Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
VIII: Apaṇṇaka Vagga

Sutta 78

Dakkhiṇā-Visuddhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Catasso imā bhikkhave dakkhiṇāvisuddhiyo.|| ||

Katamā catasso?|| ||

Atthi bhikkhave dakkhiṇā dāyakato visujjhati||
no paṭiggāhakato.|| ||

Atthi bhikkhave dakkhiṇā paṭiggāhakato visujjhati||
no dāyakato.|| ||

Atthi bhikkhave dakkhiṇā||
n'eva dāyakato visujjhati||
no paṭiggāhakato.|| ||

Atthi bhikkhave dakkhiṇā||
dāyakato c'eva visujjhati||
paṭiggāhakato ca.|| ||

[81] Kathañ ca bhikkhave dakkhiṇā dāyakato visujjhati||
no paṭiggāhakato?|| ||

Idha, bhikkhave, dāyako hoti sīlavā kalyāṇadhammo,||
paṭiggāhakā honti dussīlā pāpadhammā.|| ||

Evaɱ kho bhikkhave dakkhiṇā dāyakato visujjhati||
no paṭiggāhakato.|| ||

Kathañ ca bhikkhave dakkhiṇā paṭiggāhakato visujjhati||
no dāyakato?|| ||

Idha, bhikkhave, dāyako hoti dussīlo pāpadhammo,||
paṭiggāhakā honti sīlavanto kalyāṇadhammā.|| ||

Evaɱ kho bhikkhave dakkhiṇā paṭiggāhakato visujjhati||
no dāyakato.|| ||

Kathañ ca bhikkhave dakkhiṇā||
n'eva dāyakato visujjhati||
no paṭiggāhakato?|| ||

Idha, bhikkhave, dāyako hoti dussīlo pāpadhammo,||
paṭiggāhakāpi honti dussīlā pāpadhammā.|| ||

Evaɱ kho bhikkhave dakkhiṇā||
n'eva dāyakato visujjhati||
no paṭiggāhakato.|| ||

Kathañ ca bhikkhave dakkhiṇā||
dāyakato c'eva visujjhati||
paṭiggāhakato ca?|| ||

Idha, bhikkhave, dāyako hoti sīlavā kalyāṇadhammo,||
paṭiggāhakāpi honti sīlavanto kalyāṇadhammā.|| ||

Evaɱ kho bhikkhave dakkhiṇā||
dāyakato c'eva visujjhati||
paṭiggāhakato ca.|| ||

Imā kho bhikkhave catasso dakkhiṇā visuddhiyo ti.|| ||

 


Contact:
E-mail
Copyright Statement   Webmaster's Page