Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XVIII: Sañcetana Vagga

Sutta 180

Mahā Padesadesanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Bhoganagare viharati Ānanda-cetiye.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosuɱ.|| ||

Bhagavā etad avoca:|| ||

"Cattāro'me bhikkhave mahāpadese desessāmi.|| ||

Taɱ [168] suṇātha sādhukaɱ manasi karotha bhāsissāmī" ti.|| ||

"Evaɱ bhante" ti kho te bhikkhu Bhagavato paccassosuɱ.|| ||

Bhagavā etad avoca:|| ||

"Katame ca bhikkhave cattāro mahāpadesā?|| ||

2. Idha, bhikkhave, bhikkhu evaɱ vadeyya:|| ||

'Sammukhā me taɱ āvuso Bhagavato sutaɱ sammukhā paṭiggahītaɱ,||
ayaɱ dhammo||
ayaɱ vinayo||
idaɱ satthu-sāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
na c'eva sutte otaranti||
na vinaye sandissanti,||
niṭṭhaɱ ettha gantabbaɱ:|| ||

Addhā idaɱ na c'eva tassa Bhagavato vacanaɱ arahato Sammā-sambuddhassa.|| ||

'Imassa ca bhikkhuno duggahītan' ti.|| ||

Iti h'etaɱ bhikkhave chaḍḍheyyātha.|| ||

3. Idha pana bhikkhave bhikkhu evaɱ vadeyya:|| ||

'Sammukhā me taɱ āvuso Bhagavato sutaɱ sammukhā paṭiggahītaɱ,||
ayaɱ dhammo||
ayaɱ vinayo||
idaɱ satthu-sāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
sutte c'eva otaranti||
vinaye ca sandissanti,||
niṭṭhamɱ ettha gantabbaɱ:|| ||

Addhā idaɱ tassa Bhagavato vacanaɱ arahato Sammā-sambuddhassa.|| ||

'Imassa ca bhikkhuno suggahītan' ti.|| ||

Imaɱ bhikkhave paṭhamaɱ mahāpadesaɱ dhāreyyātha.|| ||

 

§

 

4. Idha pana bhikkhave bhikkhu evaɱ vadeyya:|| ||

'Amukasmiɱ nāma āvāse saŋgho viharati sa-thero sa-pāmokkho,||
tassa me Saŋghassa sammukhā sutaɱ sammukhā paṭiggahītaɱ||
ayaɱ dhammo||
ayaɱ vinayo||
idaɱ satthusāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni||
sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
na c'eva sutte otaranti||
na vinaye sandissanti,||
niṭṭhaɱ ettha gantabbaɱ:|| ||

Addhā idaɱ na c'eva tassa Bhagavato vacanaɱ arahato [169] Sammā-sambuddhassa.|| ||

'Tassa ca Saŋghassa duggahītan' ti.|| ||

Iti h'etaɱ bhikkhave chaḍḍheyyātha.|| ||

Idha pana bhikkhave bhikkhu evaɱ vadeyya:|| ||

'Amukasmiɱ nāma āvāse saŋgho viharati sa-thero sa-pāmokkho,||
tassa me Saŋghassa sammukhā sutaɱ sammukhā paṭiggahītaɱ||
ayaɱ dhammo||
ayaɱ vinayo||
idaɱ satthusāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni||
sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
sutte c'eva otaranti||
vinaye ca sandissanti,||
niṭṭhamɱ ettha gantabbaɱ:|| ||

Addhā idaɱ tassa Bhagavato vacanaɱ arahato Sammā-sambuddhassa.|| ||

'Tassa ca Saŋghassa suggahītan' ti.|| ||

Idaɱ, bhikkhave, dutiyaɱ mahāpadesaɱ dhāreyyātha.|| ||

 

§

 

Idha pana bhikkhave bhikkhu evaɱ vadeyya:|| ||

Amukasmiɱ nāma āvāse sambāhulaɱ therā bhikkhu viharanti||
bahussutā||
āgatāgamā||
dhammadharā||
vinayadharā||
mātikādharā||
tassa me therānaɱ sammukhā sutaɱ sammukhā paṭiggahītaɱ||
ayaɱ dhammo||
ayaɱ vinayo||
idaɱ satthusāsanan ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni||
sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
na c'eva sutte otaranti||
na vinaye sandissanti,||
niṭṭhaɱ ettha gantabbaɱ:|| ||

Addhā idaɱ na c'eva tassa Bhagavato vacanaɱ arahato Sammā-sambuddhassa.|| ||

'Tesañ ca therānaɱ duggahītan' ti.|| ||

Iti h'idaɱ bhikkhave chaḍḍheyyātha.|| ||

Idha pana bhikkhave bhikkhu evaɱ vadeyya:|| ||

'Amukasmiɱ nāma āvāse sambāhulaɱ therā bhikkhu viharanti||
bahussutā||
āgatāgamā||
dhammadharā||
vinayadharā||
mātikādharā||
tassa me therānaɱ sammukhā sutaɱ sammukhā paṭiggahītaɱ||
ayaɱ dhammo||
ayaɱ vinayo||
idaɱ satthusāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni||
sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
sutte c'eva otaranti||
vinaye ca sandissanti,||
niṭṭhamɱ ettha gantabbaɱ:|| ||

Addhā idaɱ tassa Bhagavato vacanaɱ arahato Sammā-sambuddhassa.|| ||

'Tassa ca therānaɱ suggahītan' ti.|| ||

Idaɱ, bhikkhave, tatiyaɱ mahāpadesaɱ dhāreyyātha.|| ||

 

§

 

Idha pana bhikkhave bhikkhu evaɱ vadeyya:|| ||

'Amukasmiɱ nāma āvāse eke thero bhikkhu viharati||
[170] bahussuto||
āgatāgamo||
dhammadharo||
vinayadharo||
mātikādharo||
tassa me therassa sammukhā sutaɱ sammukhā paṭiggahītaɱ||
ayaɱ dhammo||
ayaɱ vinayo||
idaɱ satthusāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni||
sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
na c'eva sutte otaranti||
na vinaye sandissanti,||
niṭṭhaɱ ettha gantabbaɱ:|| ||

Addhā idaɱ na c'eva tassa Bhagavato vacanaɱ arahato Sammā-sambuddhassa.|| ||

'Tesañ ca therassa duggahītan' ti.|| ||

Iti h'idaɱ bhikkhave chaḍḍheyyātha.|| ||

Idha pana bhikkhave bhikkhu evaɱ vadeyya:|| ||

'Amukasmiɱ nāma āvāse sambāhulaɱ therā bhikkhu viharanti||
bahussuto||
āgatāgamo||
dhammadharo||
vinayadharo||
mātikādharo||
tassa me therassa sammukhā sutaɱ sammukhā paṭiggahītaɱ||
ayaɱ dhammo||
ayaɱ vinayo||
idaɱ satthusāsanan' ti.|| ||

Tassa bhikkhave bhikkhuno bhāsitaɱ n'eva abhinanditabbaɱ||
na paṭikkositabbaɱ.|| ||

Anabhinanditvā||
appaṭikkositvā||
tāni padavyañjanāni||
sādhukaɱ uggahetvā sutte otāretabbāni||
vinaye sandassetabbāni:|| ||

Tāni ce sutte otāriyamānāni||
vinaye sandassiyamānāni||
sutte c'eva otaranti||
vinaye ca sandissanti,||
niṭṭhamɱ ettha gantabbaɱ:|| ||

Addhā idaɱ tassa Bhagavato vacanaɱ arahato Sammā-sambuddhassa.|| ||

'Tassa ca therassa suggahītan' ti.|| ||

Idaɱ, bhikkhave, catutthaɱ mahāpadesaɱ dhāreyyātha.|| ||

Sañcetaniya Vaggo Tatiyo


Contact:
E-mail
Copyright Statement   Webmaster's Page