Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVIII: Sañcetana Vagga

Sutta 179

Parinibbāna Hetu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evaɱ me sutaɱ:|| ||

Atha kho āyasmā Ānando yenāyasmā Sāriputto ten'upasaŋkhami.|| ||

Upasaŋkamitvā āyasmatā Sāriputtena saddhiɱ sammodi.|| ||

Sammodanīyaɱ kathaɱ sārāṇiyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho āyasmā Ānando āyasmantaɱ Sāriputtaɱ etad avoca:|| ||

Ko nu kho āvuso Sāriputta hetu ko paccayo yenamidh'ekacce sattā diṭṭhe va dhamme na parinibbāyantīti?|| ||

Idh'āvuso Ānanda sattā imā hānabhāgiyā saññāti yathābhutaɱ nappajānanti.|| ||

Imā ṭhitibhāgiyā saññāti yathābhutaɱ nappajānanti.|| ||

Imā visesabhāgiyā saññāti yathābhutaɱ nappajānanti.|| ||

Imā nibbedhabhāgiyā saññāti yathābhutaɱ nappajānanti.|| ||

Ayaɱ kho āvuso Ānanda hetu ayaɱ paccayo yena midekacce sattā diṭṭhe va dhamme na parinibbāyantī ti.|| ||

Ko pan'āvuso Sāriputta hetu ko paccayo yena midh'ekacce sattā diṭṭhe va dhamme parinibbāyantīti?|| ||

Idh'āvuso Ānanda sattā imā hānabhāgiyā saññāti yathābhutaɱ pajānanti.|| ||

Imā ṭhitibhāgiyā saññāti yathābhutaɱ pajānanti.|| ||

Imā visesabhāgiyā saññāti yathābhutaɱ pajānanti.|| ||

Imā nibbedhabhāgiyā saññāti yathābhutaɱ pajānanti.|| ||

Ayaɱ kho āvuso Ānanda hetu aya paccayo yena midh'ekacce sattā diṭṭhe va dhamme parinibbāyantī ti.|| ||

 


Contact:
E-mail
Copyright Statement   Webmaster's Page