Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XIV. Yodhājīva Vagga

Sutta 137

Assakhaḷuṇka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

"Tayo ca bhikkhave assakhaḷuŋke desissāmi,||
tayo ca purisakhaḷuŋke desessāmi.|| ||

Taɱ suṇātha,||
sādhukaɱ manasikarotha,||
bhāsissāmī" ti.|| ||

"Evaɱ bhante" ti kho bhikkhave bhikkhū Bhagavato paccassosuɱ.|| ||

Bhagavā etad evoka:|| ||

2. "Katame ca bhikkhave tayo assakhaḷuŋkā? || ||

[288] Idha, bhikkhave, ekacco assakhaḷuŋko javasampanno hoti,||
na vaṇṇasampanno||
na ārohapariṇāhasampanno.|| ||

Idha pana bhikkave ekacco assakhaḷuŋko javasampanno ca hoti||
vaṇṇasampanno ca,||
na ārohapariṇāhasampanno.|| ||

Idha pana bhikkhave ekacco assakhaḷuŋko javasampanno ca hoti||
vaṇṇasampanno ca||
ārohapariṇāhasampanno ca.|| ||

Ime ko bhikkhave tayo assakhaḷuŋkā.|| ||

3. Katame ca bhikkhave tayo purisakhaḷuŋkā?|| ||

Idha, bhikkhave, ekacco purisakhaḷuŋko javasampanno hoti,||
na vaṇṇasampanno||
na ārohapariṇāhasampanno.|| ||

Idha pana bhikkhave ekacco purisakhaluŋekā javasampanno ca hoti||
vaṇṇasampanno ca,||
na ārohapariṇāhasampanno.|| ||

Idha pana bhikkhave ekacco purisakhaḷuŋko javasampanno ca hoti||
vaṇṇasampanno ca||
ārohapariṇāhasampanno ca.|| ||

4.Kathañ ca bhikkhave purisakhaḷuŋko javasampanno hoti,||
na vaṇṇasampanno||
na ārohapariṇāhasampanno?|| ||

Idha, bhikkhave, bhikhu:|| ||

'Idaɱ dukkhan' ti||
yathābhūtaɱ pajānāti.|| ||

'Ayaɱ dukkhasamudayo' ti||
yathabhūtaɱ pajānāti.|| ||

'Ayaɱ dukkhanirodho' ti||
yathābhūtaɱ pajānāti.|| ||

'Ayaɱ dukkhanirodhagāminī paṭipadā' ti||
yathābhūtaɱ pajānāti.|| ||

Idam assa javasmiɱ vadāmi.|| ||

Abhidhamme ko pana ahivinaye pañhaɱ puṭṭho saɱsādeti no vissajjeti.|| ||

Idam assa na vaṇṇasmiɱ vadāmi.|| ||

Na ko pana lābhī hoti civara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ kho bhakkhave purisakhaḷuŋko javasampanno hoti,||
na ca vaṇṇasampanno||
na ca ārohapariṇāhasampanno.|| ||

5. Kathañ ca bhikkhave purisakhaḷuŋko javasampanno ca hoti||
vaṇṇasampanno ca,||
na ārohapariṇāhasampanno?|| ||

Idha, bhikkhave, bhikhu:|| ||

'Idaɱ dukkhan' ti||
yathābhūtaɱ pajānāti.|| ||

'Ayaɱ dukkhasamudayo' ti||
yathabhūtaɱ pajānāti.|| ||

'Ayaɱ dukkhanirodho' ti||
yathābhūtaɱ pajānāti.|| ||

'Ayaɱ dukkhanirodhagāminī paṭipadā' ti||
yathābhūtaɱ pajānāti.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti no saɱsādeti.|| ||

Idam assa vaṇṇasmiɱ vadāmi.|| ||

Na ko pana lābhī hoti civara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ [289] kho bhikkhave purisakhaḷuŋko javasampanno ca hoti||
vanṇasampanno ca,||
na ārohapariṇāhasampanno.|| ||

6. Kathañ ca bhikkhave purisakhaḷuŋko javasampanno ca hoti||
vanṇasampanno ca,||
ārohaparināhasampanno ca?|| ||

Idha, bhikkhave, bhikhu:|| ||

'Idaɱ dukkhan' ti||
yathābhūtaɱ pajānāti.|| ||

'Ayaɱ dukkhasamudayo' ti||
yathabhūtaɱ pajānāti.|| ||

'Ayaɱ dukkhanirodho' ti||
yathābhūtaɱ pajānāti.|| ||

'Ayaɱ dukkhanirodhagāminī paṭipadā' ti||
yathābhūtaɱ pajānāti.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti no saɱsādeti.|| ||

Idam assa vaṇṇasmiɱ vadāmi.|| ||

Lābhī kho pana hoti civara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa ārohapariṇāhasmiɱ vadāmi.|| ||

Evaɱ kho bhikkhave purisakhaḷuŋko javasampanno ca hoti||
vanṇasampanno ca,||
ārohapariṇāhasampanno ca.|| ||

Ime kho bhikkhave tayo purisakhaḷuŋkā" ti.|| ||

 


Contact:
E-mail
Copyright Statement   Webmaster's Page