Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XIX: Yodhajīva Vagga

Sutta 181

Yodhājīva Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Catuhi bhikkhave aŋgehi samannāgato yodhājīvo rājāraho hoti rājabhoggo rañño aŋgan t'eva saŋkhaɱ gacchati.|| ||

Katamehi catuhi?|| ||

Idha, bhikkhave, yodhājīvo ṭhānakusalo ca hoti,||
dure-pākī ca,||
akkhaṇavedhī ca,||
mahato ca kāyassa padāletā.|| ||

Imehi kho bhikkhave catuhi aŋgehi samannāgato yodhājīvo rājāraho hoti rājabhoggo rañño aŋgan t'eva saŋkhaɱ gacchati.|| ||

[171] 2. Evam eva kho bhikkhave cakuhi dhammehi samannāgato bhikkhu āhuneyyo hoti pāhuṇeyoyā,||
dakkhiṇeyyo,||
añjalikaraṇīyo,||
anuttaraɱ puññakkhettaɱ lokassa.|| ||

Katamehi catuhi?|| ||

Idha, bhikkhave, bhikkhu ṭhānakusalo ca hoti,||
dūre-pātī ca,||
akkhaṇavedhīva,||
mahato ca kāyassa padāletā.|| ||

Katañ ca bhikkhave bhikkhu ṭhānakusalo hoti?|| ||

Idha, bhikkhave, bhikkhu sīlavā hoti pātimokkha-saɱvara-saɱvuto viharati ācāra-gocara-sampanno aṇumattesu vajjesu bhaya-dassāvī samādāya sikkhati sikkhāpadesu.|| ||

Evaɱ kho bhikkhave bhikkhu ṭhānakusalo hoti.|| ||

Katañ ca bhikkhave bhikkhu dūre pātī hoti?|| ||

Idha, bhikkhave, bhikkhu yaɱ kiñci rūpaɱ atītānāgata-paccuppannaɱ||
ajjhattaɱ vā bahiddhā vā||
oḷārikaɱ vā||
sukhumaɱ vā||
hīnaɱ vā paṇītaɱ vā||
yaɱ dūre santike vā,||
sabbaɱ rūpaɱ:|| ||

'N'etaɱ mama,||
n'eso'ham asmi,||
na m'eso attā' ti|| ||

Evam etaɱ yathābhutaɱ sammappaññāya passati.|| ||

Yā kā ci vedanā atītānāgata-paccuppannā||
ajjhattaɱ vā bahiddhā vā||
oḷārikaɱ vā||
sukhumaɱ vā||
hīnaɱ vā paṇītaɱ vā||
yaɱ dūre santike vā,||
sabbaɱ vedanaɱ:|| ||

'N'etaɱ mama,||
n'eso'ham asmi,||
na m'eso attā' ti|| ||

Evam etaɱ yathābhutaɱ sammappaññāya passati.|| ||

Yā kāci saññā atītānāgata-paccuppannā||
ajjhattaɱ vā bahiddhā vā||
oḷārikaɱ vā||
sukhumaɱ vā||
hīnaɱ vā paṇītaɱ vā||
yaɱ dūre santike vā,||
sabbaɱ saññaɱ:|| ||

'N'etaɱ mama,||
n'eso'ham asmi,||
na m'eso attā' ti|| ||

Evam etaɱ yathābhutaɱ sammappaññāya passati.|| ||

Ye kevi sankhārā atītānāgata-paccuppannā||
ajjhattaɱ vā bahiddhā vā||
oḷārikaɱ vā||
sukhumaɱ vā||
hīnaɱ vā paṇītaɱ vā||
yaɱ dūre santike vā,||
sabbaɱ saŋkhare:|| ||

'N'etaɱ mama,||
n'eso'ham asmi,||
na m'eso attā' ti|| ||

Evam etaɱ yathābhutaɱ sammappaññāya passati.|| ||

Yaɱ kiñci viññāṇaɱ atītānāgata-panaccuppannaɱ||
ajjhattaɱ vā bahiddhā vā||
oḷārikaɱ vā||
sukhumaɱ vā||
hīnaɱ vā paṇītaɱ vā||
yaɱ dūre santike vā,||
sabbaɱ viññāṇaɱ:|| ||

'N'etaɱ mama,||
n'eso'ham asmi,||
na m'eso attā' ti|| ||

Evam etaɱ yathābhutaɱ sammappaññāya passati.|| ||

Evaɱ kho bhikkhave bhikkhu dūre pātī hoti.|| ||

Kathañ ca bhikkhave bhikkhu akkhaṇavedī hoti?|| ||

Idha, bhikkhave, bhikkhu
'idaɱ dukkhan' ti yathābhutaɱ pajānāti,||
'ayaɱ dukkhasamudayo' ti yathābhutaɱ pajānāti,||
'ayaɱ dukkhanirodho' ti yathābhutaɱ pajānāti,||
'ayaɱ dukkhanirodhagāminī paṭipadā' ti yathābhutaɱ pajānāti.|| ||

Evaɱ kho bhikkhave bhikkhu akkhaṇavedhī hoti.|| ||

Katañ ca bhikkhave bhikkhu mahato ca kāyassa padāletā hoti?|| ||

Idha, bhikkhave, bhikkhu mahantaɱ avijjakkhandhaɱ padāleti.|| ||

Evaɱ kho bhikkhave bhikkhu mahato kāyassa padāletā hoti.|| ||

Imehi kho bhikkhave catuhi dhammehi samannāgato bhikkhu āhuneyyo hoti pāhuṇeyyo,||
dakkhiṇeyyo,||
añjalikaraṇīyo,||
anuttaraɱ puññakkhettaɱ lokassā ti.|| ||

 


Contact:
E-mail
Copyright Statement   Webmaster's Page