Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
4. Catukka Nipāta
III. Uruvelā Vagga

Sutta 25

Brahmacariya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[26]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Na-y-idaɱ bhikkhave brahmacariyaɱ vussati janakuhanatthaɱ,||
na janalapanatthaɱ,||
na lābha-sakkāra-silokā-nisaɱsatthaɱ,||
na iti vā dappamokkhā-nisaɱsatthaɱ,||
na 'iti maɱ jano jānātū' ti.|| ||

Atha kho idaɱ bhikkhave brahmacariyaɱ vussati saɱvaratthaɱ,||
pahāṇatthaɱ,||
virāgatthaɱ,||
nirodhatthan" ti.|| ||

 

Saɱvaratthaɱ pahāṇatthaɱ brahmacariyaɱ anītihaɱ,||
Adesayi so Bhagavā nibabānogadhagāminaɱ.|| ||

Esa maggo mahantehi anuyāto mahesihi,||
Ye ca taɱ paṭipajjanti yathā Buddhena desitaɱ,||
Dukkhass'antaɱ karissanti satthu sāsanakārino ti.|| ||

 


Contact:
E-mail
Copyright Statement   Webmaster's Page