Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
4. Catukka Nipāta
V. Rohitassa Vagga

Sutta 43

Paṭhama Kodhagaru Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Cattāro'me bhikkhave puggalā santo saɱvijjamānā lokasmiɱ.|| ||

Katame cattāro?|| ||

Kodhagaru na saddhammagaru,||
makkhagaru na saddhammagaru,||
lābhagaru na saddhammagaru,||
sakkāragaru na saddhammagaru.|| ||

Ime kho bhikkhave cattāro puggalā santo saɱvijjamānā lokasmiɱ.|| ||

Cattāro'me bhikkhave puggalā santo saɱvijjamānā lokasmiɱ.|| ||

Katame cattāro?|| ||

Saddhammagaru na kodhagaru,||
saddhammagaru na makkhagaru,||
saddhammagaru na lābhagaru,||
Saddhammagaru na sakkāragaru.|| ||

[47] Ime kho bhikkhave cattāro puggalā santo saɱvijjamānā lokasmin ti.|| ||

 

Kodhamakkhagarū bhikkhū lābhasakkāragāravā,||
Na te dhamme virūhanti samamāsambuddhadesite.||
Ye ca saddhammagaruno vihaɱsu viharanti ca||
Te ve dhamme virūhanti sammāsambuddhadesite ti.|| ||

 


Contact:
E-mail
Copyright Statement   Webmaster's Page