Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VIII. Ānanda Vagga

Sutta 78

Sīlabbata Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][olds] Evaɱ me sutaɱ.|| ||

Ekaɱ samayaɱ āyasmā Ānanda Vesāliyaɱ viharati||
Mahāvane Kūmāgārasālāyaɱ|| ||

Atha kho āyasmā Ānanda yena Bhagavā ten'upasaŋkami|| ||

Upasaŋkamitvā Bhagavantaɱ abhivādetvā||
eka-m-antaɱ nisīdi|| ||

Eka-m-antaɱ nisinnaɱ kho||
āyasmantaɱ Ānandaɱ Bhagavā etad avoca:|| ||

Sabbaɱ nu kho Ānanda sīlabbataɱ||
jīvitaɱ||
brahmacariyaɱ||
upaṭṭhānasāraɱ||
saphalan ti?|| ||

Na kho'ttha bhante ekaɱsenā ti.|| ||

Tena h'Ānanda vibhajassū ti.|| ||

Yaɱ hi'ssa bhante sīlabbataɱ||
jīvitaɱ||
brahmacariyaɱ||
upaṭṭhānasāraɱ sevato||
akusalā dhammā abhivaḍḍhanti,||
kusalā dhammā parihāyanti,||
evarūpaɱ sīlabbataɱ||
jīvitaɱ||
brahmacariyaɱ||
upaṭṭhānasāraɱ||
aphalaɱ.|| ||

Yañ ca khvāssa bhante sīlabbataɱ||
jīvitaɱ||
brahmacariyaɱ||
upaṭṭhānasāraɱ sevato||
akusalā dhammā parihāyanti,||
kusalā dhammā abivaḍḍhanti,||
evarūpaɱ sīlabbataɱ||
jīvitaɱ||
brahmacariyaɱ||
upaṭṭhānasāraɱ||
saphalan ti.|| ||

Idam avoca āyasmā Ānanda||
samanuñño satthā ahosi.|| ||

Atha kho āyasmā Ānanda||
"samanuñño me satthā" ti||
uṭṭhāy āsanā||
Bhagavantaɱ abhivādetvā padakkhiṇaɱ katvā pakkāmi.|| ||

Atha kho Bhagavā acirapakkante āyasmante Ānande||
bhikkhū āmantesi:|| ||

Sekho bhikkhave Ānanda,||
na ca pan'assa sulabharūpo samasamo paññāyā ti.|| ||

 


Contact:
E-mail
Copyright Statement   Webmaster's Page