Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XIII. Kusināra Vagga

Sutta 125

Hatthaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][ati] Evaɱ me sutaɱ:|| ||

Ekaɱ samayaɱ Bhagavā Bārāṇasiyaɱ viharati Isipatane Migadāye.|| ||

Atha kho Bhagavā pubbanahasamayaɱ nivāsetvā pattacīvaram ādāya Bārāṇasiɱ piṇaḍāya pāvisi.|| ||

[280] Addasā kho Bhagavā Goyogapilakkhasmiɱ piṇḍāya caramāno aññataraɱ bhikkhuɱ rittāssādaɱ bāhirāssādaɱ sammuṭṭhassatiɱ asampajānaɱ asamāhitaɱ vibbhantacittaɱ pākatindriyaɱ.|| ||

Disvā taɱ bhakkhuɱ etad avoca:|| ||

"Bhikkhu bhikkhu mā kho tvaɱ attānaɱ kaṭuviyam akāsi.|| ||

Taɱ vata bhikkhū kaṭuviyakataɱ attānaɱ āmagandhe avassutaɱ makkhikā nānupatissanti nanvāssavissantī ti n'etaɱ ṭhānaɱ vijjatī" ti.|| ||

2. Atha kho so bhikkhu Bhagavatā iminā ovādena ovadito saɱvegam āpādi.|| ||

Atha ko Bhagavā Bārāṇasiyaɱ pinḍāya caritvā pacchābhattaɱ pinḍapāta-paṭikkanto bhikkhū āmantesi:|| ||

"Idāhaɱ bhikkhave pubnhasamaya nivāsetvā pattacīvaram ādāya Bārāṇasiɱ piṇḍāya pāvisiɱ.|| ||

Addasaɱ ko ahaɱ bhikkhave Goyogapilakkhasmiɱ piṇḍāya caramāno aññataraɱ bhikkhuɱ rittāssādaɱ bāhirāssādaɱ sammuṭṭhassatiɱ asampajānaɱ asamāhitaɱ vibbhantacittaɱ pākatindriyaɱ.|| ||

Disvā taɱ bhikkhuɱ etad avoca:|| ||

'Bhikkhu bhikkhu mā kho tvaɱ attānaɱ kaṭuviyam akāsi.|| ||

Taɱ vata bhikkhū kaṭuviyakataɱ attānaɱ āmagandhe avassutaɱ makkhikā nānupatissanti nānvāssavissantī,||
ti n'etaɱ ṭhānaɱ vijjatī' ti.|| ||

Atha kho bhikkhave so bhikkhu mayā imānā ovādena ovadito saɱvegam āpādī" ti.|| ||

3. Evaɱ vutte aññataro bhikkhū Bhagavantaɱ etad avoca:|| ||

"Kin nu ko bhante kaṭuviyaɱ ko āmagandho kā makkhikā" ti?|| ||

"Abhājjhā ko bikkhū kaṭuviya,||
vyāpādo āmagandho,||
pāpakā akusalā vitakkā makkhikā.|| ||

Taɱ vata bhikkhū kaṭuviya kataɱ attānaɱ āmagandhe avassutaɱ makkhikā nānupatissanti nānvassavissantī ti n'etaɱ ṭhānaɱ vijjatī" ti.|| ||

[281] Aguttaɱ cakkhusotasmiɱ indriyesu asaɱvutaɱ,||
Makkhikā'nupatissanti saɱkappā rāganissitā||
Kaṭuviyakato bhikkhu āmagandhe avassuto,||
Ārakā hoti nibbāṇā vighātass'eva Bhagavā||
Gāme vā yadi vā'raññe aladdhā samam attano,||
Pareti bālo dummedho makkhikāhi purakkhato||
Ye ca sīlena sampannā paññāyupasame ratā||
Upasantā sukhaɱ senti nāsayitvāna makkhikā ti.|| ||

 


Contact:
E-mail
Copyright Statement   Webmaster's Page