Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XIII: Bhaya Vagga

Sutta 123

Puggala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][ati] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Cattārome bhikkhave puggalā santo saɱvijjamānā lokasmiɱ.|| ||

Katame cattāro?|| ||

Idha, bhikkhave, ekacco puggalo vivicc'eva kāmehi vivicca akusalehi dhammehi savittakaɱ savicāraɱ vivekajaɱ pīti-sukhaɱ paṭhamaɱ jajhānaɱ upasampajja viharati.|| ||

So tad assādeti taɱ nikāmeti tena ca vittiɱ āpajjati.|| ||

Tattha ṭhito tad-adhimutto tabbahulavihārī aparihīno kālaɱ kurumāno brahmakāyikānaɱ devānaɱ sahavyataɱ upapajjati.|| ||

Brahmakāyikānaɱ bhikkhave devānaɱ kappo āyuppamāṇaɱ.|| ||

Tattha puthujjano yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā nirayam pi gacchati.|| ||

Tiracchānayonim pi gacchati.|| ||

Pettivisayam pi gacchati.|| ||

Bhaghavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā tasmiɱyeva bhave parinibkhāyati.|| ||

Ayaɱ kho bhikkhave viseso, ayaɱ adhippāyo,||
idaɱ nānākaraṇaɱ sutavato ariyasāvakassa assutavatā puthujjanena yad idaɱ gatiyā upapattiyā sati.|| ||

[127] puna ca paraɱ bhikkhave idh'ekacco puggalo vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ jajhānaɱ upasampajja viharati.|| ||

So tad assādeti taɱ nikāmeti tena ca vittiɱ āpajjati.|| ||

Tattha ṭhito tadadhimutto tabbahulavihārī aparihīno kālaɱ kurumāno ābhassarānaɱ devānaɱ sahavyataɱ upapajjati.|| ||

Ābhassarānaɱ bhikkhave devānāɱ dve kappā ayuppamāṇaɱ.|| ||

Tattha puthujjano yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā nirayam pi gacchati tiracchānayonimpi gacchati pettivisayam pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā tasmiɱ yeva bhave parinibkhāyati.|| ||

Ayaɱ kho bhikkhave viseso.|| ||

Ayaɱ adhippāyo.|| ||

Idaɱ nānākaraṇaɱ sutavato ariyasāvakassa assutavatā puthujjanena yad idaɱ gatiyā upapattiyā sati.|| ||

Puna ca paraɱ bhikkhave idh'ekacco puggalo pītiyā ca virāgā upekkhako ca viharati satā ca sampajāno sukhaɱ ca kāyena paṭisaŋvedeti yaɱ taɱ ariyā āvikkhanti 'Upekkhako satimā sukha-vihārī' ti tatiyaɱ jajhānaɱ upasampajja viharati.|| ||

So tadassādeti tannikāmeti tena ca vittiɱ āpajjati.|| ||

Tattha [128] ṭhito tadadhimutto tabbahulavihārī aparihīno kālaɱ kurumāno subhakiṇṇānaɱ devānaɱ sahavyataɱ upapajjati.|| ||

Subhakiṇhānaɱ bhikkhave devānaɱ cattāro kappā āyuppamāṇaɱ.|| ||

Tattha puthujjano yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā nirayam pi gacchati tiracchānayonimpi gacchati pettivisayam pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā tāsmiɱ yeva bhave parinibkhāyati.|| ||

Ayaɱ kho bhikkhave viseso, ayaɱ adhippāyo,||
idaɱ nānākaraṇaɱ sutavato ariyasāvakassa assutavatā puthujjanena yad idaɱ gatiyā upapattiyā sati.|| ||

Puna ca paraɱ bhikkhave idh'ekacco puggalo sukhassa ca pahāṇādukkhasasa ca pahāṇā pubb'eva somanassa-domanassānaɱ attha-gamā adukkhaɱ-asukhaɱ upekkhā-sati-pārisuddhiɱ catutthaɱ jajhānaɱ upasampajja viharati.|| ||

So tadassādeti tannikākameti tena ca vittiɱ āpajjati.|| ||

Tattha ṭhito tadadhimutto tabbahulavihārī aparihīno kālaɱ kurumāno vehapphalānaɱ devānaɱ sahavyataɱ upapajjati.|| ||

Vehapphalānaɱ bhikkhave devānaɱ pañcakappasatāni āyuppamāṇaɱ tattha puthujjano yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā nirayam pi gacchati tiracchānayonimpi gacchati pentivisayam pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyuppamāṇaɱ taɱ sabbaɱ khepetvā tasmiɱ yeva bhave parinbkhāyati.|| ||

Ayaɱ kho bhikkhave viseso, ayaɱ adhippāyo,||
idaɱ nānākaraṇaɱ sutavato ariyasāvakassa assutavatā puthujjanena yad idaɱ gatiyā upapattiyā sati.|| ||

Ime kho bhikkhave cattāro puggalā santo saɱvijjamānā lokasmin ti.|| ||

 


Contact:
E-mail
Copyright Statement   Webmaster's Page