Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
IX. Samaṇa Vagga

Sutta 87

Dutiya Sikkha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Sādhikam idaɱ bhikkhave diyaḍḍha-sikkhāpadasataɱ anvaddhamāsaɱ uddesaɱ āgacchati,||
yattha atthakāmā kulaputtā sikkhanti.|| ||

Tisso imā bhikkhave sikkhā,||
yatth'etaɱ sabbaɱ samodhānaɱ gacchati.|| ||

Katamā tisso?|| ||

Adhisīla-sikkhā,||
adhicitta-sikkhā,||
adhipaññā-sikkhā.|| ||

Imā ko bhikkhave tisso sikkhā,||
yatth'etaɱ sabbaɱ samodhānaɱ gacchati.|| ||

2. Idha pana bhikkhave bhikkhu sīlesu paripūrakārī hoti,||
samādhismiɱ paripūra kārī||
paññāya paripūra kārī.|| ||

So yāni tāni khuddānukhuddakāni sikkhāpadāni,||
tāni āpajjati pi||
vuṭṭhāti pi.|| ||

Taɱ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tāni sikkhāpadāni ādibrahmacariyikāni buhmacariyasāruppāni,||
tattha dhuvasīlo ca hoti||
ṭhitasīli ca||
samādāya sikkhati sikkhāpadesu.|| ||

So āsavānaɱ khayā anāsavaɱ||
cetāvimuttiɱ||
paññā-vimuttiɱ||
diṭṭhe va dhamme sayaɱ abhiññā sacchikatvā||
upasampajja viharati.|| ||

3. Taɱ vā pana anabhisambhavaɱ appaṭivijjhaɱ pañcannaɱ orambhāgiyānaɱ saññojanānaɱ parikkhayā antarāparinibbāyī hoti.|| ||

Taɱ vā pana anabhisambhavaɱ appaṭivijjhaɱ pañcannaɱ orambhāgiyānaɱ saññojanānaɱ parikkhayā upahacca-parinibbāyī hoti.|| ||

So pañcannaɱ orambhāgiyānaɱ saññojanānaɱ parikkhayā asasankhāraparinibbāyī hoti.|| ||

So pañcannaɱ orambhāgiyānaɱ saññojanānaɱ parikkhayā sasankhāraparinibbāyī hoti.|| ||

So pañcannaɱ orambhāgiyānaɱ saññojanānaɱ parikkhayā uddhaɱsoto hoti.|| ||

So pañcannaɱ orambhāgiyānaɱ saññojanānaɱ parikkhayā Akaniṭṭhagāmi hoti.|| ||

Taɱ vā pana anabhisambhavaɱ appaṭivijjhaɱ tiṇaɱṇaɱ saññojanānaɱ parikkhayā rāga-dosa-mohānaɱ tanuttā sakadāgāmī hoti,||
sakideva imaɱ [235] lokaɱ āgannvā dukkhassantaɱ karoti.|| ||

Taɱ vā pana anabhisambhavaɱ appaṭivijjhaɱ tiṇaɱṇaɱ saññojanānaɱ parikkhayā ekabīji hoti,||
ekaɱ yeva mānusakaɱ bhavaɱ nibbattetvā dukkhassantaɱ karoti.|| ||

Taɱ vā pana anabhisambhavaɱ appaṭivijjhaɱ tiṇaɱṇaɱ saññojanānaɱ parikkhayā kolaŋkolo hoti,||
dve vā tīṇi vā kulāni sandhāvitvā dukkhassantaɱ karoti.|| ||

Taɱ vā pana anabhisambhavaɱ appaṭivijjhaɱ tiṇaɱṇaɱ saññojanānaɱ parikkhayā sattakkhattuparamo hoti.|| ||

Sattakkhattuparamaɱ deve ca manusse ca sandhāvitvā saɱsaritvā dukkhassanta karoti.|| ||

Iti kho bhikkhave paripūraɱ||
paripūrakārī||
ārādheti padesaɱ||
padesakārī.|| ||

Avañjhānitvevāhaɱ bhikkhave sikkāpadāni vadimiti.|| ||

 


[ed1] See the Outline comparing Suttas 85-86-87.

 


Contact:
E-mail
Copyright Statement   Webmaster's Page