Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VIII. Ānanda Vagga

Sutta 79

Gandhajāta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ āyasmā Ānanda Vesāliyaɱ viharati||
Mahāvane Kūmāgārasālāyaɱ|| ||

Atha kho āyasmā Ānanda yena Bhagavā ten'upasaŋkami|| ||

Upasaŋkamitvā Bhagavantaɱ abhivādetvā eka-m-antaɱ nisīdi|| ||

Eka-m-antaɱ nisinnaɱ kho āyasmā Ānanda Bhagavantaɱ etad avoca:|| ||

"Tīṇ'imāni bhante gandhajātāni yesaɱ anuvātaɱ yeva gandho gacchati,||
no paṭivātaɱ.|| ||

Katamāni tīṇi?|| ||

Mūlagandho,||
sāragandho,||
pupphagandho.|| ||

Imāni kho bhante tīṇi gandhajātāni yesaɱ anuvātaɱ yeva gandho gacchati,||
no paṭivātaɱ.|| ||

Atthi nu kho bhante kiñci gandhajātaɱ yassa anuvātam pi gandho gacchati,||
paṭivātam pi gandho gacchati,||
anuvāta-paṭivātam pi gandho gacchatī" ti?|| ||

"Atth'Ānanda gandhajātaɱ yassa anuvātam pi gandho [226] gacchati,||
paṭivātam pi gandho gacchati,||
anuvāta-paṭivātam pi gandho gacchatī" ti.|| ||

2. "Katamañ ca pana taɱ bhante gandhajātaɱ,||
yassa anuvātam pi gandho gacchati,||
paṭivātam pi gandho gacchati,||
anuvāta-paṭivātam pi gandho gacchatī" ti?|| ||

"Idh'Ānanda yasmiɱ gāme vā nigame vā itthi vā puriso vā||
Buddhaɱ saraṇaɱ gato hoti,||
dhammaɱ saranaɱ gato hoti,||
saŋghaɱ saraṇaɱ gato hoti,||
pāṇātipātā paṭivirato hoti,||
adinnādānā paṭivirato hoti,||
kāmesu micchācārā paṭivirato hoti,||
musā-vādā paṭivirato hoti,||
surāmerayamajjapamādaṭṭhānā paṭivirato hoti,||
sīlavā hoti kalyāṇadhammo,||
vigatamalamaccherena cetasā agāraɱ ajjhāvasatī,||
muttacāgo payatapāṇī vossaggarato yācayogo dānasaɱvibhāgarato.|| ||

Tassa disāsu samaṇa-brāhmaṇā vaṇṇaɱ bhāsanti:|| ||

'Asukasmiɱ nāma gāme vā nigame vā itthi vā puriso vā||
Buddhaɱ saraṇaɱ gato hoti,||
dhammaɱ saranaɱ gato hoti,||
saŋghaɱ saraṇaɱ gato hoti,||
pāṇātipātā paṭivirato hoti,||
adinnādānā paṭivirato hoti,||
kāmesu micchācārā paṭivirato hoti,||
musā-vādā paṭivirato hoti,||
surāmerayamajjapamādaṭṭhānā paṭivirato hoti,||
sīlavā hoti kalyāṇadhammo,||
vigatamalamaccherena cetasā agāraɱ ajjhāvasatī,||
muttacāgo payatapāṇī vossaggarato yācayogo dānasaɱvibhāgarato' ti.|| ||

Devatā pi'ssa amanussā vanṇaɱ bhāsanti:|| ||

'Asukasmiɱ nāma gāme vā nigame vā itthi vā puriso vā||
Buddhaɱ saraṇaɱ gato hoti,||
dhammaɱ saranaɱ gato hoti,||
saŋghaɱ saraṇaɱ gato hoti,||
pāṇātipātā paṭivirato hoti,||
adinnādānā paṭivirato hoti,||
kāmesu micchācārā paṭivirato hoti,||
musā-vādā paṭivirato hoti,||
surāmerayamajjapamādaṭṭhānā paṭivirato hoti,||
sīlavā hoti kalyāṇadhammo,||
vigatamalamaccherena cetasā agāraɱ ajjhāvasatī,||
muttacāgo payatapāṇī vossaggarato yācayogo dānasaɱvibhāgarato' ti.|| ||

Idaɱ kho taɱ Ānanda gandhajātaɱ||
yassa anuvātam pi gandho gacchati,||
paṭivātam pi gandhe gacchati,||
anuvāta-paṭivātam pi gandho gacchatī" ti.|| ||

Na pupphagandho paṭivātam eti||
Na candanaɱ tagaramallikā vā,||
Satañ ca gandho paṭivātam eti||
Sabbā disā sappuriso pavātī ti.|| ||

 


Contact:
E-mail
Copyright Statement   Webmaster's Page