āsavas, his ability to answer questions about the deep meaning of the Dhamma and Discipline, and his ease in getting the necessities of life." /> AN 3.139: Assajaniya Suttam

Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XIV. Yodhājīva Vagga

Sutta 139

Assājāniya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

"Tayo ca bhikkhave assājānīye desissāmi||
tayo ca purisasadasse.|| ||

Taɱ suṇātha,||
sādhukaɱ manasikarotha,||
bhāsissāmī" ti.|| ||

"Evaɱ bhante" ti kho bhikkhave bhikkhū Bhagavato paccassosuɱ.|| ||

Bhagavā etad evoka:|| ||

"Katame ca bhakkhave tayo assasadassā?|| ||

Idha, bhikkhave, ekacco assājānīyo||
javasampanno hoti,||
na vaṇṇasampanno||
na ārohapariṇāhasampanno.|| ||

Idha pana bhikkhave ekacco assājānīyo||
javasampanno ca hoti||
vaṇṇasampanno ca,||
na ārohapariṇāhasampanno.|| ||

Idha pana bhakkhave ekacco assājānīyo||
javasampanno ca hoti||
vaṇṇasampanno ca||
ārohapariṇāhasampanno ca.|| ||

Ime kho bhikkhave tayo assasadassā.|| ||

Katame ca bhakkhave tayo purisasājānīyā?.|| ||

2. Idha, bhikkhave, ekacco purisasājānīyo||
javasampanno hoti,||
na vaṇṇasampanno||
na ārohapariṇāhasampanno.|| ||

Idha pana bhikkhave ekacco purisasājānīyo||
javasampanno ca hoti||
vaṇṇasampanno ca,||
na ārohapariṇāhasampanno.|| ||

Idha pana bhakkhave ekacco purisasājānīyo||
javasampanno ca hoti||
vaṇṇasampanno ca||
ārohapariṇāhasampanno ca.|| ||

Ime kho bhikkhave tayo purisasājānīyā.|| ||

[290] 3. Kathañ ca bhakkhave purisasājānīyo||
javasampanno hoti,||
na vaṇṇasampanno||
na ārohapariṇāhasampanno?|| ||

Idha, bhikkhave, bhikkhū āsavānaɱ khayā||
anāsavaɱ ceto-vimuttiɱ||
paññā-vimuttiɱ||
diṭṭhe va dhamme sayaɱ abhiññā sacchikatvā||
upasampajja viharati.|| ||

Idamassa javasmiɱ vadāmi.|| ||

Abhidhamme ko pana ahivinaye pañhaɱ puṭṭho saɱsādeti no vissajjeti.|| ||

Idam assa na vaṇṇasmiɱ vadāmi.|| ||

Na ko pana lābhī hoti civara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ kho bhikkhave purisasājānīyo javasampanno hoti||
na vaṇṇasampanno||
na ārohapariṇāhasampanno.|| ||

4. Kathañ ca bhakkhave purisasājānīyo javasampanno ca hoti,||
vaṇṇasampanno ca,||
na ārohapariṇāhasampanno?|| ||

Idha, bhikkhave, bhikkhū āsavānaɱ khayā||
anāsavaɱ ceto-vimuttiɱ||
paññā-vimuttiɱ||
diṭṭhe va dhamme sayaɱ abhiññā sacchikatvā||
upasampajja viharati.|| ||

Idamassa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti no saɱsādeti.|| ||

Idam assa vaṇṇasmiɱ vadāmi.|| ||

Na ko pana lābhī hoti civara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ kho bhikkhave purisasājānīyo javasampanno hoti||
vaṇṇasampanno ca,||
na ārohapariṇāhasampanno.|| ||

Kathañ ca bhakkhave purisasājānīyo javasampanno ca hoti,||
vaṇṇasampanno ca,||
ārohapariṇāhasampanno ca?|| ||

Idha, bhikkhave, bhikkhū āsavānaɱ khayā||
anāsavaɱ ceto-vimuttiɱ||
paññā-vimuttiɱ||
diṭṭhe va dhamme sayaɱ abhiññā sacchikatvā||
upasampajja viharati.|| ||

Idamassa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti no saɱsādeti.|| ||

Idam assa vaṇṇasmiɱ vadāmi.|| ||

Lābhi kho pana hoti civara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa ārohapariṇāhasmiɱ vadāmi.|| ||

Evaɱ kho bhikkhave purisasājānīyo javasampanno ca hoti||
vaṇṇasampanno ca||
ārohapariṇāhasampanno ca.|| ||

Ime kho bhikkhave tayo purisasājānīyā" ti.|| ||

 


Contact:
E-mail
Copyright Statement   Webmaster's Page