Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāyo
IV. Catukka Nipāto
II. Cara Vagga

Sutta 15

Aggapañaññatti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Catasso imā bhikkhave aggapaññattiyo.|| ||

Katamā catasso?|| ||

Etad aggaɱ bhikkhave attabhāvīnaɱ yad idaɱ Rāhu asurindo;||
etad aggaɱ bhikkhave kāmabhogīnaɱ yad idaɱ rājā Mandhātā;||
etad aggaɱ bhikkhave ādhipateyyānaɱ yad idaɱ Māro pāpimā||
sadevake bhikkhave loke samārake sabrahmake sassamaṇabrāhmaṇiyā pajāya sadeva-manussāya Tathāgato aggam akkhāyati arahaɱ Sammā-sambuddho.|| ||

Imā kho bhikkhave catasso aggapaññattiyo ti.|| ||

 

Rāh'aggaɱ attabhāvīnaɱ Mandhātā kāmabhoginaɱ,||
Māro ādhipateyyānaɱ iddhiyā yasasā jalaɱ.|| ||

Uddhaɱ tiriyaɱ apācīnaɱ yāvatā jagato gati,||
Sadevakassa lokassa Buddho aggaɱ pavuccatī ti.|| ||

 


Contact:
E-mail
Copyright Statement   Webmaster's Page