Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XIII. Kusināra Vagga

Sutta 122

Bhaṇḍana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Yassaɱ bhikkhave disāyaɱ bhikkhū bhaṇḍanajātā kalaha-jātā vivādāpannā aññamaññaɱ mukha-sattīhi vitudantā viharanti,||
manasikātumpi me esā bikkhave disā na phāsu hoti.|| ||

Pageva gantuɱ.|| ||

Niṭṭhameththa gacchāmi: "addhā te āyasmanto tayo dhamme pajahiɱsu,||
tayo dhamme bahulamakaɱsu.|| ||

Katame tayo dhamme pajahiɱsu: nekkhammavitakkaɱ,||
avyāpādavitakkaɱ,||
avihiɱsāvitakkaɱ.|| ||

Ime tayo dhamme pajahiɱsu.|| ||

Katame tayo dhamme pahulamakaɱsu: kāmavitakkaɱ,||
vyāpādavitakkaɱ,||
vihiɱsāvitakkaɱ.|| ||

Ime tayo dhamme bahulamakaɱsu|| ||

Yassaɱ bhikkhave disāyaɱ bhikkhū bhaṇḍanajātā kalaha-jātā vivādāpannā aññamaññaɱ mukhasattihi vitudantā viharanti,||
manasikātumpi me esā bhikkhave disā na phāsu hoti.|| ||

Pageva gantuɱ.|| ||

Niṭṭhamettha gacchāmi: "addhā te āyasmanto ime tayo dhamme pajahiɱsu.|| ||

Ime tayo dhamme bahulamakaɱsu.|| ||

Yassaɱ bhikakhave disāyaɱ bhikkhū samaggā sammodamānā avivadamānā khīrodakībhūtā aññamaññaɱ piyacakkhūhi sampassantā viharanti.|| ||

Gantumpi me esā bikkhave disā phāsu hoti.|| ||

Pageva manasikātuɱ.|| ||

Niṭṭhamettha gacchāmi: "addhā te āyasmanto tayo dhamme pajahiɱsu,||
tayo dhamme bahulamakaɱsu.|| ||

Katame tayo dhamme pajahiɱsu:||
[276] kāmavitakkaɱ,||
vyāpādavitakkaɱ,||
vihiɱsāvitakkaɱ.|| ||

Ime tayo dhamme pajahiɱsu.|| ||

Katame tayo dhamme bahulamakaɱsu: nekkhammavitakkaɱ,||
avyāpādavitakkaɱ avihiɱsāvitakkaɱ.|| ||

Ime tayo dhamme bahulamakaɱsu.|| ||

Yassa bhikkhave disāyaɱ bhikkhū samaggā sammodamānā avivadamānā khīrodakībhūtā aññamaññaɱ piyacakkhūhi sampassantā viharanti,||
gantumpi me esā bhikkhave disā phāsu hoti.|| ||

Pageva manasikātuɱ.|| ||

Niṭṭhamettha gacchāmi: "addhā te āyasmanto ime tayo dhamme pajahiɱsu,||
ime tayo dhamme bahulamakaɱsū" ti.

 


Contact:
E-mail
Copyright Statement   Webmaster's Page