Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
VIII: Apaṇṇaka Vagga

Sutta 79

Vaṇijjā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Atha kho āyasmā Sāriputto yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi,||
eka-m-antaɱ nisinno kho āyasmā Sāriputto Bhagavantaɱ etad avoca:|| ||

Ko nu kho bhante hetu,||
ko paccayo,||
yena midh'ekaccassa tādisāva vaṇijjā payuttā chedagāminī hoti?|| ||

Ko pana bhante hetu,||
ko paccayo||
yena midh'ekaccassa tādisāva vaṇijjā payuttā na yathādhippāyaɱ hoti?|| ||

Ko nu kho bhante hetu ko paccayo,||
yena midh'ekaccassa tādisāva vaṇijjā payuttā yathādhippāyaɱ hoti?|| ||

Ko pana bhante hetu,||
ko paccayo,||
yena midh'ekaccassa tādisāva vaṇijjā payuttā parādhippāyā hotīti?|| ||

Idha Sāriputta ekacco samaṇaɱ vā brāhmaṇaɱ vā upasaŋkamitvā pavāreti:||
vada bhante paccayenāti.|| ||

So [82] yena pavāreti,||
taɱ na deti.|| ||

So ce tato cuto itthattaɱ āgacchati.|| ||

So yaññadeva vaṇijjaɱ payojeti,||
sā'ssa hoti chedagāminī.|| ||

Idha pana Sāriputta ekacco samaṇaɱ vā brāhmaṇaɱ vā upasaŋkamitvā pavāreti:||
vada bhante paccayenāti.|| ||

So yena pavāreti.|| ||

Taɱ na yathādhippāyaɱ deti.|| ||

So ce tato cuto itthattaɱ āgacchati,||
so yaññadeva vaṇijjaɱ payojeti,||
sā'ssa hoti na yathādhippāyā.|| ||

Idha pana Sāriputta ekacco samaṇaɱ vā brāhmaṇaɱ vā upasaŋkamitvā pavāreti:||
vada bhante paccayenāti.|| ||

So yena pavāreti,||
taɱ yathādhippāyaɱ deti.|| ||

So ce tato cuto itthattaɱ āgacchati.|| ||

So yaññadeva vaṇijjaɱ payojeti,||
sā'ssa hoti yathādhippāyā.|| ||

Idha pana Sāriputta ekacco samaṇaɱ vā brāhmaṇaɱ vā upasaŋkamitvā pavāreti:||
vada bhante paccayenāti.|| ||

So yena pavāreti,||
taɱ parādhippāyaɱ deti.|| ||

So ce tato cuto itthattaɱ āgacchati.|| ||

So yaññadeva vaṇijjaɱ payojeti,||
sā'ssa hoti parādhippāyā.|| ||

Ayaɱ kho Sāriputta hetu,||
ayaɱ paccayo,||
yena midh'ekaccassa tādisāva vaṇijjā payuttā chedagāminī hoti.|| ||

Ayaɱ pana Sāriputta hetu,||
ayaɱ paccayo,||
yena midh'ekaccassa tādisāva vaṇijjā payuttā na yathādhippāyā hoti.|| ||

Ayaɱ kho Sāriputta hetu,||
ayaɱ paccayo,||
yena midh'ekaccassa tādisā vaṇijjā payuttā yathādhippāyā hoti.|| ||

Ayaɱ pana Sāriputta hetu,||
ayaɱ paccayo,||
yena midh'ekaccassa tādisāva vaṇijjā payuttā parādhippāyā hotī ti.|| ||

 


Contact:
E-mail
Copyright Statement   Webmaster's Page