Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
X. Loṇaphala Vagga

Sutta 100

Paɱsudhovaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][ati] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Santi, bhikkhave, jātarupassa oḷārikā upakkilesā:||
pajasu vālikā sakkharakṭhalā.|| ||

Tam enaɱ paɱsudhovako vā||
paɱsudhovakantevāsī vā||
doṇīyaɱ ākiritvā dhovatī||
sandhovati||
niddhovati.|| ||

Tasmiɱ pahīne tasmiɱ vyantikate santi jātarūpassa majjhima-sahagatā upakkilesā:||
sukhumanakkharā thūlavālikā.|| ||

Tam enaɱ paɱsudhovako vā||
paɱsudhovakantevāsīvā||
dhovati||
sandhovati||
niddhovati.|| ||

Tasmiɱ pahīne tasmiɱ vyantikate santi jātarūpassa sukhuma-sahagatā upakkilesā:||
sukhumavālikā kālajallikā.|| ||

Tam enaɱ paɱsudhovako vā||
paɱsudhovakantevāsī vā||
dhovati||
sandhovatī||
niddhovatī.|| ||

Tasmiɱ pahine tasmiɱ vyantikate athāparaɱ suvaṇṇasikatā'vasissanti.|| ||

2. Tam enaɱ suvaṇṇakāro vā||
suvaṇṇakārantevāsi vā||
taɱ jātarūpaɱ musāyaɱ pakkhipitvā dhamati sandhamati na [254] niddhamati.|| ||

Taɱ hoti jātarūpaɱ dhantaɱ sandhantaɱ aniddhantaɱ,||
anihitaɱ aninnītakasāvaɱ,||
na c'eva muduɱ hoti na ca kammanīyaɱ na ca pabhassaraɱ||
pabhaŋgu ca,||
na ca sammā upeti kammāya.|| ||

Hoti so bikkhave samayo yaɱ so||
suvañṇakāro vā||
suvaṇṇakārantevāsī vā||
taɱ jātarupaɱ dhamati||
sandhamati||
niddhamati.|| ||

Taɱ hoti jātarupaɱ dhantaɱ sandhantaɱ niddhantaɱ nihitaɱ ninnītakasāvaɱ,||
muduñ ca hoti kammanīyañ ca pabhassarañ ca,||
na ca pabhagu,||
sammā upeti kammāya.|| ||

Yassā yassā ca pilavdhanavikatiyā ākaŋkhata:||
yadi paṭṭakāya||
yadi kuṇḍalāya||
yadi gīveyyake||
yadi suvaṇṇamālāya||
tañ c'assu atthaɱ anubhoti.|| ||

3. Evam eva kho bikkhave santi adicittamanuyuttassa bhikkhuno oḷārikā upakkilesā:||
kāyaduccaritaɱ||
vacīduccaritaɱ||
manoduccaritaɱ.|| ||

Tam enaɱ sacetaso bhikkhū dabbajātiko pajahati vinodeti vyantikaroti anabhāvaɱ gameti.|| ||

Tasmiɱ pahine tasmiɱ vyantikate santi adhicittamanuyuttassa bikkhuno majjhimasahagatā upakkilesā:||
kāmavitakko||
vayāpādavitakko||
vihiɱsāvitakko.|| ||

Tam enaɱ sacetaso bhikkhū dabbajātiko pajahati vinodeti vyantikaroti anabhāvaɱ gameti.|| ||

Tasmiɱ pahīne tasmiɱ vyantikate santi adicittamanuyuttassa bhikkhuno sukhumasahagatā upakkilesā:||
jātivitakko||
janapadavitakko||
anuviññatti-paṭisaŋyutto vitakko.|| ||

Tam enaɱ sacetaso bhikkhu dabbajātiko pajahati vinodeti vyantikaroti anabhāvaɱ gameti.|| ||

Tasmiɱ pahīne tasmiɱ vyantikate athāparaɱ dhammavitakkā'vasissanti.|| ||

4. So hoti samādhi na c'eva santo||
nappaṇito||
nappaṭi-passaddhaladdho||
na ekodibhāvādhigato,||
sasaɱkhāra-niggayha-vārita-vato.|| ||

Hoti so bhikkhave samayo,||
yaɱ taɱ cittaɱ ajjhattaɱ yeva santiṭṭhati,||
sannisīdati,||
ekodi hoti,||
samādhiyati.|| ||

So hoti samādhi santo||
paṇīto||
paṭi-passaddhaladdho||
ekodibhāvādhigato,||
na sasaɱkhāra-niggayha-vārita-vato.|| ||

Yassa yassa ca abhiññā-saccikaraṇīyassa dhammassa cittaɱ abhi- [255] ninnāmeti abhiññā-sacchikiriyāya,||
tata tatr'eva sakkhiabbataɱ pāpuṇāti sati sati āyatane.|| ||

5. So sace ākaŋkhati:|| ||

"Anekaviritaɱ iddhividhaɱ paccanubhaveyyaɱ:|| ||

Eko pi hutvā bahudhā assaɱ,||
bahudhā pi hutvā eko assaɱ,||
āvībhāvaɱ tirobhāvaɱ,||
tirokuḍḍaɱ tiropākāraɱ tiropabbataɱ asajjamāno gaccheyyaɱ||
seyyathā pi ākāso,||
paṭhaviyā pi ummujjanimmujjaɱ kareyyaɱ||
seyyathā pi udake,||
udake pi abhijjamāne gaccheyyaɱ||
seyyathā pi paṭhaviyaɱ,||
ākāse pi pallaŋkena kameyyaɱ||
seyyathā pi pakkhī sakuṇo,||
ime pi candima-suriye evaɱ mahiddike evaɱ mahānubhāve pāṇinā parimaseyyaɱ parimajjeyyaɱ,||
yāva brahmalokā pi kāyena vasaɱ vatteyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

6. So sace ākaŋakhati:|| ||

"Dibbāya sotadhātuyā vusuddhāya atikkantamānusikāya ubho saddesuṇeyyaɱ dibbe ca mānuse ca ye dure santike ca" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

7. So sace ākaŋkhati:|| ||

"Parasattānaɱ parapuggalānaɱ cetasā ceto paricca pajāneyyaɱ,||
sarāgaɱ vā cittaɱ, sarāgaɱ cittan ti pajāneyyaɱ,||
vītarāgaɱ vā cittaɱ, vītarāgaɱ cittan ti pajāneyyaɱ,||
sadosaɱ vā cittaɱ, sadosaɱ cittan ti pajāneyyaɱ,||
vītadosaɱ vā cittaɱ, vītadesaɱ cittan ti pajāneyyaɱ,||
samohaɱ vā cittaɱ, samohaɱ cittan ti pajāneyyaɱ,||
vītamehaɱ vā cittaɱ, vītamehaɱ cittan ti pajāneyyaɱ,||
saŋakhittaɱ vā cittaɱ, saŋkhittaɱ cittan ti pajāneyyaɱ,||
vikkhittaɱ vā cittaɱ, vikkhittaɱ cittan ti pajāneyyaɱ,||
mahaggataɱ vā cittaɱ, mahaggataɱ cittan ti pajāneyyaɱ,||
amahaggataɱ vā cittaɱ, amahaggataɱ cittan ti pajāneyyaɱ,||
sauttaraɱ vā cittaɱ, sauttaraɱ cittan ti pajāneyyaɱ,||
anuttaraɱ vā cittaɱ, anuttaraɱ cittaɱn ti pajāneyyaɱ,||
samāhitaɱ vā cittaɱ, samāhitaɱ cittan ti pajāneyyaɱ,||
asamāhitaɱ vā cittaɱ, asamāhitaɱ cittan ti pajāneyyaɱ,||
sabbaɱ vitthāretabbaɱ vā cittaɱ sabbaɱ vitthāretabbaɱ cittan ti pajāneyyaɱ,||
avimuttaɱ vā cittaɱ, avimuttaɱ cittan ti pajāneyyan,||
vimuttaɱ vā cittaɱ, vimuttaɱ cittan ti pajāneyyaɱ" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

8. So sace ākaŋkhati:|| ||

"Anekavihitaɱ pubbenivāsaɱ anussareyyaɱ,||
seyyath'idaɱ:|| ||

Ekam pi jāti,||
dve pi jātiyo,||
tisso pi jātiya,||
cetasso pi jātiyo,||
pañca pi jātiyo,||
dasa pi jātiye,||
vīsam pi jātiyo,||
tiɱsam pi jātiyo,||
cattārīsam pi jātiyo,||
paññāsam pi jātiye,||
jātisatam pi jātisahassam pi jāti-sata-sahassam pi aneke pi saɱvaṭṭakappe aneke pi vivaṭṭakappe aneke pi saɱvaṭṭa-vivaṭṭakappe.|| ||

Amutrāsiɱ [256] evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ sukha-dukkha-paṭsaɱvedī,||
evam-āyu-pariyanto.|| ||

So tato cuto amutra upapādiɱ,||
tatrāpāsiɱ,||
evaɱ-nāmo,||
evaɱ-gotto,||
evaɱ vanṇo,||
evam-āhāro,||
evaɱ-sukha-dukkha-paṭisaŋvedi,||
evam-āyu-pariyanto.|| ||

So tato cuto idhūpapannoti.|| ||

Iti sākāraɱ sa-uddesaɱ aneka-vihitaɱ pubbenivāsaɱ anussareyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

9. So sace ākaŋkhati:|| ||

"Dibbena cakkhunā visuddhena atikkantamānusakena||
satte passeyyaɱ cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti.|| ||

Ime vata bhonto sattā kāyaduccaritena samannāgatā,||
vacīduccaritena samannāgatā,||
manoduccaritena samannāgatā,||
ariyānaɱ upavādakā,||
micchādiṭṭhikā,||
micchādiṭṭhikammasamādānā.|| ||

Te kāyassa bhedā param maraṇā apāyaɱ duggatiɱ viṭpātaɱ Nirayaɱ upapannā.|| ||

Ime vā pana bhonto sattā kāyasucāritena samannāgatā,||
vacī succiritena samannāgatā,||
manosucaritena samannāgatā,||
ariyānaɱ anupavādakā,||
sammādiṭṭhikā,||
sammādiṭṭhikammasamādānā.|| ||

Te kāyassa bhedā param maraṇā sugatiɱ saggaɱ lokaɱ upapannāti.|| ||

Iti dibbena cakkunā visuddhena atikkantamānusakena satte passeyyaɱ cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajāneyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

10. So sace ākaŋkhati:|| ||

"Āsavānaɱ khayā anāsavaɱ ceto-vimuttiɱ paññāvumuttiɱ diṭṭhe va dhamme sayaɱ abhiññā sacchikatvā upasampajja vihareyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

 

§

 

[11][1] [pts][ati] Adhicittamanuyuttena bhikkhave bhikkhunā tīṇi nimittāni kālena kālaɱ manasikātabbāni:|| ||

Kālena kālaɱ samādhinimittaɱ manasikātabbaɱ||
kālena kālaɱ paggahanimittaɱ manasikātabbaɱ||
kālena kālaɱ upekkhānimittaɱ manasikātabbaɱ.|| ||

12. Sace bhikkhave adhicittamanuyutto bhikkhu ekantaɱ samādhinimittaɱ yeva manasikareyya,||
ṭhānaɱ taɱ cittaɱ kosajjaya saɱvanteyya.|| ||

Sace bhikkhave adhicittamanuyutto bhikkhu ekantaɱ paggahanimittaɱ yeva manasikareyya,||
ṭhānaɱ taɱ cittaɱ uddhaccāya saɱvanteyya.|| ||

Sace [257] bhikkhave adhicittamanuyutto bhikkhu ekantaɱ upekkhānimittaɱ yeva manasikareyya,||
ṭhānaɱ taɱ cittaɱ na sammā samādhiyetha āsavānaɱ khayāya.|| ||

Yato ca kho bhikkhave adhicittamanuyutto bhikkhu kālena kālaɱ samādhinimittaɱ manasikaroti,||
kālena kālaɱ paggahanimittaɱ manasikaroti,||
kālena kālaɱ upekkhānimittaɱ manasikaroti,||
taɱ hoti cittaɱ muduñ ca kammaniyañ ca pabhassarañ ca na ca pabhaŋgu,||
sammā samādhayati āsavānaɱ khayāya.|| ||

Seyyathā pi, bhikkhave, suvaṇṇakāro vā suvaṇṇakārantevāsi vi ukkaɱ bandhati,||
ukkaɱ pavdhitvā||
ukkāmukhaɱ ālimpeti,||
ukkāmukhaɱ ālimepatvā saṇḍāsena jātarūpaɱ gahetvā ukkāmukhe pakkhipitvā kālena kālaɱ abhidhamati,||
kālena kālaɱ udakena paripphoseti,||
kālena kālaɱ ajjhupekkhati.|| ||

Sace bhikkhave suvaṇṇakāro vā suvaṇṇakārentevāsi vā taɱ jātarūpaɱ ekantaɱ abhidhameyya,||
ṭhānaɱ taɱ jātarūpaɱ ḍaheyya.|| ||

Sace bhikkhave suvaṇṇakāro vā suvaṇṇakārantevāsī vā taɱ jātarūpaɱ ekantaɱ udakena paripphoseyya,||
ṭhānaɱ taɱ jātarūpaɱ nibbāyeyya.|| ||

Sace bhikkhave suvaṇṇakāro vā suvanṇakārantevāsī vāi taɱ jātarūpaɱ ekantaɱ ajjhupekkheyya,||
ṭhānaɱ taɱ jātarūpaɱ na sammā paripākaɱ gaccheyya.|| ||

Yato ca ko bhakkhave suvaṇṇakāro vā suvanṇakārantevāsi vā taɱ jātarūpaɱ kālena kālaɱ abhidhamati,||
kālena kālaɱ udakena paripphoseti,||
kālena kālaɱ ajjhepakkhati,||
taɱ hoti jātarūpaɱ muduñ ca kammanīyañ ca pabhassarañ ca na ca pabhaŋgu sammā upeti kammāya.|| ||

Yassā yassā ca pilandhanavikatiyā ākaŋkhati:|| ||

Yadi paṭṭakāya yadi kuṭhalāya yadi gīveyyake yadi suvaṇṇamālāya tañ c'assu atthaɱ anubhoti.|| ||

14. Evam eva kho bhikkhave adicittamanuyttena bhikkhūnā tīṇi nimittāni kālena kālaja manasikātabbāni:|| ||

Kālena kālaɱ samādhinimittaɱ manasikātabbaɱ,||
kālena kālaɱ paggahanimittaɱ manasikātabbaɱ,||
kālena kālaɱ upekkhānimittaɱ manasikātabbaɱ.|| ||

Sace bhikkhave adhicittamanuyutto bhikkhu ekantaɱ samādinimittaɱ yeva [258] manasikareyya,||
ṭhānaɱ taɱ cittaɱ kosajjaya saɱvatteyya.|| ||

Sace bhikkhave adhicittamanuyutto bhikkhu ekantaɱ paggahanimittaɱ yeva manasikareyya,||
ṭhānaɱ taɱ cittaɱ uddhaccāya saɱvanteyya.|| ||

Sace bhikkhave adhicittamanuyutto bhikkhu ekantaɱ upekkhānimittaɱ yeva manasikareyya,||
ṭhānaɱ taɱ cittaɱ na sammā samādhiyetha āsavānaɱ khayāya.|| ||

Yato ca kho bhikkhave adhicittamanuyutto bhikkhu kālena kālaɱ samādhinimittaɱ manasikaroti,||
kālena kālaɱ paggahanimittaɱ manasikaroti,||
kālena kālaɱ upekkhānimittaɱ manasikaroti,||
taɱ hoti cittaɱ muduñca kammanīyañ ca pabhassarañ ca na ca pabhaŋgu,||
sammā samādhiyati āsavānaɱ khayāya.|| ||

Yassa yassa ca abhiññā sacchikaraṇīyassa dhammassa cittaɱ abhininnāmeti.|| ||

Abhiññā sacchikiriyāya,||
tata tatr'eva sakkhiabbataɱ pāpuṇāti sati sati āyatane.|| ||

15. So sace ākaŋkhati:|| ||

"Anekaviritaɱ iddhividhaɱ paccanubhaveyyaɱ:|| ||

Eko pi hutvā bahudhā assaɱ,||
bahudhā pi hutvā eko assaɱ,||
āvībhāvaɱ tirobhāvaɱ,||
tirokuḍḍaɱ tiropākāraɱ tiropabbataɱ asajjamāno gaccheyyaɱ||
seyyathā pi ākāso,||
paṭhaviyā pi ummujjanimmujjaɱ kareyyaɱ||
seyyathā pi udake,||
udake pi abhijjamāne gaccheyyaɱ||
seyyathā pi paṭhaviyaɱ,||
ākāse pi pallaŋkena kameyyaɱ||
seyyathā pi pakkhī sakuṇo,||
ime pi candima-suriye evaɱ mahiddike evaɱ mahānubhāve pāṇinā parimaseyyaɱ parimajjeyyaɱ,||
yāva brahmalokā pi kāyena vasaɱ vatteyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

16. So sace ākaŋakhati:|| ||

"Dibbāya sotadhātuyā vusuddhāya atikkantamānusikāya ubho saddesuṇeyyaɱ dibbe ca mānuse ca ye dure santike ca" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

17. So sace ākaŋkhati:|| ||

"Parasattānaɱ parapuggalānaɱ cetasā ceto paricca pajāneyyaɱ,||
sarāgaɱ vā cittaɱ, sarāgaɱ cittan ti pajāneyyaɱ,||
vītarāgaɱ vā cittaɱ, vītarāgaɱ cittan ti pajāneyyaɱ,||
sadosaɱ vā cittaɱ, sadosaɱ cittan ti pajāneyyaɱ,||
vītadosaɱ vā cittaɱ, vītadesaɱ cittan ti pajāneyyaɱ,||
samohaɱ vā cittaɱ, samohaɱ cittan ti pajāneyyaɱ,||
vītamehaɱ vā cittaɱ, vītamehaɱ cittan ti pajāneyyaɱ,||
saŋakhittaɱ vā cittaɱ, saŋkhittaɱ cittan ti pajāneyyaɱ,||
vikkhittaɱ vā cittaɱ, vikkhittaɱ cittan ti pajāneyyaɱ,||
mahaggataɱ vā cittaɱ, mahaggataɱ cittan ti pajāneyyaɱ,||
amahaggataɱ vā cittaɱ, amahaggataɱ cittan ti pajāneyyaɱ,||
sauttaraɱ vā cittaɱ, sauttaraɱ cittan ti pajāneyyaɱ,||
anuttaraɱ vā cittaɱ, anuttaraɱ cittaɱn ti pajāneyyaɱ,||
samāhitaɱ vā cittaɱ, samāhitaɱ cittan ti pajāneyyaɱ,||
asamāhitaɱ vā cittaɱ, asamāhitaɱ cittan ti pajāneyyaɱ,||
sabbaɱ vitthāretabbaɱ vā cittaɱ sabbaɱ vitthāretabbaɱ cittan ti pajāneyyaɱ,||
avimuttaɱ vā cittaɱ, avimuttaɱ cittan ti pajāneyyan,||
vimuttaɱ vā cittaɱ, vimuttaɱ cittan ti pajāneyyaɱ" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

18. So sace ākaŋkhati:|| ||

"Anekavihitaɱ pubbenivāsaɱ anussareyyaɱ,||
seyyath'idaɱ:|| ||

Ekam pi jāti,||
dve pi jātiyo,||
tisso pi jātiya,||
cetasso pi jātiyo,||
pañca pi jātiyo,||
dasa pi jātiye,||
vīsam pi jātiyo,||
tiɱsam pi jātiyo,||
cattārīsam pi jātiyo,||
paññāsam pi jātiye,||
jātisatam pi jātisahassam pi jāti-sata-sahassam pi aneke pi saɱvaṭṭakappe aneke pi vivaṭṭakappe aneke pi saɱvaṭṭa-vivaṭṭakappe.|| ||

Amutrāsiɱ evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ sukha-dukkha-paṭsaɱvedī,||
evam-āyu-pariyanto.|| ||

So tato cuto amutra upapādiɱ,||
tatrāpāsiɱ,||
evaɱ-nāmo,||
evaɱ-gotto,||
evaɱ vanṇo,||
evam-āhāro,||
evaɱ-sukha-dukkha-paṭisaŋvedi,||
evam-āyu-pariyanto.|| ||

So tato cuto idhūpapannoti.|| ||

Iti sākāraɱ sa-uddesaɱ aneka-vihitaɱ pubbenivāsaɱ anussareyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

19. So sace ākaŋkhati:|| ||

"Dibbena cakkhunā visuddhena atikkantamānusakena||
satte passeyyaɱ cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti.|| ||

Ime vata bhonto sattā kāyaduccaritena samannāgatā,||
vacīduccaritena samannāgatā,||
manoduccaritena samannāgatā,||
ariyānaɱ upavādakā,||
micchādiṭṭhikā,||
micchādiṭṭhikammasamādānā.|| ||

Te kāyassa bhedā param maraṇā apāyaɱ duggatiɱ viṭpātaɱ Nirayaɱ upapannā.|| ||

Ime vā pana bhonto sattā kāyasucāritena samannāgatā,||
vacī succiritena samannāgatā,||
manosucaritena samannāgatā,||
ariyānaɱ anupavādakā,||
sammādiṭṭhikā,||
sammādiṭṭhikammasamādānā.|| ||

Te kāyassa bhedā param maraṇā sugatiɱ saggaɱ lokaɱ upapannāti.|| ||

Iti dibbena cakkunā visuddhena atikkantamānusakena satte passeyyaɱ cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajāneyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

20. So sace ākaŋkhati:|| ||

"Āsavānaɱ khayā anāsavaɱ ceto-vimuttiɱ paññāvumuttiɱ diṭṭhe va dhamme sayaɱ abhiññā sacchikatvā upasampajja vihareyyan" ti.|| ||

Tata tatr'eva sakkhiabbataɱ pāpuṇāti sati sati āyatane.|| ||

Mahāpaṇṇāsako samatto dutiyo.|| ||

 


[1] BJT and Access to Insight list this as a separate sutta.

 


Contact:
E-mail
Copyright Statement   Webmaster's Page