Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XII. Āpāyika Vagga

Sutta 119

Dutiya Soceyya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[267] [1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīn'imāni bhikkhave soceyyāni.|| ||

Katamāni tīṇi?|| ||

Kāya-soceyyaɱ,||
vacī-soceyyaɱ.||
mano-soceyyaɱ.|| ||

Katamañ ca bhikkhave kāya-soceyyaɱ?|| ||

Idha, bhikkhave, bhikkhu pāṇātipātā paṭivirato hoti,||
adinnādānā paṭivirato hoti,||
abrahmacariyā paṭivirato hoti.|| ||

Ida vuccati bhikkhave kāya-soceyyaɱ.|| ||

Katamañ ca bhikkhave vaca-soceyyaɱ?|| ||

Idha, bhikkhave, bhikkhū musā-vādā paṭivirato hoti,||
pisuṇā-vācā paṭivirato hoti,||
pharusā-vācā paṭivirato hoti,||
samphappalāpā paṭvirato hoti.|| ||

Idaɱ vuccati bhikkhave vaci-soceyyaɱ.|| ||

Katamañ ca bhikkhave mano-soceyyaɱ?|| ||

Edha bhikkhave bhikkhū santaɱ vā ajjhattaɱ kāmacchandaɱ:|| ||

"Atthi me ajjhattaɱ kāmacchando" ti pajānāti.|| ||

Asantaɱ vā ajjhattaɱ kāmacchandaɱ:|| ||

"N'atthi me ajjhattaɱ kāmacchando" ti pajānāti.|| ||

Yathā ca anuppannassa kāmacchandassa uppādo hoti,||
tañ ca pajānāti.|| ||

Yathā ca uppannassa kāmacchandassa pahāṇaɱ hoti||
tañ ca pajānāti.|| ||

Yathā ca pahīṇassa kāmacchandassa āyatiɱ anuppādo hoti,||
tañ ca pajānāti.|| ||

Santaɱ vā ajjhattaɱ vyāpādaɱ:|| ||

"Atthi me ajjhattaɱ vyāpādo" ti pajānāti.|| ||

Asantaɱvā ajjhattaɱ vyāpādaɱ:|| ||

"N'atthi me ajjhattaɱ vyāpādo" ti pajānāti.|| ||

Yathā ca anuppannassa vyāpādassa uppādo hoti,||
tañ ca pajānāti.|| ||

Yathā ca uppannassa vyāpādassa pahāṇaɱ hoti,||
tañ ca pajānāti.|| ||

Yathā ca pahīṇassa vyāpādassa āyatiɱ anuppādo hoti,||
tañ ca pajānāti.|| ||

Santaɱ vā ajjhattaɱ thīnamuddhaɱ:|| ||

"Atthi me ajjhattaɱ thīnamiddhan" ti pajānāti.|| ||

Asantaɱ vāajjhattaɱ thīnamiddhaɱ:|| ||

"N'atthi me ajjhattaɱ thīnamiddhan" ti pajānāti.|| ||

Yathā ca anuppannassa thīnamiddhassa uppādo hoti,||
tañ ca pajānāti.|| ||

Yathā ca uppannassa thīnamiddhassa pahāṇaɱ hoti,||
tañ ca pajānāti.|| ||

Yathā ca pahīṇassa thīnamiddhassa āyatiɱ anuppādo hoti,||
tañ ca pajānāti.|| ||

Santaɱ vā ajjhattaɱ uddhaccakukkuccaɱ:|| ||

"Atthi me ajjhattaɱ uddhaccakukkuccan" ti pajānāti.|| ||

Asantaɱ vā [273] ajjhattaɱ uddhaccakukkuccaɱ:|| ||

"N'atthi me ajjhattaɱ uddhaccakukkuccan" ti pajānāti.|| ||

Yathā ca anuppannassa uddhaccakukkuccassa uppādo hoti,||
tañ ca pajānāti.|| ||

Yathā ca uppannassa uddhaccakukkuccassa pahāṇaɱ hoti,||
tañ ca pajānāti.|| ||

Yathā ca pahīṇassa uddhaccakukkuccassa āyatiɱ anuppādo hoti,||
tañ ca pajānāti.|| ||

Santaɱ vā ajjhattaɱ vicikicchaɱ:|| ||

"Atthi me ajjhattaɱ vicikicchā" ti pajānāti.|| ||

Asantaɱ vāajjhattaɱ vicikicchaɱ:|| ||

"N'atthi me ajjhattaɱ vicikicchā" ti pajānāti.|| ||

Yathā ca anuppannāyavicikicchāya uppādo hoti,||
tañ ca pajānāti.|| ||

Yathā ca uppannāya vicikicchāya pahāṇaɱ hoti,||
tañ ca pajānāti.|| ||

Yathā ca pahīṇāya vicikicchāya āyatiɱ anuppādo hoti,||
tañ ca pajānāti.|| ||

Idaɱ vuccati bhikkhave manosoceyyaɱ.|| ||

Imāni ko bikkhave tīṇi soceyyānī ti.|| ||

 


Contact:
E-mail
Copyright Statement   Webmaster's Page