋgamā adukkaɱ asukhaɱ upekkhā-sati-pārisuddhiɱ catutthaɱ-jhānaɱ upasampajja viharati.|| ||

Ayaɱ vuccanī Mahānāma sekho samādhi.|| ||

Katamā ca Mahānāma sekhā paññā?

Idha Mahānāma bhikkhu idaɱ dukkhan ti yathābhūtaɱ pajānāti||
idha Mahānāma bhikkhu idaɱ dukkhasamudayanti yathābhūtaɱ pajānāti||
idha Mahānāma bhikkhu idaɱ dukkhanirodho ti yathābhūtaɱ pajānāti idha Mahānāma bhikkhu idaɱ dukkhanirodhagāminī paṭipadā ti yathābhūtaɱ pajānāti|| ||

Ayaɱ vuccati Mahānāma sekhā paññā.|| ||

Sa ko so Mahānāma ariyasāvako evaɱ sīlasampanno||
evaɱ samādisampanno||
evaɱ paññāsampanno||
āsavānaɱ khayā anāsavaɱ ceto-vimuttiɱ saññāvumuttiɱ||
duṭṭh'eva dhamme sayaɱ abhiññā sacchikatvā upasampajja viharati.|| ||

Evaɱ ko Mahānāma sekham pi sīlaɱ vuttaɱ Bhagavatā,||
asekham pi sīlaɱ vuttaɱ Bhagavatā,||
sekho pi samādhi vutto Bhagavatā,||
asekho pi samādhi vutto Bhagavatā,||
sekhā pi paññā vuttā Bhagavatā,||
asekhā pi paññā vuttā Bhagavatā ti.|| ||

 


Contact:
E-mail
Copyright Statement   Webmaster's Page