Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVII: Paṭipadā Vagga

Sutta 168

Sāriputta Paṭipadā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] EVAṂ ME SUTAṂ.|| ||

Atha kho āyasmā Mahā Moggallāno yenāyasmā Sāriputto ten'upasaŋkami.|| ||

Upasaŋkamitvā āyasmatā Sāriputto saddhiɱ sammodi.|| ||

Sammodanīyaɱ kathaɱ sārāṇīyaɱ cītisāretvā eka-m-antaɱ nisidi.|| ||

Eka-m-antaɱ nisinno kho āyasmā Mahā Moglagallānaɱ āyasmantaɱ Sāriputto etad avoca:|| ||

"Catasso imā āvuso Sāriputta paṭipadā.|| ||

Katamā catasso?|| ||

Dukkhā-paṭipadā dandhābhiññā,||
dukkhā-paṭipadā khippābhiññā,||
sukhā-paṭipadā dandhābhiññā,||
sukhā-paṭipadā khippābhiññā.|| ||

Imā kho āvuso catasso paṭipadā.|| ||

Imāsaɱ āvuso catassannaɱ paṭipadānaɱ katamaɱ te paṭipadaɱ āgamma āsavehi cittaɱ vimuttan" ti?|| ||

"Catasso imā āvuso Moggallāna paṭipadā.|| ||

Katamā catasso?|| ||

Dukkhā-paṭipadā dandhābhiññā,||
dukkhā-paṭipadā khippābhiññā,||
sukhā-paṭipadā dandhābhiññā,||
sukhā-paṭipadā khippābhiññā.|| ||

Imā kho āvuso catasso paṭipadā.|| ||

Imāsaɱ āvuso catassannaɱ paṭipadānaɱ yāyaɱ paṭipadā dukkhā khippābhiññā,
imaɱ me paṭipadaɱ āgamma anupādāya āsavehi cittaɱ vimuttan" ti.|| ||


Contact:
E-mail
Copyright Statement   Webmaster's Page