Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XI. Sambodhi Vagga

Sutta 110

Catuttha Nidāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīṇ'imāni bhikkhave nidānāni kammānaɱ samudāyāya.|| ||

Katamāni tīṇī?|| ||

Atīte bhikkhave chandarāgaṭṭhānīye dhamme ārabbha chando na jāyati.|| ||

Anāgate bhikkhave chandarāgaṭṭhānīye dhamme ārabbha chando na jāyati.|| ||

Paccuppanne bikkhave chandarāgaṭṭhānīye dhamme ārabbha chando na jāyati.|| ||

2. Kathañ ca bhikkhave atīte chandarāgaṭṭhānīye dhamme ārabbha chando na jāyati?|| ||

Atītānaɱ bhikkave chandarāgaṭṭhānīyānaɱ dhammānaɱ āyatiɱ vipākaɱ pajānāti.|| ||

Āyatiɱ vipātaɱ viditvā tad abhinivaddheti.|| ||

Tad abhinivaddhetvā cetasā abhivirājetvā paññāya ativijjha passati.|| ||

Evaɱ kho bhikkhave atīte chandarāgaṭṭhānīye dhamme ārabbha chando na jāyati.|| ||

3. Kathañ ca bhikkhave anāgate chandarāgaṭṭhānīye dhamme ārabbha chando na jāyati?|| ||

Anāgatānaɱ bhikkave chandarāgaṭṭhānīyānaɱ dhammānaɱ āyatiɱ vipākaɱ pajānāti.|| ||

Āyatiɱ vipātaɱ viditvā tad abhinivaddheti.|| ||

Tad abhinivaddhetvā cetasā abhivirājetvā paññāya ativijjha passati.|| ||

Evaɱ kho bhikkhave anāgate chandarāgaṭṭhānīye dhamme ārabbha chando na jāyati.|| ||

4. Kathañ ca bhikkhave paccuppanne chandarāgaṭṭhānīye dhamme ārabbha chando na jāyati?|| ||

Paccuppannānaɱ bhikkave chandarāgaṭṭhānīyānaɱ dhammānaɱ āyatiɱ vipākaɱ pajānāti.|| ||

Āyatiɱ vipātaɱ viditvā tad abhinivaddheti.|| ||

Tad abhinivaddhetvā cetasā abhivirājetvā paññāya ativijjha passati.|| ||

Evaɱ kho bhikkhave paccupanne chandarāgaṭṭhānīye dhamme ārabbha chando na jāyati.|| ||

Imāni ko bhikkhave tīni nidānāni kammānaɱ samudayāyāti.|| ||

Sambodhivaggo paṭhamo

 


Contact:
E-mail
Copyright Statement   Webmaster's Page