Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XI. Sambodhi Vagga

Sutta 105

Kuta (Byāpanna) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][ati][bd] Atha kho Anāthapiṇḍako gahapati yena Bhagavā ten'upasaŋkami.||
Upasaŋkamitvā Bhagavantaɱ abhivādetvā eka-m-antaɱ nisīdi.||
Eka-m-antaɱ nisinnaɱ ko Anāthapiṇḍikaɱ gahapatiɱ Bhagavā etad avoca:|| ||

Citte gahapati arakkhite||
kāyakammam pi ahakkhitaɱ hoti.||
Vacīkammam pi arakkhitaɱ hoti.||
Manokammam pi arakkhitaɱ hoti.|| ||

Tassa arakkhita-kāya-kammantassa arakkhita-vacī-kammantassa arakkhita-mano-kammantassa||
kāyakammam pi avassutaɱ hoti.||
Vacīkammam pi avassutaɱ hoti.||
Manokammam pi avassutaɱ hoti.|| ||

Tassa avassuta-kāya-kammantassa avassuta-vacī-kammantassa avassuta-mano-kammantassa||
kāyakammam pi pūtiyaɱ hoti.||
Vacīkammam pi pūtiyaɱ hoti.||
Manokammam pi pūtiyaɱ hoti.|| ||

Tassa pūti-kāya-kammantassa pūti-vacī-kammantassa pūti-mano-kammantassa||
na bhaddakaɱ maraṇaɱ hoti.||
Na bhaddikā kālakiriyā.|| ||

seyyathā pi gahapati kūṭāgāre ducchanne kūṭam pi arakkhitaɱ hoti.||
Gopānasiyo pi arakkhitā honti.||
Bhitti pi arakkhitā hoti.||
Kūtam pi avassutaɱ hoti.||
Gopānasiyo pi avassutā honti.||
Bhitti pi avassutā hoti.||
Kuṭam pi pūtikaɱ hoti.||
Gopānasiye pi pūtikā honti.||
Bhitti pi pūtikā hoti.|| ||

Evam eva kho gahapati [262] citte arakkhite kāyakammam pi arakkhitaɱ hoti.||
Vacīkammam pi arakkhitaɱ hoti,||
Manokammam pi arakkhitaɱ hoti.|| ||

Tassa arakkhita-kāya-kammantassa arakkhita-vacī-kammantassa arakkhita-mano-kammantassa||
kāyakammam pi avassutaɱ hoti.||
Vacīkammam pi avassuta hoti.||
Manokammam pi avassutaɱ hoti.|| ||

Tassa avassuta-kāya-kammantassa avassuta-vacī-kammantassa avassuta-mano-kammantassa||
kāyakammam pi pūtiyaɱ hoti.||
Vacīkammam pi pūtiyaɱ hoti.||
Manokammam pi pūtiyaɱ hoti.|| ||

Tassa pūti-kāya-kammantassa pūti-vacī-kammantassa pūti-mano-kammantassa||
na bhaddakaɱ maraṇaɱ hoti.||
Na bhaddikā kālakiriyā.|| ||

Citte gahapati rakkhite kāyakammam pi rakkhitaɱ hoti.||
Vacīkammam pi rakkhitaɱ hoti.||
Manokammam pi rakkhitaɱ hoti.|| ||

Tassa rakkhita-kāya-kammantassa rakkhita-vacī-kammantassa rakkhita-mano-kammantassa||
kāyakammam pi anavassutaɱ hoti.||
Vacīkammam pi anavassutaɱ hoti.||
Manokammam pi anavassutaɱ hoti.|| ||

Tassa anavassuta-kāya-kammantassa anavassuta-vacī-kammantassa anavassuta-mano-kammantassa||
kāyakammam pi apūtiyaɱ hoti.||
Vacīkammam pi apūtiyaɱ hoti.||
Manokammam pi apūtiyaɱ hoti.|| ||

Tassa apūti-kāya-kammantassa apūti-vacī- kammantassa apūtī-mano-kammantassa||
bhaddakaɱ maraṇaɱ hoti.||
Bhaddikā kālakiriyā.|| ||

seyyathā pi gahapati kūṭāgāre succhanne kūṭampi rakkhitaɱ hoti.||
Gopānasiyo pi rakkhitā honti.||
Bhitti pi rakkhitā hoti.||
Kuṭam pi anavassutaɱ hoti.||
Gopānasiyo pi anavassutā honti bhitti pi anavassutā hoti.||
Kuṭaṭ pi apūtikaɱ hoti.||
Gopānasiyo pi apūtikā honti||
bhittipi apūtikā hoti.|| ||

Evam eva kho gahapati citte rakkhite||
kāyakammam pi rakkhitaɱ hoti.||
Vacīkammam pi rakkhitaɱ hoti.||
Manokammav pi rakkhitaɱ hoti.|| ||

Tassa rakkhita-kāya-kammantassa rakkhita-vacī-kammantassa rakkhita-mano-kammantassa||
kāyakammam pi anavassutaɱ hoti.||
Vacīkammam pi anavassutaɱ hoti.||
Manokammam pi anavassutaɱ hoti.|| ||

Tassa anavassuta-kāya-kammantassa anavassuta-vacī-kammantassa anavassuta-mano-kammantassa||
kāyakammam pi apūtiyaɱ hoti.||
Vacīkammam pi apūtiyaɱ hoti.||
Manokammam pi apūtiyaɱ hoti.|| ||

Tassa apūti-kāya-kammantassa apūti-vacī-kammantassa apūti-mano-kammantassa||
bhaddakaɱ maraṇaɱ hoti.||
Bhaddikā kālakiriyāti.|| ||

 


Contact:
E-mail
Copyright Statement   Webmaster's Page