Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
IX. Samaṇa Vagga

Sutta 90

Pankadhā or Saŋkavā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Kosalesu cārikaɱ caramāno mahatā bhikkhūsaŋghena saddhiɱ yena Paŋkadhā nāma Kosalānaɱ nigamo tad avasari.|| ||

Tatra sudaɱ Bhagavā Paŋkadhāyaɱ viharati.|| ||

Paŋkadhā nāma Kosalānaɱ nigamo.|| ||

Tena kho pana samayena Kassapagotto nāma bhikkhu Paŋkadhāyaɱ āvāsiko hoti.|| ||

Tatra sudaɱ Bhagavā sikkhā-padapaṭi-saŋuttāya dhammiyā kathāya bhikkhū sandasseti samādapeti samuttejeti sampahaɱseti.|| ||

Atha kho Kassapagottassa bhikkhūno Bhagava sikkhā-padapaṭi-saŋuttāya dhammiyā kathāya bhakkhū sandassente samādapente samuttejente sampahaɱsente ahud eva akkhanti,||
ahu appaccayo:|| ||

"Adisallikhat'evāyaɱ samaṇo" ti.|| ||

2. Atha kho Bhagavā Paŋkadhāyaɱ yathābhirantaɱ viharitvā yena Rājagahaɱ tena cārikaɱ pakkāmi||
anupubbena cārikaɱ caramāno yena Rāgahaɱ tad avasari. [237] Tatra sudaɱ Bhagavā Rājagahe viharati Gijjhakūṭe pabbate.|| ||

Atha kho Kassapagottassa bikkhuno acirapakkantassa Bhagavato ahud eva kukkuccaɱ||
ahu vippaṭisāro:|| ||

"Alābhā vata me,||
na vata me lābhā.|| ||

Dulladdhaɱ vata me,||
na vata me suladdhaɱ,||
yassa me Bhagavatā sikkhā-padapaṭi-saŋuttāya dhammiyā kathāya bikkhū sandassente samādapente samuttejente sampahaɱsente ahud eva akkhanti,||
ahu appaccayo||
'adisallikhat'evāyaɱ samaṇo' ti.|| ||

Yan nūnāhaɱ yena Bhagavā ten'upasaŋkameyyaɱ,||
upasaŋkamitvā Bhagavato santike accayaɱ accayato deseyyan ti?"|| ||

3. Atha kho Kassapagotto bikkū senāsanaɱ saɱsāmetvā pattacīvaraɱ ādāya yena Rājagahaɱ tena pakkāmi||
anupuppena yena Rājagahaɱ yena Gijjhakūṭo pabbato yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisūdi.|| ||

Eka-m-antaɱ nisinno ko Kassapagotto bikkhū Bhagavantaɱ etad avoca:|| ||

"Ekam idaɱ Bhante samayaɱ Bhagavā Paŋkadhāyaɱ viharati.|| ||

Paŋkadhā nāma Kosalānaɱ nigamo.|| ||

Tatra sudaɱ Bhagavā sikkhā-padapaṭi-saŋuttāya dhammiyā kathāya bhikkhū sandassesi||
samādapesi samuttejesi sampahaɱsesi.|| ||

Tassa mayhaɱ bhante Bhagavati sikkhā-padapaṭi-saŋuttāya dhammiyā kathāya bikkhū sandassente samādapente samuttejente sampahaɱsente||
ahud eva akkhanti,||
ahu appaccayo,||
'adisallikhat'evāyaɱ samaṇo' ti.|| ||

Atha kho bhante Bhagavā Paŋkadhāyaɱ yābhirantaɱ viharitvā yena Rājagahaɱ tena cārikaɱ pakkāmi.|| ||

Tassa mayhaɱ bhante acirapakkantassa Bhagavato ahud eva kukkuccaɱ,||
ahu vippaṭisāro:|| ||

'Alābhā vata me,||
na vata me lābhā||
dulladdhaɱ vata me,||
na vata ma suladdhaɱ,||
yassa me Bhagavati sikkhā-padapaṭi-saŋuttāya dhammiyā kathāya bhikkhū sandassente samādapente samuttejente sampahaɱsente||
ahud eva akkanti,||
ahud appaccayo,||
"adisallikhat'evāyaɱ samaṇo"' ti.|| ||

'Yan nūnāhaɱ yena Bhagavā ten'upasaŋkameyyaɱ,||
upasaŋkamitvā Bhagavato santike accayaɱ accayato deseyyan' ti?|| ||

Accayo maɱ [238] bhante accagamā yathābālaɱ yathāmūḷhaɱ yathā-akusalaɱ yassa me Bhagava sikkhā-padapaṭi-saŋuttāya dhammiyā kathāya bhikkhū sandassente samādapente samuttejente sampahaɱsente||
ahud eva akkhanti,||
ahu appaccayo,||
'adisallikhat'evāyaɱ samaṇo' ti.|| ||

Tassa me bhante Bhagavā accayaɱ accayato patigaṇhātu āyatiɱ saɱvarāyā" ti.|| ||

4. "Taggha tvaɱ Kassapa accayo accagamā yathābālaɱ yathāmūḷhaɱ yathā-akusalaɱ;||
yassa te mayā sikkhā-padapaṭi-saŋuttāya dhammiyā kathāya bhikkhū sandassente samādapente samuttejente sampahaɱsente||
ahud eva akkhanti,||
ahu appaccayo,||
'adisallikhat'evāyaɱ samaṇo' ti.|| ||

Yato ca kho tvaɱ Kassapa accayaɱ accayato disvā yathādhammaɱ paṭikarosi,||
taɱ te mayaɱ patigaṇhāma.|| ||

Vuddhi h'esā Kassapa ariyassa vinaye yo accayaɱ accayato disvā yathādhammaɱ paṭikaroti,||
āyatiɱ saɱvaraɱ āpajjati.|| ||

5. Thero ce pi Kassapa bhikkhū hoti na sikkhākāmo sikkhāsamādānassa na vaṇṇavādī||
ye c'aññe bhikkhū na sikkhākāmā te ca pana sikkhāya na samādapeti,||
ye c'aññe bhikkhu sikkhākāmā tesañ ca na vaṇṇaɱ bhaṇati,||
bhūtaɱ tacchaɱ kālena,||
evarūpassāhaɱ Kassapa therassa bhikkhuno na vaṇṇaɱ bhaṇāmi.|| ||

Taɱ kissa hetu?|| ||

Satthā hi'ssa vaṇṇaɱ bhaṇatī ti aññe naɱ bhikkhū bhajeyyuɱ.|| ||

Ye naɱ bhajeyyuɱ,||
tyāssa diṭṭhānugatiɱ āpajjeyyuɱ.|| ||

Yāssa diṭṭhānugatiɱ āpajjeyyuɱ,||
tesaɱ taɱ assa dīgha-rattaɱ ahitāya dukkhāyā ti.|| ||

Tasmāhaɱ Kassapa evarūpassa therassa bhikkhuno na vaṇṇaɱ bhaṇāmi.|| ||

6. Majjhimo ce pi Kassapa bhikkhū hoti na sikkhākāmo sikkhāsamādānassa na vaṇṇavādi||
ye c'aññe bhikkhū na sikkhākāmā te ca pana sikkhāya na samādapeti,||
ye c'aññe bhikkhū sikkhākāmā tesañ ca na vaṇṇaɱ bhaṇati,||
bhūtaɱ tacchaɱ kālena,||
evarūpassāhaɱ Kassapa majjhimassa bhikkhuno na vaṇṇaɱ bhaṇāmi.|| ||

Taɱ kissa hetu?|| ||

Satthā hi'ssa vaṇṇaɱ bhaṇatī ti aññe naɱ bhikkhū bhajeyyuɱ.|| ||

Ye naɱ bhajeyyuɱ,||
tyāssa diṭṭhānugatiɱ āpajjeyyuɱ.|| ||

Yāssa diṭṭhānugatiɱ āpajjeyyuɱ,||
tesaɱ taɱ assa dīgha-rattaɱ ahitāya dukkhāyā ti.|| ||

Tasmāhaɱ Kassapa evarūpassa majjhimassa bhikkhuno na vaṇṇaɱ bhaṇāmi.|| ||

7. Navo ce pi Kassapa bhikkhū hoti na sikkhākāmo sikkhāsamādānassa na vaṇṇavādi||
ye c'aññe bhikkhū na sikkhākāmā te ca pana sikkhāya na samādapeti,||
ye c'aññe bhikkhū sikkhākāmā tesañca na vaṇṇaɱ bhaṇati,||
bhūtaɱ tacchaɱ kālena,||
evarūpassāhaɱ Kassapa navassa bhikkhuno na vaṇṇaɱ bhaṇāmi.|| ||

Taɱ kissa hetu?|| ||

Satthā hi'ssa vaṇṇaɱ bhaṇatīti aññe naɱ bhikkhū bhajeyyuɱ.|| ||

Ye naɱ bha- [239] jeyyuɱ,||
tyāssa diṭṭhānugatiɱ āpajjeyyuɱ.|| ||

Yyāssa diṭṭhānugatiɱ āpajjeyyuɱ,||
tesaɱ taɱ assa dīgha-rattaɱ ahitāya dukkhāyā ti.|| ||

Tasmāhaɱ Kassapa evarūpassa navassa bhikkhuno na vaṇṇaɱ bhaṇāmi.|| ||

8. Thero ce pi Kassapa bhikkhu hoti sikkhākāmo sikkhāsamādānassa vaṇṇavādi,||
ye c'aññe bhikkhū na sikkhākāmā te ca sikkhāya samādapeti,||
ye c'aññe bhikkhū sikkhākāmā tesañ ca na vaṇṇaɱ bhaṇati,||
bhūtaɱ tacchaɱ kālena,||
evarūpassāhaɱ Kassapa therassa bhikkhuno na vaṇṇaɱ bhaṇāmi.|| ||

Taɱ kissa hetu?|| ||

Satthā hi'ssa vaṇṇaɱ bhaṇatīti aññe naɱ bhikkhū bhajeyyuɱ.|| ||

Ye naɱ bhajeyyuɱ,||
tyāssa diṭṭhānugatiɱ āpajjeyyuɱ.|| ||

Yyāssa diṭṭhānugatiɱ āpajjeyyuɱ,||
tesaɱ taɱ assa dīgha-rattaɱ hitāya sukkhāyā ti.|| ||

Tasmāhaɱ Kassapa evarūpassa therassa bhikkhuno vaṇṇaɱ bhaṇāmi.|| ||

9. Majjhimo ce pi Kassapa bhikkhu hoti sikkhākāmo sikkhāsamādānassa vaṇṇavādi,||
ye c'aññe bhikkhū na sikkhākāmā te ca sikkhāya samādapeti,||
ye c'aññe bhikkhū sikkhākāmā tesañ ca na vaṇṇaɱ bhaṇati,||
bhūtaɱ tacchaɱ kālena,||
evarūpassāhaɱ Kassapa majjhimassa bhikkhuno na vaṇṇaɱ bhaṇāmi.|| ||

Taɱ kissa hetu?|| ||

Satthā hi'ssa vaṇṇaɱ bhaṇatīti aññe naɱ bhikkhū bhajeyyuɱ.|| ||

Ye naɱ bhajeyyuɱ,||
tyāssa diṭṭhānugatiɱ āpajjeyyuɱ.|| ||

Yyāssa diṭṭhānugatiɱ āpajjeyyuɱ,||
tesaɱ taɱ assa dīgha-rattaɱ hitāya sukkhāyā ti.|| ||

Tasmāhaɱ Kassapa evarūpassa majjhimassa bhikkhuno vaṇṇaɱ bhaṇāmi.|| ||

10. Navo ce pi Kassapa bhikkhu hoti sikkhākāmo sikkhāsamādānassa vaṇṇavādi,||
ye c'aññe bhikkhū na sikkhākāmā te ca sikkhāya samādapeti,||
ye c'aññe bhikkhū sikkhākāmā tesañ ca na vaṇṇaɱ bhaṇati,||
bhūtaɱ tacchaɱ kālena,||
evarūpassāhaɱ Kassapa navassa bhikkhuno na vaṇṇaɱ bhaṇāmi.|| ||

Taɱ kissa hetu?|| ||

Satthā hi'ssa vaṇṇaɱ bhaṇatīti aññe naɱ bhikkhū bhajeyyuɱ.|| ||

Ye naɱ bhajeyyuɱ,||
tyāssa diṭṭhānugatiɱ āpajjeyyuɱ.|| ||

Yyāssa diṭṭhānugatiɱ āpajjeyyuɱ,||
tesaɱ taɱ assa dīgha-rattaɱ hitāya sukkhāyā ti.|| ||

Tasmāhaɱ Kassapa evarūpassa navassa bhikkhuno vaṇṇaɱ bhaṇāmi.|| ||

Samaṇavaggo catuttho.|| ||

 


Contact:
E-mail
Copyright Statement   Webmaster's Page