Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Pañcaka Nipāta
VI: Nīvaraṇa Vagga

Sutta 57

Ṭhāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati jtevane Anāthapiṇḍikassa ārāme.|| ||

Tatra kho Bhagavā bhikkhu āmattesi "bhikkhavo" ti.|| ||

"Bhadante" ti te bhikkhu Bhagavato paccassosuɱ.|| ||

Bhagavā etad avoca:|| ||

Pañc'imāni bhikkhave ṭhanāni abhiṇhaɱ paccavekkhitabbāni itthiyā vā purisena vā gahaṭṭhena vā pabbajiteta vā.|| ||

Katamāni pañca?|| ||

2. Jarādhammo'mhi jaraɱ anatīto' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.|| ||

Vyādhidhammo'mhi vyādhiɱ anatīto' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.|| ||

Maraṇadhammo'mhi maraṇaɱ anatīto' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.|| ||

'Sabbehi me piyehi manāpehi nānābhāvo vinābhāvo' ti||
abhiṇhaɱ paccavekkhitabbaɱ [72] itthiyā vā purisena vā gahaṭṭhena vā pabbajitena vā.|| ||

'Kammassako'mhi kammadāyādo kammayoni kammabandhu kammapaṭisaraṇo,||
yaɱ kammaɱ karissāmi kalyāṇaɱ vā pāpakaɱ vā,||
tassa dāyādo bhavissāmī' ti||
abhiṇhaɱ paccacekkhitabbaɱ itthiyā vā purisena vā gahaṭṭhena vā pabbajitena vā.|| ||

 


 

3. Kathañ ca bhikkhave atthavasaɱ paṭicca||
'jarādhammo'mhi jaraɱ anatīto' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā?|| ||

Atthī bhikkhave sattānaɱ yobbane yobbanamado,||
yena madena mattā kāyena duccaritaɱ caranti,||
vācāya duccaritaɱ caranti,||
manasā duccaritaɱ caranti.|| ||

Tassa taɱ ṭhānaɱ abhiṇhaɱ paccavekkhato yo yobbane yobbanamado,||
so sabbaso vā pahīyati,||
tanu vā pana hoti.|| ||

Idaɱ kho bhikkhave atthavasaɱ paṭicca||
'jarādhammomhi jaraɱ antito' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbjitena vā.|| ||

Kathañ ca bhikkhave atthavavasaɱ paṭicca||
'vyādhidhammo'mhi vyādhiɱ anatīto' ti||
abhiṇhaɱ paccavekkhitabbaɱ itthivā vā purisena vā gahaṭṭhena vā pabbajitena vā?|| ||

Atthi bhikkhave sattānaɱ ārogye ārogyamado,||
yena madena mattā kāyena duccaritaɱ caranti,||
vācāya duccaritaɱ caranti,||
manasā duccaritaɱ caranti.|| ||

Tassa taɱ ṭhānaɱ abhiṇhaɱ paccavekkhato yo ārogye ārogyamado,||
so sabbaso vā pahīyati,||
tanu vā pana hoti.|| ||

Idaɱ kho bhikkhave atthavasaɱ paṭicca||
'vyādhidhammo'mhi vyādhiɱ anatito' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.|| ||

Kathañ ca bhikkhave atthavasaɱ paṭicca||
'maraṇadhammo'mhi maraṇaɱ anatito' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā?|| ||

Atthi bhikkhave sattānaɱ jivite jivitamado,||
yena madena mattā kāyena duccaritaɱ caranti,||
vācāya [73] duccaritaɱ caranti,||
vācāya duccaritaɱ caranti,||
manasā duccaritaɱ caranti.|| ||

Tassa taɱ ṭhānaɱ abhiṇhaɱ paccavekkhato yo jivite jivitamado,||
so sabbaso vā pahīyati,||
tanu vā pana hoti.|| ||

Idaɱ kho bhikkhave atthavasaɱ paṭicca||
'maraṇadhammo'mhi maraṇaɱ anatīto' ti||
abhiṇhaɱ paccavekkhitabbaɱ itthīyā vā purisena vā gahaṭṭhena vā pabbajitena vā.|| ||

Kathañ ca bhikkhave atthavasaɱ paṭicca||
'sabbehi me piyehi manāpehi nānābhāvo vinābhāvo' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā?|| ||

Atthi bhikkhave sattānaɱ piyesu chandarāgo,||
yena rāgena rattā kāyena duccaritaɱ caranti,||
vācāya duccaritaɱ caranti,||
manasā duccaritaɱ caranti.|| ||

Tassa taɱ ṭhānaɱ abhiṇnahaɱ paccavekkhato yo piyesu chandarāgo,||
so sabbaso vā pahīyati,||
tanu vā pana hoti.|| ||

Idaɱ kho bhikkhave atthavasaɱ paṭicca||
'sabbehi me piyehi manāpehi nānābhāvo vinābhāvo' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.|| ||

Kathañ ca bhikkhave atthavasaɱ paṭicca||
'kammassakho'mhi kammadāyādo kammayoni kammabandhu kammapaṭisaraṇo yaɱ kammaɱ karissāmi kalyāṇaɱ vā pāpakaɱ vā tassa dāyādo bhavissāmi' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā?|| ||

Atthi bhikkhave sattānaɱ||
kāyaduccaritaɱ||
vacīduccaritaɱ||
manoduccaritaɱ.|| ||

Tassa taɱ ṭhānaɱ abhiṇhaɱ paccavekkhato sabbaso vā taɱ pahīyati,||
tanu vā pana hoti.|| ||

Idaɱ kho bhikkhave atthavasaɱ paṭicca||
'kammassakho'mhi kammadāyādo kammayonī kammabandhū kammapaṭisaraṇo yaɱ kammaɱ karissāmi kalyāṇaɱ vā pāpakaɱ vā tassa dāyādo bhavissāmi' ti||
abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.|| ||

 


 

Sace so bhikkhave ariyasāvako iti paṭisañcikkhati: [74] 'na kho ahañ c'ev'eko jarādhammo jaraɱ anatīto,||
atha kho yāvatā sattānaɱ āgati gati cuti uppatti,||
sabbe sattā jarādhammā jaraɱ anatītā' ti||
tassa taɱ ṭhānaɱ abhiṇhaɱ paccavekkhato maggo sañajāyati.|| ||

So taɱ maggaɱ āsevati,||
bhāveti,||
bahulīkaroti.|| ||


saɱyojanāi pahīyanti,||
anussāyā vyantī honti.|| ||

Tassa taɱ maggaɱ āsevato bhāvayato bahulīkaroto saɱyojanā pahīyanti,||
anusayā vyanti honti.|| ||

'Na kho ahañ c'ev'eko vyādhidhammo vyādhiɱ anatito,||
atha kho yāvatā sattānaɱ āgati gati cuti uppatti,||
sabbe sattā vyādhidhammā vyādhiɱ anatitā' ti||
tassa taɱ ṭhānaɱ abhiṇhaɱ paccavekkhato maggo sañjāyati.

So taɱ maggaɱ āsevati,||
bhāveti,||
bahulīkaroti.|| ||

Tassa taɱ maggaɱ āsevato bhāvayato bahulīkaroto saɱyojanā pahīyanti,||
anusayā vyanti honti.|| ||

'Na kho ahañ c'ev'eko maraṇadhammo maraṇaɱ anatīto,||
atha kho yāvatā sattānaɱ āgati gati cuti upapatti,||
sabbe sattā maraṇadhammā maraṇaɱ ananītā' ti||
tassa taɱ ṭhānaɱ abhiṇhaɱ paccavekkhato maggo sañjāyati.|| ||

So taɱ maggaɱ āsevati,||
bhāveti,||
bahulīkaroti.|| ||

Tassa taɱ maggaɱ āsevato bhāvayato bahulīkaroto saɱyojanā pahīyanti,||
anusayā vyanti honti.|| ||

'Na kho mayh'amev'ekassa sabbehi piyehi manāpehi nānābhāvo vinābhāvo,||
atha kho yāvatā sattānaɱ āgati gati cuti upapatti,||
sabbesaɱ sattānaɱ manāpehi nānābhāvo vinābhāvo' ti||
tassa taɱ ṭhānaɱ abhiṇhaɱ paccavekkhato maggo sañjāyati.|| ||

So taɱ maggaɱ āsevati,||
bhāveti,||
bahulīkaroti.|| ||

Tassa taɱ maggaɱ āsevato bhāvayato bahulīkaroto saɱyojanā pahīyanti,||
anusayā vyanti honti.|| ||

'Na kho ahañ c'ev'eko kammassakho'mhi kammadāyādo kammayoni kammabandhu kammapaṭisaraṇo,||
yaɱ kammaɱ karissāmi kalyāṇaɱ vā pāpakaɱ vā,||
tassa dāyādo bhavissāmi,||
atha kho yāvatā sattānaɱ āgati gati cuti upapatti,||
sabbe sattā kammassakā kammadāyādā kammayoni kammabandhu kammapaṭisaraṇā,||
yaɱ kammaɱ karissanti kalyāṇaɱ vā pāpakaɱ vā,||
tassa dāyādā [75] bhavissantī' ti||
tassa taɱ ṭhānaɱ abhiṇhaɱ paccavekkhato maggo sañjāyati.|| ||

So taɱ maggaɱ āsevati,||
bhāveti,||
bahulīkaroti.|| ||

Tassa taɱ maggaɱ āsevato bhāvayato bahulīkaroto saɱyojanā pahīyanti,||
anusayā vyanti honti.|| ||

 

Vyādhidhammā jarādhammā atho maraṇadhammino,||
yathā dhammā tathā santā, jigucchanti puthujjanā.|| ||

Ahañ c'etaɱ jiguccheyyaɱ evaɱ dhammesu pāṇisu,||
tam etaɱ paṭirūpassa mama evaɱ vihārino.|| ||

So'haɱ evaɱ viharanto ñatvā dhammaɱ nirūpadhiɱ,||
Ārogye ca yobbanasmiñ jivitasmiñ ca yo mado,||
sabbe made abhibhosmi nekkhammaɱ daṭṭhu khemato.|| ||

Tassa me ahu ussāho nibbānaɱ abhipassato,||
nāhaɱ bhabbo etarahi kāmāni patisevituɱ,||
Anivattī bhavissāmi brahmacariyaparāyaṇo ti.|| ||


Contact:
E-mail
Copyright Statement   Webmaster's Page