Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XI. Sambodhi Vagga

Sutta 107

Paṭhama Nidāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīṇ'imāni bhikkhave nidānāni kammānaɱ samudayāya.|| ||

Katamāni tīṇi?|| ||

Lobo nidānaɱ kammānaɱ samudayāya.|| ||

Doso nidānaɱ kammānaɱ samudayāya.|| ||

Moho nidānaɱ kammānaɱsamudayāya.|| ||

Yaɱ bhikkhave lobhapakataɱ kammaɱ||
lobhajaɱ||
lobhanidānaɱ||
lobhasamudayaɱ.|| ||

Taɱ kammā akusalaɱ,||
taɱ kammaɱ sāvajjaɱ,||
taɱ kammaɱ dukkhavipākaɱ,||
taɱ kammaɱ kammasamudayāya saɱvattati.|| ||

Na taɱ kammaɱ kammanirodhāya saɱvattati.|| ||

Yaɱ bhikkhave dosapakataɱ kammaɱ||
dosajaɱ||
dosanidānaɱ||
dosasamudayaɱ.|| ||

Taɱ kammaɱ akusalaɱ,||
taɱ kammaɱ sāvajjaɱ,||
taɱ kammaɱ dukkhavipākaɱ,||
taɱ kammaɱ kammasamudayāya saɱvattati.|| ||

Na taɱ kammā kammanirodhāya saɱvattati.|| ||

Yaɱ bhikkhave mohapakataɱ kammaɱ||
mohajaɱ||
mohanidānaɱ||
mohasamidayaɱ.|| ||

Taɱ kammā akusalaɱ,||
taɱ kammaɱ sāvajjaɱ,||
taɱ kammaɱ dukkhavipākaɱ,||
taɱ kammaɱ kammasamudayāya saɱvattati.|| ||

Na taɱ kammā kammanirodhāya saɱvattati.|| ||

Imāni ko bhikkhave tīni nidānāni kammānaɱ samudayāya.|| ||

 


Contact:
E-mail
Copyright Statement   Webmaster's Page