Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XX: Mahā Vagga

Sutta 194

Sāpūgiya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evaɱ me sutaɱ:|| ||

Ekaɱ samayaɱ āyasmā Ānando Koḷiyesu viharati Sāpūgannama Koḷiyānaɱ nigame.|| ||

Atha kho sambahulā Sāpūgiyā Koḷiyaputtā yen'āyasmā Ānando ten'upasaŋkamiɱsu.|| ||

Upasaŋkamitvā āyasmantaɱ Ānandaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinne kho Sāpūgiye Koḷiyaputte āyasmā Ānando etad avoca:|| ||

"Cattār'imāni Vyagghapajjā pārisuddhi-padhāniyaŋgāni tena Bhagavatā jānatā passatā arahatāsammāsamābud- [195] dhena sammad akkhātāni sattānaɱ visuddhiyā sokapariddavānaɱ samitikkamāya dukkhadomanassānaɱ atthagamāya ñāyassa adhigamāya nibbānassa sacchikiriyāya.|| ||

Katamāni cattāri?|| ||

Sīla-pārisuddhi-padhāniyaŋgaɱ||
citta-pārisuddhi-padhāniyaŋgaɱ||
diṭṭhi-pārisuddhi-padhāniyaŋgaɱ||
vimutti-pārisuddhi-padhāniyaŋgaɱ.|| ||

2. Katamaña ca Vyagghapajjā sīla-pārisuddhi-padhāniyaŋgaɱ?|| ||

Idha Vyagghapajjā bhikkhu sīlavā hoti sikkhati sikkhāpadesu.|| ||

Ayaɱ vuccati Vyagghapajjā sīla-pārisuddhi.|| ||

Iti evarūpiɱ sīla-pārisuddhiɱ aparipūriɱ vā paripūressāmi,||
paripūriɱ vā tattha tattha paññāya anuggahessāmīti.|| ||

Yo tattha chando ca||
vāyāmo ca||
ussāho ca||
ussoḷhi ca||
appaṭivānī ca||
sati ca||
sampajaññaɱ ca,||
idaɱ vuccati Vyagghapajjā||
sīla-pārisuddhi-padhāniyaŋgaɱ.|| ||

 

§

 

3. Katamañ ca Vyagghapajjā citta-pārisuddhi-padhāniyaŋgaɱ?|| ||

Idha Vyagghapajjā bhikkhu vivicc'eva kāmehi vivicca akusalehi dhamamehi savitakkaɱ savicāraɱ vivekajaɱ pīti-sukhaɱ paṭhamaɱ jajhānaɱ upasampajja viharati.|| ||

Vitakkavicārānaɱ vupasamā ajjhattaɱ sampasādanaɱ cetaso ekodī-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ jjhānaɱ upasampajja viharati.|| ||

Pītiyā ca virāgā upekkhako ca viharati||
sato ca sampajāno,||
sukhañ ca kāyena paṭisaŋvedeti yaɱ taɱ ariyā āvikkhanti|| ||

'upekkhako satimā sukhavihārī'|| ||

ti tatiyajjhānaɱ upasampajja viharati.|| ||

Sukhassa ca pahānā dukkhassa ca pahānā pubb'eva somanassa-domanassānaɱ attha-gamā adukkhaɱ-asukhaɱ upekkhā-sati-pārisuddhiɱ catutthajjhānaɱ upasampajja viharati.|| ||

Ayaɱ vuccati Vyagghapajjā citta-pārisuddhi.|| ||

Iti evarūpiɱ citta-pārisuddhiɱ aparipūriɱ vā paripūressāmi,||
paripūriɱ vā tattha tatthā paññāya anuggahessāmīti.|| ||

Yo tattha chando ca||
vāyāmo ca||
ussāho ca||
ussoḷhi ca||
appaṭivānī ca||
sati ca||
sampajaññaɱ ca,||
idaɱ vuccati Vyagghapajjā||
citta-pārisuddhi-padhāniyaŋgaɱ.|| ||

 

§

 

4. Katamañ ca Vyagghapajjā diṭṭhi-pārisuddhi-padhāniyaŋgaɱ?|| ||

Idha Vyagghapajjā bhikkhu|| ||

'Idaɱ dukkhan' ti yathābhutaɱ pajānāti.|| ||

'Ayaɱ dukkhasamudayo' ti yathābhutaɱ pajānāti.|| ||

'Ayaɱ dukkhanirodho' ti yathābhutaɱ pajānāti.|| ||

'Ayaɱ dukkhanirodhagāminī paṭipadā' ti yathābhutaɱ pajānāti.|| ||

Ayaɱ vuccanati Vyagghapajjā diṭṭhi-pārisuddhi.|| ||

Iti evarūpiɱ diṭṭhi-pārisuddhiɱ aparipūriɱ vā paripūressāmi paripūriɱ vā tattha tattha paññāya anuggahessāmīti.|| ||

Yo tattha chando ca||
vāyāmo ca||
ussāho ca||
ussoḷhi ca||
appaṭivānī ca||
sati ca||
sampajaññaɱ ca,||
idaɱ vuccati Vyagghapajjā||
diṭṭhi-pārisuddhi-padhāniyaŋgaɱ.|| ||

 

§

 

5. Katamañ ca Vyagghapajjā vimutti-pārisuddhi-padhāniyaŋgaɱ?|| ||

Sa kho so Vyagghapajjā ariyasāvako||
iminā ca sīla-pārisuddhipadhāniyaŋgena samannāgato||
iminā cacitta-pāri- [196] suddhipadhāniyaŋgena samannāgato||
iminā ca diṭṭhi-pārisuddhipadhāniyaŋgena samannāgato||
rajanīyesu dhammesu cittaɱ virājeti,||
vimocanīyesu dhammesu cittaɱ vimoceti.|| ||

So rajanīyesu dhammesu cittaɱ virājetvā vimocanīyesu dhammesu cittaɱ vimocetvā sammā vimuttaɱ phusati.|| ||

Ayaɱ vuccati Vyagghapajjā vimutti-pārisuddhi.|| ||

Iti evarūpiɱ vimutti-pārisuddhiɱ aparipūriɱ vā paripūressāmi paripūriɱ vā tattha tattha paññāya anuggahessāmīti.|| ||

Yo tattha chando ca||
vāyāmo ca||
ussāho ca||
ussoḷhi ca||
appaṭivānī ca||
sati ca||
sampajaññaɱ ca,||
idaɱ vuccati Vyagghapajjā||
vimutti-pārisuddhi-padhāniyaŋgaɱ.|| ||

Imāni kho Vyagghapajjā cattāri pārisuddhi-padhāniyaŋgāni,||
tena Bhagavatā jānatā passatā arahatā sammā-sambuddhena sammad akkhātāni sattānaɱ visuddhiyā sokapariddavānaɱ samitikkamāya dukkhadomanassānaɱ atthagamāya ñāyassa adhigamāya nibbānassa sacchikiriyāyā" ti.|| ||

 


Contact:
E-mail
Copyright Statement   Webmaster's Page