Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
4. Catukka Nipāta
III. Uruvelā Vagga

Sutta 26

Kuhaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[26]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Ye te bhikkhave bhikkhū kuhā thaddhā lapā siŋgī uṇṇaḷā asamāhitā,||
na me te bhikkhave bhikkhū māmakā.|| ||

Apagatā ca te bhikkhave bhikkhū imasmā dhamma-vinayā.|| ||

Na ca te imasmiɱ dhamma-vinaye vuḍḍhiɱ virūḷhiɱ vepullaɱ āpajjanti.|| ||

Ye ca kho te bhikkhave bhikkhū nikkuhā nillapā dhīrā atthaddhā susamāhitā,||
te kho me bhikkhave bhikkhū māmakā.|| ||

Anapagatā ca te bhikkhave bhikkhū imasmā dhamma-vinayā.|| ||

Te ca imasmiɱ dhamma-vinaye vuḍḍhiɱ virūḷahiɱ vepullaɱ āpajjantī ti.|| ||

 

Kuhā thaddhā lapā siŋgī uṇṇaḷā asamāhitā,||
Na te dhamme virūhanti sammāsambuddha desite.|| ||

Nikkuhā nillapā dhīrā atthaddhā susamāhitā,||
Te ve dhamme virūhanti sammāsambuddha desite ti.|| ||

 


Contact:
E-mail
Copyright Statement   Webmaster's Page