Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

N-O-T  Y-E-T   P-R-O-O-F-R-E-A-D

Anguttara Nikāya
Pañcaka Nipāta
8. Yodhājīva Vagga

Sutta 76

Dutiya Yodhājīvūpama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Sāvatthinidānaɱ:|| ||

Pañc'ime bhikkhave yodhājīvā santo saɱvijjamānā lokasmiɱ.|| ||

Katame pañca?|| ||

Idha, bhikkhave, ekacco yodhājīvo asicammaɱ gahetvā [94] dhanukalāpaɱ sannayhitvā viyū'haɱ saɱŋgāmaɱ otarati.|| ||

So tasmiɱ saḍgāme ussahati,||
vāyamati.|| ||

Tamenaɱ ussahantaɱ vāyamantaɱ pare hananti,||
pariyāpādenti1 evarūpo bhikkhave idh'ekacco yodhājīvo hoti.|| ||

Ayaɱ bhikkhave paṭhamo yodhājīvo sanno saɱvijjamāno lokasmiɱ.|| ||

Puna ca paraɱ bhikkhave idh'ekacco yodhājīvo asicammaɱ gahetvā dhanukalāpaɱ sannayhitavā viyū'haɱ saŋgāmaɱ otarati.|| ||

So tasmiɱ saŋgāme ussahati,||
vāyamati.|| ||

Tamenaɱ ussahantaɱ vāyamantaɱ pare upalikkhanti.|| ||

Tamenaɱ apanenti.|| ||

Apanetvā ñātakānaɱ nenti.|| ||

So ñātakehi nīyamāno appatvāva ñātake antarā magge kālaɱ karoti.|| ||

Evarūpapopi bhikkhave idh'ekacco yodhājīvo hoti.|| ||

Ayaɱ bhikkhave dutiyo yodhājīvo santo saɱvijjamāno lokasmiɱ.|| ||

Puna ca paraɱ bhikkhave idh'ekacco yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati.|| ||

So tasmiɱ saŋgāme ussahati,||
vāyamati.|| ||

Tamenaɱ ussahantaɱ vāyamantaɱ pare upalikkhanti,||
tamenaɱ apanenti.|| ||

Apanetvā ñātakānaɱ nenti.|| ||

Tamenaɱ ñātakā upaṭṭhahanti,||
paricaranti.|| ||

So ñātakehi upaṭṭhahiyamāno paricariyamāno tenevābādhena kālaɱ karoti.|| ||

Evarūpopi bhikkhave idh'ekacco|| ||

Yodhājīvo hoti.|| ||

Ayaɱ bhikkhave tatiyo yodhājīvo santo saɱvijjamāno lokasmiɱ.|| ||

Puna ca paraɱ bhikkhave idh'ekacco yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati.|| ||

So tasmiɱ saŋgāme ussahati,||
vāyamati.|| ||

Tamenaɱ ussahantaɱ vāyamantaɱ pare upalikkhanti.|| ||

Tamenaɱ apanenti.|| ||

Apanetvā ñātakānaɱ nenti.|| ||

Tamenaɱ ñātakā upaṭṭhahanti,||
paricaranti.|| ||

So ñātakehi upaṭṭhahiyamāno paricariyamāno vuṭṭhāti tamhā ābādhā.|| ||

Evarūpopi bhikkhave idh'ekacco yodhājīvo hoti.|| ||

Ayaɱ bhikkhave catuttho yodhājīvo santo saɱvijjamāno lokasmiɱ.|| ||

Puna ca paraɱ bhikkhave idh'ekacco yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati.|| ||

So taɱ saŋgāmaɱ abhivijinitvā [95] vijitasaŋgāmo tameva saŋgāmasīsaɱ ajjhāvasati.|| ||

Evarūpopi bhikkhave idh'ekacco yodhājīvo hoti.|| ||

Ayaɱ bhikkhave pañcamo yodhājīvo santo saɱvijjamāno lokasmiɱ.|| ||

Ime kho bhikkhave pañca yodhājīvo santo saɱvijjamānā lokasmiɱ.|| ||

Evam eva kho bhikkhave pañca yodhājīvūpamā puggalā santo saɱvijjamānā bhikkhusu.|| ||

Katame pañca?|| ||

Idha, bhikkhave, bhikkhu aññataraɱ gāmaɱ vā nigamaɱ vā upanissāya viharati.|| ||

So pubbaṇhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi.|| ||

So tattha pasasti mātugāmaɱ dunnivatthaɱ vā duppārutaɱ vā.|| ||

Tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti.|| ||

So rāgānuddhaɱsitena cittena sikkhaɱ apaccakkhāya dubbalyaɱ anāvīkatvā methunaɱ dhammaɱ patisevati3.|| ||

seyyathā pi so bhikkhave yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati,||
so tasmiɱ saŋgāme ussahati,||
vāyamati,||
tamenaɱ ussahantaɱ vāyamantaɱ pare hananti.|| ||

Pariyāpādenti.|| ||

Tathūpamāhaɱ bhikkhave imaɱ puggalaɱ vadāmi.|| ||

Evarūpo bhikkhave idh'ekacco puggalo hoti.|| ||

Ayaɱ bhikkhave paṭhamo yodhājīvūpamo puggalo santo saɱvijjamāno bhikkhūsu.|| ||

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati.|| ||

So pubbaṇhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi.|| ||

So tattha passati mātugāmaɱ dunnivatthaɱ vā duppārutaɱ vā.|| ||

Tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti.|| ||

So rāgānuddhaɱsitena2 cittena pariḍayhateva kāyena.|| ||

Pariḍayhati cetasā.|| ||

Tassa evaɱ hoti: yannūtāhaɱ ārāmaɱ [96] gantvā bhikkhunaɱ āroceyyaɱ rāgāyitomhi āvuso rāgapareto.|| ||

Na Sakkho'mhi brahmacariyaɱ santānetuɱ.|| ||

Sikkhādubbalyaɱ āvīkatvā sikkhaɱ paccakkhāya hīnāyāvattissāmi'ti.|| ||

So ārāmaɱ gacchanto appatvāva ārāmaɱ antarāmagge sikkhādubbalyaɱ āvīkatvā sikkhaɱ paccakkhāya hīnāyāvattati.|| ||

seyyathā pi so bhikkhave yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati,||
so tasmiɱ saŋgāme ussahati,||
vāyamati,||
tamenaɱ ussahantaɱ vāyamantaɱ pare upalikkhanti,||
tamenaɱ apanenti,||
apanetvā ñātakānaɱ nenti,||
so ñatakehi nīyamāno appatvā va ñātake antarāmagge kālaɱ karoti,||
tathūpamāhaɱ bhikkhave imaɱ puggalaɱ vadāmi.|| ||

Evarūpopi bhikkhave idh'ekacco puggalo hoti.|| ||

Ayaɱ bhikkhave dutiyo yodhājīvūpamo puggalo santo saɱvijjamāno bhikkhūsu.|| ||

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati.|| ||

So pubbaṇhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi.|| ||

So tattha passati mātugāmaɱ dunnivatthaɱ vā duppārutaɱ vā.|| ||

Tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti.|| ||

So rāgānuddhaɱsitena1 cittena pariŋayhateva kāyena,||
pariŋayhati cetasā.|| ||

Tassa evaɱ hoti: yannūnāhaɱ ārāmaɱ gantvā bhikkhunaɱ āroceyyaɱ: "rāgāyitomhi āvuso rāgapareto.|| ||

Na Sakkomi brahmacariyaɱ santānetuɱ.|| ||

Sikkhādubbalyaɱ āvīkatvā sikkhaɱ paccakkhāya hīnāyāvattissāmī" ti.|| ||

So ārāmaɱ gantvā bhikkhūnaɱ āroceti: rāgāyitomhi āvuso rāgapareto.|| ||

Na Sakkomi brahmacariyaɱ santānetuɱ.|| ||

Sikkhādubbalyaɱ āvīkatvā sikkhaɱ paccakkhāya hīnāyāvattissāmī" ti.|| ||

Tamenaɱ sabrahmacārī ovadanti anusāsanti: [97] "appassādā āvuso kāmāvuttā Bhagavatā bahudukkhā bahūpāyāsā,||
ādīnavo ettha bhīyyo.|| ||

Aṭṭhikaŋkhalūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Maɱsapesūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Tiṇukkūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Aŋgārakāsūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Supinakūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Yācitakūpamā kāmā vuttā Bhagavatā bahudukkhā bahūpāyāsā,||
ādinavo ettha bhiyyo.|| ||

Rukkhaphalūpamā kāmā vuttā Bhagavatā bahudukkhā bahūpāyāsā ādīnavo ettha bhiyyo.|| ||

Asisūnūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Sattisūlūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Sappasirūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Abhiramatāyasmā brahmacariyaɱ.|| ||

Mā āyasmā sikkhādubbalyaɱ āvīkatvā sikkhaɱ paccakkhāya hīnāyāvattī" ti.|| ||

So sabrahmacārīhi evaɱ ovadiyamāno evaɱ anusāsiyamāno evam āha: 'kiñcāpi āvuso 'appassādā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo',||
atha kho nevāhaɱ Sakkomi brahmacariyaɱ santānetuɱ sikkhādubbalyaɱ āvīkatvā sikkhaɱ paccakkhāya hīnāyāvattissāmī" ti.|| ||

So sikkhādubbalyaɱ āvīkatvā sikkhaɱ paccakkhāya hināyāvattati.|| ||

seyyathā pi so bhikkhave yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati,||
so tasmiɱ saŋgāme ussahati vāyamati,||
tamenaɱ ussahantaɱ vāyamantaɱ pare upalikkhanti, tamenaɱ apanenti, [98] apanetvā ñātakānaɱ nenti,||
tamenaɱ ñātakā upaṭṭhahanti,||
paricaranti,||
so ñātakehi upaṭṭhahiyamāno paricariyamāno tenevābādhena kālaɱ karoti,||
tathūpamāhaɱ bhikkhave imaɱ puggalaɱ vadāmi.|| ||

Evarūpopi bhikkhave idh'ekacco puggalo hoti.|| ||

Ayaɱ bhikkhave tatiyo yodhājīvūpamo puggalo santo saɱvijjamāno bhikkhūsu.|| ||

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati.|| ||

So pubbaṇhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi.|| ||

So tattha passati mātugāmaɱ dunnivatthaɱ vā duppārutaɱ vā tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti.|| ||

So rāgānuddhaɱsitena3 cittena pariḍayhateva kāyena,||
pariḍayhati cetasā.|| ||

Tassa evaɱ hoti.|| ||

"Yannūnāhaɱ ārāmaɱ gantvā āroceyyaɱ: rāgāyitomhi1 āvuso rāgapareto,||
na Sakkomi brahmacariyaɱ santānetuɱ.|| ||

Sikkhādubbalyaɱ āvīkatvā sikkhaɱ paccakkhāya hināyāvattissāmī'ti so ārāmaɱ gantvā bhikkhūnaɱ āroceti: "rāgāyitomhi āvuso rāgapareto,||
na Sakkomi brahmacariyaɱ santānetuɱ.|| ||

Sikkhādubbalyaɱ āvīkatvā sikkhaɱ paccakkhāya hīnāyāvattissāmī" ti.|| ||

Tamenaɱ sabrahmacārī ovadanti anusāsanti: "appassādā āvuso kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Aṭṭhikaŋkhalūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Maɱsapesūpamākāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Tiṇukkūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Aŋgārakāsūpamā kāmā vuttā Bhagavatā bahudukkhā bahupāyāsā ādinavo ettha hiyyo.|| ||

Maɱsapesupamā kāmā vuttā|| ||

Bhagavatā bahudukkhā bahūpāyāsā,||
ādīnavo ettha bhiyyo.|| ||

Supinakūpamā kāmā vuttā Bhagavatā bahudukkhā bahūpāyāsā ādīnavo ettha bhiyyo.|| ||

Yācitakūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Rukkhaphalūpamā kāmā vuttā Bhagavatā bahudukkhā bahūpāyāsā ādīnavo ettha bhiyyo.|| ||

Asisūnūpamā [99] kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Sattisūlūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Sappasirūpamā kāmā vuttā Bhagavatā bahudukkhā bahūpāyāsā,||
ādīnavo ettha bhiyyo.|| ||

Abhiramatu āyasmā brahamacariyaɱ.|| ||

Mā āyasmā sikkhādubbalyaɱ āvīkatvā sikkhaɱ paccakkhāya hīnāyāvattī" ti.|| ||

So sabrahmacārīhi evaɱ ovadiyamāno evaɱ anusāsiyamāno evam āha:||
'ussahissāmi āvuso,||
dhārayissāmi āvuso,||
abhiramissāmi avuso.|| ||

Na dānāhaɱ āvuso sikkhādubbalyaɱ āvīkatvā sikkhaɱ paccakkhāya hīnāyāvattissāmī" ti.|| ||

seyyathā pi so bhikkhave yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati,||
so tasmiɱ saŋgāme ussahati,||
vāyamati,||
tamenaɱ ussahantaɱ vāyamantaɱ pare upalikkhanti,||
tamenaɱ apanenti,||
apanetvā ñātakānaɱ nenti,||
tamenaɱ ñātakā upaṭṭhahanti,||
paricaranti,||
so ñātakehi upaṭṭhahiyamāno paricariyamāno vuṭṭhati tamhā ābādhā,||
tathūpamāhaɱ bhikkhave imaɱ puggalaɱ vadāmi.|| ||

Evarūpopi bhikkhave idh'ekacco puggalo hoti.|| ||

Ayaɱ bhikkhave catuttho yodhājīvūpamo puggalo santo saɱvijjamāno bhikkhūsu.|| ||

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati.|| ||

So pubbaṇhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati rakkhitena1 kāyena rakkhitāya vācāya rakkhitena cittena upaṭṭhitāya satiyā saɱvutehi indriyehi.|| ||

So cakkhunā rūpaɱ disvā na nimittaggāhī hoti nānuvyañjanaggāhī.|| ||

Yatvādhikaraṇa menaɱ cakkhundriyaɱ asaɱvutaɱ vivarantaɱ abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati.|| ||

Rakkhati cakkhundriyaɱ.|| ||

Cakkhundriye saɱvaraɱ āpajjati.|| ||

Sotena saddaɱ sutvā na nimittaggāhī hoti nānuvyañjanaggāhī.|| ||

Yatvādhikaraṇa menaɱ sotindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati.|| ||

Ghāṇena gandhaɱ|| ||

Ghāyitvā,||
na nimittaggāhī hoti nānuvyañjanaggāhī.|| ||

Yatvādhikaraṇa menaɱ ghāṇindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati.|| ||

Jivhāya rasaɱ sāyitvā na nimittaggāhī hoti nānuvyañjanaggāhī.|| ||

Yatvādhikaraṇamenaɱ jivhindriyaɱ asaɱvukaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati.|| ||

[100] Kāyena phoṭṭhabbaɱ phusitvā na nimittaggāhī hoti nānuvyañjanaggāhī.|| ||

Yatvādhikaraṇamenaɱ kāyindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati.|| ||

Manasā dhammaɱ viññāya na nimittaggāhī hoti nānuvyañjanaggāhī.|| ||

Yatvādhikaraṇamenaɱ manindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saɱvarāya paṭipajjati.|| ||

Rakkhati manindriyaɱ.|| ||

Manindriye saɱvaraɱ āpajjati.|| ||

So pacchābhattaɱ piṇḍapātapaṭikkanto vicittaɱ senāsanaɱ bhajati: araññaɱ rukkhamūlaɱ pabbataɱ kandaraɱ giriguhaɱ susānaɱ vanapatthaɱ abbhokāsaɱ palālapuñjaɱ.|| ||

So araññagato vā rukkhamūlagato vā suññāgāragato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.|| ||

So abhijjhaɱ loke pahāya cetaso upakkilese paññāya dubbagīkaraṇe|| ||

Vivicceva kāmehi -pe- catutthaɱ-jhānaɱ2- upasampajja viharati.|| ||

So evaɱ samāhite citte parisuddhe pariyodāte anaŋgaṇe vigatupakkilese mudubhute kammaniye ṭhite āneñjappatto3āsavānaɱ khayañāṇāya cittaɱ abhininnāmeti.|| ||

So idaɱ dukkhan ti yathābhutaɱ pajānāti.|| ||

Idaɱ dukkhasamudayanti yathābhūtaɱ pajānāti.|| ||

Idaɱ dukkhanirodhanti yathābhūtaɱ pe- nāparaɱ itthattāyāti pajānāti.|| ||

seyyathā pi so bhikkhave yodhājīvo asicammaɱ gahetvā dhanukalāpaɱ sannayhitvā viyū'haɱ saŋgāmaɱ otarati,||
so taɱ saŋgāmaɱ abhivijinitvā vijitasaŋgāmo tameva saŋgāmasīsaɱ ajjhāvasati,||
tathūpamāhaɱ bhikkhave imaɱ puggalaɱ vadāmi.|| ||

Evarūpopi bhikkhave idh'ekacco puggalo hoti.|| ||

Ayaɱ bhikkhave pañcamo yodhājīvūpamo puggalo santo saɱvijjamāno bhikkhūsu.|| ||

Ime kho bhikkhave pañca yodhājīvūpamā puggalā santo saɱvijjamānā bhikkhūsūti.|| ||


Contact:
E-mail
Copyright Statement   Webmaster's Page