Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
IX. Samaṇa Vagga

Sutta 85

Paṭhama Sikkha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than] Evaɱ me sutaɱ.|| ||

Ekaɱ samayaɱ Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Sādhikam idaɱ bhikkhave diyaḍḍha-sikkhāpadasataɱ anvaddhamāsaɱ uddesaɱ āgacchati,||
yattha atthakāmā kulaputtā sikkhanti.|| ||

Tisso imā bhikkhave sikkhā,||
yatth'etaɱ sabbaɱ samodhānaɱ gacchati.|| ||

Katamā tisso?|| ||

Adhisīla-sikkhā,||
adhicitta-sikkhā,||
adhipaññā-sikkhā.|| ||

Imā ko bhikkhave tisso sikkhā,||
yatth'etaɱ sabbaɱ samodhānaɱ gacchati.|| ||

2. Idha, bhikkhave, bhikkhū sīlesu paripūrakārī hoti,||
samādhismiɱ mattaso kārī||
paññāya mattaso kārī.|| ||

So yāni tāni khuddānudhuddakāni sikkhāpadāni||
tāni āpajjati pi||
vuṭṭhāti pi.|| ||

Taɱ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tani sikkhāpadāni ādibrahmacariyikāni brahmacirayasāruppāni,||
tattha dhūvasīlo ca hoti||
ṭhitha-sīlo ca||
samādāya sikkhati sikkhāpadesu.|| ||

So tiṇṇaɱ saɱyojanānaɱ [232] parikkhayā sotāpanno hoti||
avinipātadhammo niyato sambodhiparāyaṇo.|| ||

3. Idha pana bhikkhave bhikkhū sīlesu paripūrakārī hoti||
samādhismiɱ mattaso kārī,||
paññāya mattaso kārī.|| ||

So yāni tāni khuddānukhuddakāni sukkhāpadāni||
tāni āpajjati pi||
vuṭṭhāti pi.|| ||

Taɱ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tāni sikkhāpadāni ādibrahmacariyikāni brahmacariyasāruppāni,||
tattha dhūvasīlo ca hoti||
ṭhitha-sīlo ca||
samādāya sikkhati sikkhāpadesu.|| ||

So tiṇṇaɱ saɱyojanānaɱ parikkhayā rāga-dosa-mohānaɱ tanuttā sakadāgimi hoti||
sakid eva imāɱ lokaɱ āganthvā dukkhassa antaɱ karoti.|| ||

4. Idha pana bhikkhave bhikkhū silesu paripūrakārī hoti||
samādhismiɱ paripūra kārī||
paññāya mattaso kārī.|| ||

So yāni tāni khuddānudhuddakāni sikkhāpadāni||
tāni āpaññati pi||
vuṭṭhāti pi.|| ||

Taɱ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tāni sikkhāpadāni ādibrahmacariyikāni brahmacariyasāruppāni,||
tattha dhuvasīlo ca hoti||
ṭhitasīlo ca||
samādāya sikkhati sikkhāpadesu.|| ||

So pañcannaɱ orambhāgiyānaɱ saɱyojanānaɱ parikkhayā opapātiko hoti||
tattha-parinibbāyī anāvattidhammo tasmā lokā.|| ||

5. Idha pana bhikkhave bhikkhu sīlesu paripūrakārī hoti,||
samādhismiɱ paripūra kārī||
paññāya paripūra kārī.|| ||

So yāni tāni khuddānukhuddakāni sikkhāpadāni,||
tāni āpajjati pi||
vuṭṭhāti pi.|| ||

Taɱ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tāni sikkhāpadāni ādibrahmacariyikāni buhmacariyasāruppāni,||
tattha dhuvasīlo ca hoti||
ṭhitasīli ca||
samādāya sikkhati sikkhāpadesu.|| ||

So āsavānaɱ khayā anāsavaɱ||
cetāvimuttiɱ||
paññā-vimuttiɱ||
diṭṭhe va dhamme sayaɱ abhiññā sacchikatvā||
upasampajja viharati.|| ||

Iti kho bhikkhave padesaɱ padesakārī ārādheti||
paripūraɱ paripūrakārī.|| ||

Avañjhāni tvevāhaɱ bhikkhave sikkhāpadāni vadāmī ti.|| ||

 


[ed1] See the Outline comparing Suttas 85-86-87.

 


Contact:
E-mail
Copyright Statement   Webmaster's Page