Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVII: Paṭipadā Vagga

Sutta 162

Dutiya Paṭipadā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][than][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Catasso imā bhikkhave paṭipadā.|| ||

Katamā catasso?|| ||

Dukkhā paṭipadā dandhābhiññā,||
dukkhā paṭipadā khippābhiññā,||
sukhā paṭipadā dandhābhiññā,||
sukhā paṭipadā khippābhiññā.|| ||

2. Katamā ca bhikkhave dukkhāpaṭipadā dandhābhiññā?|| ||

Idha, bhikkhave, ekacco pakatiyā pi tibbarāgajātiko hoti||
abhikkhaṇaɱ rāgajaɱ dukkhaɱ domanassaɱ paṭisaŋvedeti,||
pakatiyā pi tibbadosajātiko hoti||
abhikkhaṇaɱ dosajaɱ dukkhaɱ domanassaɱ paṭisaŋvedeti,||
pakatiyā pi tibbamohajātiko hoti||
abhikkhaṇaɱ mohajaɱ dukkhaɱ domanassaɱ paṭisaŋvedeti.|| ||

Tass'imāni pañcindriyāni mūdūni pātubhavanti:|| ||

Saddhindriyaɱ||
viriyindriyaɱ||
satindriyaɱ||
samādhindriyaɱ||
paññindriyaɱ||
so ca imesaɱ pañcannaɱ indriyānaɱ muduttā dandhaɱ ānantariyaɱ pāpuṇāti āsavānaɱ khayāya.|| ||

Ayaɱ vuccati bhikkhave dukkhāpaṭipadā dandhābhiññā.|| ||

3. Katamā ca bhikkhave dukkhāpaṭipadā khippābhiññā?|| ||

Idha, bhikkhave, ekacco pakatiyā pi tibbarāgajātiko hoti||
abhikkhaṇaɱ rāgajaɱ dukkhaɱ domanassaɱ paṭisaŋvedeti,||
pakatiyā pi tibbadosajātiko hoti||
abhikkhaṇaɱ dosajaɱ dukkhaɱ domanassaɱ paṭisaŋvedeti,||
pakatiyā pi tibbamohajātiko hoti||
abhikkhaṇaɱ mohajaɱ dukkhaɱ domanassaɱ paṭisaŋvedeti.|| ||

Tass'imāni pañcindriyāni adhimat [150] tāni pātubhavanti:|| ||

Saddhindriyaɱ||
viriyindriyaɱ||
satindriyaɱ||
samādhindriyaɱ||
paññindriyaɱ||
so imesaɱ pañcannaɱ indriyānaɱ adhimattattā khippaɱ ānantariyaɱ pāpuṇāti āsavānaɱ khayāya.|| ||

Ayaɱ vuccati bhikkhave dukkhā paṭipadā khippābhiññā.|| ||

3. Katamā ca bhikkhave sukhāpaṭipadā dandhābhiññā?|| ||

Idha, bhikkhave, ekacco pakatiyāpa na tibbarāgajātiko hoti||
nābhikkhaṇaɱ rāgajaɱ dukkhaɱ domanassaɱ paṭisaŋvedeti,||
pakatiyāpi na natibbadosajātiko hoti||
nābhikkhaṇaɱ dosajaɱ dukkhaɱ domanassaɱ paṭisaŋvedeti,||
pakatiyāpi na tibbamohajātiko hoti||
nābhikkhaṇaɱ mohajaɱ dukkhaɱ domanassaɱ paṭisaŋvedeti.|| ||

Tass'imāni pañcindriyāni mūduni pātubhavanti:|| ||

Saddhindriyaɱ||
viriyindriyaɱ||
satindriyaɱ||
samādhindriyaɱ||
paññindriyaɱ||
so imesaɱ pañcannaɱ indriyānaɱ muduttā dandhaɱ ānantariyaɱ pāpuṇāti āsavānaɱ khayāya.|| ||

Ayaɱ vuccataki bhikkhave sukhāpaṭipadā dandhābhiññā.|| ||

4. Katamā ca bhikkhave sukhāpaṭipadā khippābhiññā?|| ||

Idha, bhikkhave, ekacco puggalo pakatiyāpi na tibbarāgajātiko hoti||
nābhikkhaṇaɱ rāgajaɱ dukkhaɱ domanassaɱ paṭisaŋvedeti,||
pakatiyāpi na natibbadosajātiko hoti||
nābhikkhaṇaɱ dosajaɱ dukkhaɱ domanassaɱ paṭisaŋvedeti,||
pakatiyāpi na tibbamohajātiko hoti||
nābhikkhaṇaɱ mohajaɱ dukkhaɱ domanassaɱ paṭisaŋvedeti.|| ||

Tassimāni pañcindriyāni adhimattāni pātubhavanti:|| ||

Saddhindriyaɱ||
viriyindriyaɱ||
satindriyaɱ||
samādhindriyaɱ||
paññindriyaɱ||
so imesaɱ pañcannaɱ indriyānaɱ adhimattattā khippaɱ ānantariyaɱ pāpuṇāti āsavānaɱ khayāya.|| ||

Ayaɱ vuccati bhikkhave sukhāpaṭipadā khippābhiññā.|| ||

Imā kho bhikkhave catasso paṭipadā ti.|| ||


Contact:
E-mail
Copyright Statement   Webmaster's Page