Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XI. Sambodhi Vagga

Sutta 108

Dutiya Nidāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīṇ'imāni bhikkhave nidānāni kammānaɱ samudayāya.|| ||

Katamāni tīṇi?|| ||

Alobho nidānaɱ kammānaɱ samudayāya.|| ||

Adoso nidānaɱ kammānaɱ samudayāya.|| ||

Amoho nidānaɱ kammānaɱ samudāyāya.|| ||

Yaɱ bhikkhave alobhapakataɱ kammā||
alobhajaɱ||
alobhanidānaɱ||
alobhasamudayaɱ.|| ||

Taɱ kammaɱ kusalaɱ, taɱ kammaɱ anavajjaɱ, taɱ kammaɱ sukkhavipākaɱ, taɱ kammaɱ kammananirodhāya saɱvattati.|| ||

Na taɱ kammā kammasamudayāya saɱvattati.|| ||

Yaɱ bhikkhave adosapakataɱ kammaɱ||
adosajaɱ||
adosanidānaɱ||
adosasamudayaɱ.|| ||

Taɱ kammaɱ kusalaɱ,||
taɱ kammaɱ anavajjaɱ,||
taɱ kammaɱ sukkhavipākaɱ,||
taɱ kammaɱ kammananirodhāya saɱvattati.|| ||

Na taɱ kammā kammasamudayāya saɱvattati.|| ||

Yaɱ bhikkhave amohapakataɱ kammaɱ||
amohajaɱ||
amohanidānaɱ||
amohasamudayaɱ.|| ||

Taɱ kammaɱ kusalaɱ,||
taɱ kammaɱ anavajjaɱ,||
taɱ kammaɱ sukkhavipākaɱ,||
taɱ kammaɱ kammananirodhāya saɱvattati.|| ||

Na taɱ kammā kammasamudayāya saɱvattati.|| ||

Imāni ko bhikkhave tīni nidānāni kammānaɱ samudayāya.|| ||

 


Contact:
E-mail
Copyright Statement   Webmaster's Page