Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
4. Catukka Nipāta
III. Uruvelā Vagga

Sutta 24

Kāḷakārāma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sākete viharati Kāḷakārāme.|| ||

Tatra kho Bhagavā bhikkhū āmantesi||
"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avova:|| ||

[25] Yaɱ bhikkhave sadevakassa lokassa samārakassa sabrahmakassa sassamaṇabrāhmaṇiyā pajāya sadeva-manussāya||
diṭṭhaɱ sutaɱ mutaɱ viññātaɱ||
pattaɱ pariyesitaɱ anuvicaritaɱ manasā,||
tam ahaɱ jānāmi.|| ||

Yaɱ bhikkhave sadevakassa lokassa samārakassa sabrahmakassa sassamaṇabrāhmaṇiyā pajāya sadeva-manussāya||
diṭṭhaɱ sutaɱ mutaɱ viññātaɱ||
pattaɱ pariyesitaɱ anuvicaritaɱ manasā,||
tam ahaɱ abbhaññāsiɱ.|| ||

Taɱ Tathāgatassa viditaɱ.|| ||

Taɱ Tathāgato na upaṭṭhāsi.|| ||

Yaɱ bhikkhave sadevakassa lokassa samārakassa sabrahmakassa sassamaṇabrāhmaṇiyā pajāya sadeva-manussāya||
diṭṭhaɱ sutaɱ mutaɱ viññātaɱ||
pattaɱ pariyesitaɱ anuvicaritaɱ manasā,||
tam ahaɱ na jānāmī ti vadeyyaɱ,||
taɱ mamassa musā.|| ||

Yaɱ bhikkhave sadevakassa lokassa samārakassa sabrahmakassa sassamaṇabrāhmaṇiyā pajāya sadeva-manussāya||
diṭṭhaɱ sutaɱ mutaɱ viññātaɱ||
pattaɱ pariyesitaɱ anuvicaritaɱ manasā,||
tam ahaɱ jānāmi ca na ca jānāmī ti vadeyyaɱ,||
taɱ mamassa musā.|| ||

Yaɱ bhikkhave sadevakassa lokassa samārakassa sabrahmakassa sassamaṇabrāhmaṇiyā pajāya sadeva-manussāya||
diṭṭhaɱ sutaɱ mutaɱ viññātaɱ||
pattaɱ pariyesitaɱ anuvicaritaɱ manasā,||
taɱ ahaɱ n'eva jānāmi na na jānāmī ti vadeyyaɱ,||
taɱ mamassa kali.|| ||

Iti kho bhikkhave Tathāgato daṭṭhā daṭṭhabbaɱ diṭṭhaɱ na maññati,||
Adiṭṭhaɱ na maññati,||
Daṭṭhababaɱ na maññati,||
Daṭṭhāraɱ na maññati.|| ||

Sutā sotabbaɱ sutaɱ na maññati,||
Asutaɱ na maññati,||
Sotabba na maññati,||
Sotāraɱ na maññati.|| ||

Mutā motabbaɱ mutaɱ na maññati,||
Amutaɱ na maññati,||
Motabbaɱ na maññati,||
Motāraɱ na maññati.|| ||

Viññātā viññātabbaɱ viññātaɱ na maññati,||
Aviññātaɱ na maññati,||
Viññātabbaɱ na maññati,||
Viññātāraɱ na maññati.|| ||

Iti kho bhikkhave Tathāgato,||
diṭṭha-suta-muta-viññātabbesu,||
dhammesu tādīso yeva tādī:|| ||

Tamhā ca pana tāditamhā añño tādī uttaritaro vā paṇītataro vā n'atthīti vadāmī" ti.|| ||

 

Yaɱ kiñci diṭṭhaɱ va sutaɱ mutaɱ vā ajjhositaɱ sacca mutaɱ paresaɱ,||
Na tesu tādī saya saɱvutesu saccaɱ musāɱ vā pi paraɱ daheyyaɱ.|| ||

Etaɱ ca sallaɱ paṭigacca disvā ajjhositā yattha pajā visattā,||
[26] Jānāmi passāmi tath'eva etaɱ ajjhositaɱ n'atthi Tathāgatānan ti.|| ||

 


Contact:
E-mail
Copyright Statement   Webmaster's Page