Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XIII: Bhaya Vagga

Sutta 124

Dutiya Puggala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][ati] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Cattārome bhikkhave puggalā santo saɱvijja mānā lokasmiɱ.|| ||

Katame cattāro?|| ||

Idha, bhikkhave, ekacco puggalo vivicc'eva kāmehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamaɱ jajhānaɱ upasampajja viharati.|| ||

So yadeva tattha hoti rūpagataɱ vedanāgataɱ saññāgataɱ sankhāragataɱ viññāṇagataɱ, te dhamme anicchato dukkhato rogato gaṇḍato sallato aghato ābādhato parato palokato suññato anattato samanupassati.|| ||

So kāyassa bhedā param maraṇā Suddhāvāsānaɱ devānaɱ sahavyataɱ upapajjati.|| ||

Ayaɱ bhikkhave upapatti asādhāraṇā puthujjanehi.|| ||

Puna ca paraɱ bhikkhave idh'ekacco puggalo vitakka-vicārānaɱ vupasamā ajajhattaɱ sampasādanaɱ cetaso ekedibhāvaɱ avitakkaɱ avicāraɱ samādhijaɱ pīti-sukhaɱ dutiyaɱ jajhānaɱ upasampajja viharati.|| ||

So yadeva tattha hoti rūpagataɱ vedanāgataɱ saññāgataɱ sankhāragataɱ viññāṇagataɱ,||
te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati.|| ||

So kāyassa bhedā param maraṇā Suddhāvāsanaɱ devānaɱ sahavyataɱ upapajjati.|| ||

Ayaɱ bhikkhave upapajjati.|| ||

Ayaɱ bhikkhave upapatti asādhāraṇā puthujjanehi.|| ||

Puna ca paraɱ bhikkhave idh'ekacco puggalo vitakkavicāranaɱ vupasamā ajjhattaɱ sampasādanaɱ cetaso ekedibhāvaɱ avitakkaɱ avicāraɱ samādhijaɱ pīti-sukhaɱ tatiyaɱ jjhānaɱ upasampajja viharati.|| ||

So yadeva tattha hoti rūpagataɱ vedanāgataɱ saññāgataɱ sankhāragataɱ viññāṇagataɱ.|| ||

Te dhamme aniccato dukkhato rogato gaṇḍato sallato aghato ābādhato parato palokato suññato anantato samanupassata.|| ||

So kāyassa bhedā param maraṇā suddhāvasānaɱ devānaɱ sahavyataɱ upapajjati.|| ||

Ayaɱ bhikkhave upapajjati.|| ||

Ayaɱ bhikkhave upapatti asādhāraṇā puthujjanehi.|| ||

Puna ca paraɱ bhikkhave idh'ekacco puggalo vitakkavicāranaɱ vupasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ catutthaɱ jjhānaɱ upasampajja viharati.|| ||

So yadeva tat hoti rūpagataɱ vedanāgataɱ saññāgataɱ sankhāragataɱ viññāṇagataɱ,||
te dhamme ananiccato dukkhato rogato gaṇḍato sallato aghato ābādhato parato palokato suññato anattato samanupassati.|| ||

So kāyassa bhedā param maraṇā Suddhāvāsanaɱ devānaɱ sahavyataɱ upapajjati.|| ||

Ayaɱ bhitkhave upapatti asādhāraṇā puthujjanehi.|| ||

Ime kho bhikkhave cattāro puggalā santo saɱvijjamānā lokasmin ti.|| ||

 


Contact:
E-mail
Copyright Statement   Webmaster's Page