Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
IV. Catukka Nipāta
I. Bhaṇḍagāma Vagga

Sutta 4

Dutiya Khata Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[4]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Catusu bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati||
sāvajjo ca hoti sānuvajjo ca viññūnaɱ,||
bahuɱ ca apuññaɱ pasavati.|| ||

Katamesu catusu?|| ||

Mātari bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati||
sāvajjo ca hoti sānuvajjo ca viññūnaɱ,||
bahuɱ ca apuññaɱ pasavati.|| ||

Pitari bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati||
sāvajjo ca hoti sānuvajjo ca viññūnaɱ,||
bahuɱ ca apuññaɱ pasavati.|| ||

Tathāgate bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati||
sāvajjo ca hoti sānuvajjo ca viññūnaɱ,||
bahuɱ ca apuññaɱ pasavati.|| ||

Tathāgatasāvake bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati||
sāvajjo ca hoti sānuvajjo ca viññūnaɱ,||
bahuɱ ca apuññaɱ pasavati.|| ||

Imesu kho bhikkhave catusu micchā paṭipajjamāno bālo avyatto asappuriso khataɱ upahataɱ attānaɱ pariharati||
sāvajjo ca hoti sānuvajjo ca viññūnaɱ,||
bahuɱ ca apuññaɱ pasavati ti.|| ||

Catusu bhikkhave sammā paṭipajjamāno paṇḍito viyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuɱ ca puññaɱ pasavati.|| ||

Katamesu catusu?|| ||

Mātari bhikkhave sammā paṭipajjamāno paṇḍito viyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuɱ ca puññaɱ pasavati.|| ||

Pitari bhikkhave sammā paṭipajjamāno paṇḍito viyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuɱ ca puññaɱ pasavati.|| ||

Tathāgate bhikkhave sammā paṭipajjamāno paṇḍito viyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuɱ ca puññaɱ pasavati.|| ||

Tathāgatasāvake bhikkhave sammā paṭipajjamāno paṇḍito viyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuɱ ca puññaɱ pasavati.|| ||

Imesu kho bhikkhave catusu sammā paṭipajjamāno paṇḍito viyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuɱ ca puññaɱ pasavati ti.|| ||

 

Mātari pitari cāpi yo micchā paṭipajjati,||
Tathāgate va sambuddhe atha vā tassa sāvake,||
[5] Bahuñ ca so pasavati apuññaɱ tādiso naro.||
Tāya adhammacariyāya mātā-pitusu paṇḍitā.||
Idh'eva naɱ garahanti peccāpāyañ ca gacchati.|| ||

Mātari pitari cāpi yo sammā paṭipajjati.||
Tathāgate va sambuddhe atha vā tassa sāvake,||
Bahuñ ca so pasavati puññam etādiso naro.||
Tāya dhammacariyāya mātā-pitusu paṇḍitā,||
Idh'eva naɱ pasaɱsanti pecca sagge pamodatī ti.|| ||

 


Contact:
E-mail
Copyright Statement   Webmaster's Page