Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XXVIII: Rāgādipeyyālaɱ

Sutta 271
or [271-287] or [271-780]

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Rāgassa bhikkhave abhiññāya cattāro dhammā bhāvetabbā.|| ||

Katame cattāro?|| ||

Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhā domanassaɱ.|| ||

Vedanāsu vedanānupassī viharati ātāpī sampajāno satimā vineyya loke abhijjhā domanassaɱ.|| ||

Citte cittānupassī viharati ātāpī sampajāno satimā vineyya loke abhijjhā domanassaɱ.|| ||

Dhammesu dhammānupassī viharati ātāpī sampajāno satimā vineyya loke abhijjhā domanassaɱ.|| ||

Rāgassa bhikkhave abhiññāya ime cattāro dhammā bhāvetabbāti.|| ||

 


 

Rāgassa bhikkhave abhiññāya cattāro dhammā bhāvetabbā.|| ||

Katame cattāro?|| ||

Idha, bhikkhave, bhikkhu anuppannānaɱ pāpakānaɱ akusalānaɱ dhammānaɱ anuppādāya chandaɱ janeti vāyamati viriyaɱ ārabhati cittaɱ paggaṇhāti padahati.|| ||

Uppannānaɱ pāpakānaɱ akusalānaɱ dhammānaɱ pahāṇāya chandaɱ janeti vāyamati viriyaɱ ārabhati cittaɱ paggāṇhāti padahati.|| ||

Anuppannānaɱ kusalānaɱ dhammānaɱ uppādāya chandaɱ janeti vāyamati viriyaɱ ārabhati cittaɱ paggaṇhāti padahati.|| ||

Uppannānaɱ kusalānaɱ dhammānaɱ ṭhitiyā asammosāya bhīyobhāvāya vepullāya bhāvanāya pāripūriyā chandaɱ janeti vāyamati viriyaɱ ārabhati cittaɱ paggaṇhāti padahati.|| ||

Rāgassa bhikkhave abhiññāya ime cattāro dhammā bhāvetabbāti.|| ||

 


 

Rāgassa bhikkhave abhiññāya cattāro dhammā bhāvetabbā|| ||

Katame cattāro?|| ||

Idha, bhikkhave, bhikkhu chanda-samādhi-padhāna-saŋakhāra-samannāgataɱ iddhipādaɱ bhāveti.|| ||

Viriya-samādhi-padhāna-sankhāra-samannāgataɱ iddhipādaɱ bhāveti.|| ||

Citta-samādhi-padhāna-sankhāra-samannāgataɱ iddhipādaɱ bhāveti.|| ||

Vīmaɱsa-samādhi-padhāna-sankhāra-samannāgataɱ iddhipādaɱ bhāveti.|| ||

Rāgassa bhikkhave abhiññāya ime cattāro dhammā bhāvetabbāti.|| ||

 


 

Rāgassa bhikkhave parinnaya...pe...|| ||

Rāgassa bhikkhave parikkhayāya...pe...|| ||

Rāgassa bhikkhave pahānāya...pe...|| ||

Rāgassa bhikkhave khayāya...pe...|| ||

Rāgassa bhikkhave vayāya...pe...|| ||

Rāgassa bhikkhave virāgāya...pe...|| ||

Rāgassa bhikkhave nirodhāya...pe...|| ||

Rāgassa bhikkhave cāgāya...pe...|| ||

Rāgassa bhikkhave paṭinissaggāya...pe...|| ||

 


 

Dosassa bhikkhave abhiññāya ...pe... parinnaya ...pe... parikkhayāya ...pe... pahānāya ...pe... khayāya ...pe... vayāya ...pe... nirodhāya ...pe... cāgāya ...pe... paṭinissaggāya ...pe...|| ||

Mohassa...pe...|| ||

Kodhassa...pe...|| ||

Upanāhassa...pe...|| ||

Makkhassa...pe...|| ||

Paḷāsassa...pe...|| ||

Issāya...pe...|| ||

Macchariyassa...pe...|| ||

Māyāya...pe...|| ||

Sāṭheyyassa...pe...|| ||

Thambhassa...pe...|| ||

Sārambhassa...pe...|| ||

Mānassa...pe...|| ||

Atimānassa...pe...|| ||

Madassa...pe...|| ||

Pamādassa...pe...|| ||

 


Contact:
E-mail
Copyright Statement   Webmaster's Page