Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
IX. Samaṇa Vagga

Sutta 82

Khetta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīṇ'imāni bhikkhave kassakassa gahapatissa pubbe karaṇīyāni.|| ||

Katamāni tīṇī?|| ||

Idha bhikkhavekassako gahapati paṭigacceva khettaɱ sukaṭṭhaɱ karoti sumatikataɱ.|| ||

Paṭigacceva khettaɱ sukaṭṭhaɱ karitvā sumatikataɱ kālena bījāni patiṭṭhāpeti.|| ||

Kālena bījāni patiṭṭhāpetvā samayena udakaɱ abhineti pi [230] apanetipi.|| ||

Imāni kho bhikkhave tīṇi kassakassapatissa pubbe karaṇīyāni.|| ||

Evam eva kho bhikkhave tinimāni bhikkhussa pubbe karaṇīyāni.|| ||

Katamāni tīṇi?|| ||

Adhisīla-sikkhā-samādānaɱ,||
adhicitta-sikkhā-samādānaɱ,||
adhipaññā-sikkhā-samādānaɱ.|| ||

Imāni khobhikkhave tīni bhikkhussa pubbe karaṇīyāni.|| ||

Tasmāt iha bhikkhave evaɱ sikkhitabbaɱ:|| ||

'Tibbo no chando bhavissati adhisīla-sikkhā-samādāne,||
tibbo no chando bhavissati adhicitta-sikkhā-samādāne,||
tibbono chando bhavissati adhipaññā-sikkha-samādāne' ti.|| ||

Evaɱ hi ve bhikkhave sikkhitabban ti.|| ||

 


Contact:
E-mail
Copyright Statement   Webmaster's Page