Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVII: Paṭipadā Vagga

Sutta 164

Catuttha Paṭipadā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Catasso imā bhikkhave paṭipadā.|| ||

Katamā catasso?|| ||

Akkhamā paṭipadā,||
khamā paṭipadā,||
damā paṭipadā,||
samā paṭipadā.|| ||

2. Katamā ca bhikkhave akkhamā paṭipadā?|| ||

Idha, bhikkhave, ekacco puggalo akkosantaɱ paccakkosati.|| ||

Rosantaɱ paṭirosati.|| ||

Bhaṇḍantaɱ paṭibhaṇḍati.|| ||

Ayaɱ vuccati bhikkhave akkhamā paṭipadā.|| ||

3. Katamā ca bhikkhave khamā paṭipadā?|| ||

Idha, bhikkhave, ekacco puggalo akkosantaɱ na paccakkosati.|| ||

Rosantaɱ na paṭirosati.|| ||

Bhaṇḍantaɱ na paṭibhaṇḍati.|| ||

Ayaɱ vuccati bhikkhave khamā paṭipadā.|| ||

4. Katamā ca bhikkhave damā paṭipadā?|| ||

Idha, bhikkhave, bhikkhu cakkhunā rūpaɱ disvā||
na nimittaggāhī hoti,||
nānukhyañjanaggāhī||
yatvādhikaraṇam enaɱ cakkhundriyaɱ asaɱvutaɱ viharantaɱ||
abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati||
rakkhati cakkhundriyaɱ||
cakkhundriye saɱvaraɱ āpajjati.|| ||

Idha, bhikkhave, bhikkhu sotena saddaɱ sutvā||
na nimittaggāhī hoti,||
nānukhyañjanaggāhī||
yatvādhikaraṇam enaɱ sotindriyaɱ asaɱvutaɱ viharantaɱ||
abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati||
rakkhati sotindriyaɱ||
sotindriye saɱvaraɱ āpajjati.|| ||

Idha, bhikkhave, bhikkhu ghāṇena gandhaɱ ghāyitvā||
na nimittaggāhī hoti,||
nānukhyañjanaggāhī||
yatvādhikaraṇam enaɱ ghānindriyaɱ asaɱvutaɱ viharantaɱ||
abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati||
rakkhati ghānindriyaɱ||
ghānindriye saɱvaraɱ āpajjati.|| ||

Idha, bhikkhave, bhikkhu jivhāya rasaɱsāyitvāvIdha,||
na nimittaggāhī hoti,||
nānukhyañjanaggāhī||
yatvādhikaraṇam enaɱ jivahindriyaɱ asaɱvutaɱ viharantaɱ||
abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati||
rakkhati jivahindriyaɱ||
jivahindriye saɱvaraɱ āpajjati.|| ||

Idha, bhikkhave, bhikkhu kāyena phoṭṭhabbaɱ phusitvā||
na nimittaggāhī hoti,||
nānukhyañjanaggāhī||
yatvādhikaraṇam enaɱ kāyindriyaɱ asaɱvutaɱ viharantaɱ||
abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati||
rakkhati kāyindriyaɱ||
kāyindriye saɱvaraɱ āpajjati.|| ||

Idha, bhikkhave, bhikkhu manasā dhammaɱ viññāya na nimittaggāhī hoti,||
nānukhyañjanaggāhī||
yatvādhikaraṇam enaɱ manindriyaɱ asaɱvutaɱ viharantaɱ||
abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati||
rakkhati manindriyaɱ||
manindriye saɱvaraɱ āpajjati.|| ||

Ayaɱ vuccati bhikkhave damā paṭipadā.|| ||

5. Katamā ca bhikkhave samā paṭipadā?|| ||

Idha, bhikkhave, bhikkhu uppannaɱ kāmavitakkaɱ nādhivāseti pajahati vinodeti sameti khyantīkaroti anabhāvaɱ gameti.|| ||

Uppannaɱ khyāpādavitakkaɱ nādhivāseti pajahati vinodeti sameti khyantikaroti anabhāvaɱ gameti.|| ||

Uppannaɱ vihiɱsā vitakkaɱ nādhivāseti pajahati vinonadeti sameti khyantīkaroti anabhāvaɱ gameti.|| ||

Uppannuppannena pāpake akusale dhamme nādhivāseti pajahati vinodeti sameti vyantīkaroti anabhāvaɱ gameti.|| ||

Ayaɱ vuccati bhikkhave samā paṭipadā.|| ||

Imā kho bhikkhave catasso paṭipadā ti.|| ||


Contact:
E-mail
Copyright Statement   Webmaster's Page