Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
IV. Sumanā Vagga

Sutta 37

Bhojana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[42]

[1][pts][than][olds][bodh]Evaɱ me sutaɱ:|| ||

Ekaɱ samayaɱ Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Bhojanaɱ bhikkhave dadamāno dāyako paṭiggāhakānaɱ pañca ṭhānāni deti.

Katamāni pañca?

2. Āyuɱ deti,||
vaṇṇaɱ deti,||
sukhaɱ deti,||
balaɱ deti,||
paṭibhānaɱ deti.|| ||

Āyuɱ kho pana datvā āyussa bhāgī hoti||
dibbassa vā mānusassavā,||
vaṇaṇaɱ datvā vaṇṇassa bhāgī hoti||
dibbassa vā mānussa vā,||
sukhaɱ datvā sukhassa bhāgī hoti||
dibbassa vā mānusassa vā,||
paṭihānaɱ datvā paṭibhānassa bhāgī hoti||
dibbassa vā mānusassa vā vā.|| ||

Bhojanaɱ bhikkhave dadamāno dāyako paṭiggāhakānaɱ imāni pañca ṭhānāni de" ti.|| ||

 

Āyudo balado dhīro vaṇṇado paṭibhāṇado||
sukhassa dātā medhāvī sukhaɱ so adhigacchati.|| ||

Āyuɱ datvā balaɱ vaṇṇaɱ sukhañ ca paṭibhāṇao||
dīghāyu yasavā hoti yattha yatthupapajjatī ti.|| ||

 


Contact:
E-mail
Copyright Statement   Webmaster's Page