Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVII: Paṭipadā Vagga

Sutta 170

Yuganaddha Suttaɱ, aka Arahattappatati Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evaɱ me sutaɱ:|| ||

Ekaɱ samayaɱ āyasmā Ānando Kosambiyaɱ viharati Ghositārāme.|| ||

Tatra kho āyasmā Ānando bhikkhu āmantesi; Āvuso Bhikkhavo ti.|| ||

Āvusoti kho te bhikkhū āyasmato Ānandassa paccassosuɱ.|| ||

Āyasmā Ānando etad avoca:|| ||

[157] Yo hi ko ci āvuso bhikkhu vā bhikkhunī vā mama santike arahattappattiɱ vyākaroti.|| ||

Sabbo so catuhi maggehi, etesaɱ vā aññatarena.|| ||

Katamehi catuhi?|| ||

Idha āvuso bhikkhu samathapubbaŋgamaɱ vipassanaɱ bhāveti.|| ||

Tassa samathapubbaŋgamaɱ vipassanaɱ bhāvayato maggo sañjāyati.|| ||

So taɱ maggaɱ āsevati bhāveti bahulīkaroti.|| ||

Tassa taɱ maggaɱ āsevato bhāvayato bahulīkaroto saññojanā pahīyanti.|| ||

Anusayā vyantīhonti.|| ||

Puna ca paraɱ āvuso bhikkhu vipassanāpubbaŋgamaɱ samathaɱ bhāveti.|| ||

Tassa vipassanāpubabaŋgamaɱ samathaɱ bhāvayato maggo sañjāyati.|| ||

So taɱ maggaɱ āsevati bhāveti bahulīkaroti.|| ||

Tassa taɱ maggaɱ āsevato bhāvayato bahulīkaroto saññojanā pahīnanayanti.|| ||

Anusayā vyantīhonti.|| ||

Puna ca paraɱ avurasā bhikkhu samathavipassanaɱ yuganaddhaɱ bhāveti.|| ||

Tassa samathavipassanaɱ yuganaddhaɱ bhāvayato maggo sañjāyati.|| ||

So taɱ maggaɱ āsevati bhāveti bahulīkaroti.|| ||

Tassa taɱ maggaɱ āsevato bhāvayato bahulīkaroto saññojanā pahīyanti.|| ||

Anusayā vyantīhonti.|| ||

Puna ca paraɱ āvuso bhikkhuno dhammuddhaccaviggahītaɱ mānaɱ hoti.|| ||

So āvuso samayo yan taɱ cittaɱ ajjhattaɱyeva santiṭṭhati sannisīdati ekodīhoti samādhiyati.|| ||

Tassa maggo sañjāyati.|| ||

So taɱ maggaɱ āsevati bhāveti bahulīkaroti.|| ||

Tassa taɱ maggaɱ āsevato bhāvayato bahulīkaroto saññojanā pahīyanti.|| ||

Anusayā vyantīhonti.|| ||

Yo hi ko vi āvuso bhikkhu vā bhikkhunī vā mama santike arahattappattiɱ vyākaroti, sabbo so imehi catuhi maggehi, etesaɱ vā aññatarenāti.|| ||

Paṭipadāvaggo dutiyo.

 


Contact:
E-mail
Copyright Statement   Webmaster's Page