Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XIII. Kusināra Vagga

Sutta 127

Paṭhama Anuruddha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho āyasmā Anuruddho yena Bhagavā ten'upasaŋkami.|| ||

Upasaŋkamitvā Bhagavantaɱ abivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmā Anuruddho Bhagavantaɱ etad avoca:|| ||

"Idāhaɱ bhante dibbena cakkhunā visuddhena atikkantamānusakena yebhuyyena passāmi mātugāmaɱ kāyassa bhedā param maranā apāyaɱ duggataɱ vinipātaɱ Nirayaɱ upapajjamānaɱ.|| ||

Katihi nu ko bhante dhammehi samannāgato mātugāmo kāyassa bhedā param maranā apāyaɱ duggatiɱ vinipātaɱ Nirayaɱ uppajjatī" ti?|| ||

2. "Tīhi kho Anuruddha dhammehi samannāgato mātugāmo kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Katamehi tī hi?|| ||

Idha Anurāddha mātugāmo pubbaṇhasamayaɱ maccheramalapariyuṭṭhitena cetasā agāraɱ ajjhāvasati.|| ||

Majjhantikaɱ samayaɱ issāpariyuṭṭhitena cetasā agāraɱ ajjhāvasati.|| ||

Sāyanha-samayaɱ kāmarāgapariyuṭṭhitena cetasā agāraɱ ajjhāvasati.|| ||

Imehi kho Anuruddha tīhi dhammehi samannāgato mātugāmo kāyassa bhedā param maranā apāyaɱ duggatiɱ vinipātaɱ Nirayaɱ upapajjatī" ti.|| ||

 


Contact:
E-mail
Copyright Statement   Webmaster's Page