Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVIII: Sañcetana Vagga

Sutta 175

Upavāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[161]

[1][pts] Atha kho āyasmā Upavāno yen'āyasmā Sāriputto ten'upasaŋkami.|| ||

Upasaŋkamitvā āyasmatā Sāriputtena saddhiɱ sammodi.|| ||

Sammodanīyaɱ kathaɱ sārāṇiyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho āyasmā upavāno āyasmantaɱ Sāriputtaɱ etad avoca:|| ||

"Kin nu kho āvuso Sāriputta vijjāy'antakaro hotī" ti?|| ||

"No h'idaɱ āvuso."|| ||

"Kim pan'āvuso Sāriputta caraṇen'antakaro hotī" ti?|| ||

"No h'idaɱ āvuso."|| ||

"Kin nu kho āvuso Sāriputta vijjācaraṇen'antakaro hotī" ti?|| ||

"No h'idaɱ āvuso."|| ||

"Kim pan'āvuso Sāriputta aññatra-vijjācaraṇen'antakaro hotī" ti?|| ||

"No h'idaɱ āvuso."|| ||

 

§

 

2. "Kin nu kho āvuso Sāriputta 'vijjay'antakaro hotī' ti?||
iti puṭṭho samāno||
'no h'idaɱ āvuso' ti vadesi.|| ||

Kim pan'āvuso Sāriputta 'caraṇen'antakaro hotī' ti||
iti puṭṭho samāno||
'no h'idaɱ āvuso' ti vadesi.|| ||

Kim pan'āvuso Sāriputta 'vijjācaraṇen'antakaro hotī' ti||
iti puṭṭho samāno||
'no h'idaɱ āvuso' ti vadesi.|| ||

Kim pan'āvuso Sāriputta 'aññatra-vijjācaraṇen'antakaro hotī' ti||
iti puṭṭho samāno||
'no h'idaɱ āvuso' ti vadesi.|| ||

Yathākatham pan'āvuso antakaro hotī" ti?|| ||

 

§

 

3. "Vijjāya ve āvuso antakaro abhavissa,||
savupādāno va samāno antakaro abhavissa.|| ||

Caraṇena ce āvuso antakaro abhavissa,||
savupādāno va samāno antakaro abhavissa.|| ||

Vijjācaraṇena ce āvuso antakaro abhavissa,||
savupādānova samāno antakaro abhavissa.|| ||

Aññatra-vijjācaraṇena ce āvuso antakaro abhavissa,||
puthujjano antakaro abhavissa.|| ||

Puthujjano hi āvuso aññatra-vijjācaraṇena.|| ||

Caraṇavipanno kho āvuso yathābhutaɱ na jānāti na passati.|| ||

Caraṇasampanno yathā-[164] bhūtaɱ jānāti passati.|| ||

Yathābhūtaɱ jānaɱ passaɱ antakaro hotī" ti.|| ||

 


Contact:
E-mail
Copyright Statement   Webmaster's Page