Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
4. Catukka Nipāta
VI. Puññābhisanda Vagga

Sutta 59

Bhojana-Dāyaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[64]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Bhojanaɱ bhikkhave dadamāno dāyako paṭiggāhakānaɱ cattāri ṭhānāni deti.|| ||

Katamāni cattāri?|| ||

Ayuɱ deti,||
vaṇṇaɱ deti,||
sukhaɱ deti,||
balaɱ deti.|| ||

Āyuɱ kho pana datvā||
āyussa bhāgī hoti||
dibbassa vā mānusassa vā.|| ||

Vaṇṇaɱ datvā||
vaṇṇassa bhāgī hoti||
dibbassa vā mānusassa vā.|| ||

Sukhaɱ datvā||
sukhassa bhāgī hoti||
dibbassa vā mānusassavā.|| ||

Balaɱ datvā||
balassa bhāgī hoti||
dibbassa vā mānusassa vā.|| ||

Bhojanaɱ gahapati dadamāno ariyasāvako paṭiggāhakānaɱ imāni cattāri ṭhānāni detī ti.|| ||

Yo saññatānaɱ paradattabhojinaɱ kālena sakkacca dadāti bhojanaɱ,||
Cattāri ṭhānāni anuppavecchati āyuñ ca vaṇṇañ ca sukhaɱ balañ ca.|| ||

So āyudāyī baladāyī sukhaɱ vaṇṇaɱ dado naro,||
Dīghāyu yasavā hoti yattha yatth'upapajjatī ti.

 


Contact:
E-mail
Copyright Statement   Webmaster's Page