Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XI. Sambodhi Vagga

Sutta 106

Kuta (2) (Byāpanna) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Atha kho Anāthapiṇḍako gahapati yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ ko Anāthapiṇḍikaɱ gahapatiɱ Bhagavā etad avoca:|| ||

"Citte gahapati vyāpanne kāyakammampi vyāpannaɱ hoti.|| ||

Vacīkammampi vyāpannaɱ hoti.|| ||

Manokammampivyāpannaɱ hoti.|| ||

Tassa vyāpannakāyakammantassa vyāpannavacīkammantassa vyāpannamanokammantassa na bhaddakaɱ maraṇaɱ hoti.|| ||

Na bhaddikā kālakiriyā.|| ||

Seyyathā pi gahapati kūṭāgāre ducchanne kūṭampi vyāpannaɱ hoti gopanasiyopi vyāpannā honti.|| ||

Bhittīpi vyāpannā hoti.|| ||

Evam eva kho gahapati citte vyāpannekāyakammampi vyāpannaɱ hoti.|| ||

Vacīkammampi vayāpannaɱ hoti.|| ||

Manokammampi vyāpannaɱ hoti.|| ||

Tassa vyāpannakāyakammantassa vyāpannavacīkammantassa vyāpannamanokammantassa na bhaddakaɱ maraṇaɱ hoti.|| ||

Na bhaddikā kālakiriyā.|| ||

Citte gahapati avyāpanne kāyakammampi avyāpannaɱ hoti.|| ||

Vacīkammampi avyāpannaɱ hoti.|| ||

Manokammampi avyāpannaɱ hoti.|| ||

Tassa avyāpannakāyakammantassa avyāpannavacīkammantassa avyāpannamano kammantassa bhaddakaɱ maraṇaɱ hoti.|| ||

Bhaddikā kālakiriyā.|| ||

Seyyathā pi gahapati kūṭāgāre succhanne kūṭampi avyāpannaɱ hoti.|| ||

[263] gopānasiyopi avāpannā honti.|| ||

Bittīpi avyāpannā hoti.|| ||

Evam eva kho gahapati citte avyāpanne kāyakammampi avyāpannaɱ hoti, vacīkammampi avayāpannaɱ hoti.|| ||

Manokammampi avyāpannaɱ hoti.|| ||

Tassa avyāpannakāya kammantassa avyāpannavacīkammantassa avyāpannamanokammantassa bhaddakaɱ maraṇaɱ hoti.|| ||

Bhaddikā kālakiriyāti.|| ||

 


Contact:
E-mail
Copyright Statement   Webmaster's Page