Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XV. Maŋgala Vagga

Sutta 150

Pubbaṇha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

kāyena sucaritaɱ caranti,||
vācāya sucaritaɱcaranti,||
manasā sucaritaɱ caranti,||
supubbanehā bhikkhave tesaɱ sattānaɱ.|| ||

Ye hi bikkhave sattā majjhantikaɱ samayaɱ||
kāyena sucaritaɱ caranti,||
vācāya sucaritaɱ caranti,||
manasā sucaritaɱ caranti,||
sumajjhantiko bhikkhave tesaɱ sattānaɱ.|| ||

Ye hi bhikkhave sattā sāyaṇhasamayaɱ||
kāyena sucaritaɱ caranti,||
vācāya sucaritaɱ caranti,||
manasā sucaritaɱ caranti,||
susāyanho bhikkhave tesaɱ sattānanti.|| ||

Sunakkhattaɱ sumaŋgalaɱ suppabhātaɱ suvuṭṭhitaɱ,||
Sukhaṇo sumuhutto ca suyiṭṭhaɱ brahmacārisu.||
Padakkhiṇaɱ kāyakammaɱ vācākammaɱ padakkhiṇaɱ,||
Padakkhiṇaɱ manokammaɱ paṇidhiyo padakkhiṇā,||
Padakkhiṇāni katvāna labhatatthe padakkhiṇe.||
Te atthaladdhā sukhitā virū'hā Buddhasāsane, Arogā sukhitā hotha saha sabbehi ñātibhī ti.|| ||

Maŋgalavaggo pañcamo

Khuddaka paṇṇāsako samatto tatiyo

 


Contact:
E-mail
Copyright Statement   Webmaster's Page