Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

N-O-T  Y-E-T   P-R-O-O-F-R-E-A-D

Anguttara Nikāya
Pañcaka Nipāta
8. Yodhājīva Vagga

Sutta 80

Catuttha Anāgatabhaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Sāvatthinidānaɱ|| ||

Pañc'imāni bhikkhave anāgatabhayāni etarahi asamuppannāni āyatiɱ samuppassajjinti.|| ||

Tāni vo paṭibujjhitabbāni.|| ||

Paṭibujjhitvā ca tesaɱ pahānāya vāyamitabbaɱ.|| ||

Katamāni pañaca?|| ||

Bhavissanti bhikkhave bhikkhu anāgatam addhānaɱ civare kalyāṇakāmā.|| ||

Te cīvare kalyāṇakāmā samānā riñacissanti paɱsukulikattaɱ.|| ||

Riñacissanti araññe- vanapatthāni pantāni senāsanāni.|| ||

Gāmanigamarājadhānīsu osaritvā vāsaɱ kappessanti.|| ||

Cīvarahetu ca aneka-vihitaɱ anesanaɱ appatirūpā āpajjissanti.|| ||

Idaɱ, bhikkhave, paṭhamaɱ anāgatabhayaɱ.|| ||

Etarahi asamuppannaɱ āyatiɱ samuppajjissati.|| ||

Taɱ vo paṭibujjhitabbaɱ.|| ||

Paṭibujjhitvā tassa pahānāya vāyamitabbaɱ.|| ||

[109] Puna ca paraɱ bhikkhave bhavissanti bhikkhu anāgatam addhānaɱ piṇḍapāte kalyāṇakāmā.|| ||

Te piṇḍapāte kalyāṇakāmā samānā riñacissanti piṇḍapātikattaɱ,||
riñacissanti araññe vanapatthāni pantāni senāsanāni.|| ||

Gāmanigamarājadhānisu osaritvā vāsaɱ kappessanti jivhaggena rasaggāni pariyesamānā,||
piṇḍapātahetucca aneka-vihitaɱ anesanaɱ appaṭirūpaɱ apajjissanti.|| ||

Idaɱ, bhikkhave, dutiyaɱ anāgatabhayaɱ etarahi asamuppannaɱ āyatiɱ samuppajjissati taɱ vo paṭibujjhitabbaɱ.|| ||

Paṭibujjhitvā ca tassa pahānāya vāyamitabbaɱ.|| ||

Puna ca paraɱ bhikkhave bhavissanti bhikkhu anāgatam addhānaɱ senāsane kalyāṇakāmā.|| ||

Te senāsane kalyāṇakāmā samānā riñacissanti rukkhamulikattaɱ.|| ||

Riñacissanti araññe vanapatthāni pantāni senāpanāni.|| ||

Gāmanigamarājadhānisu osaritvā vāsaɱ kappessanti.|| ||

Senāsanahetucca- aneka-vihitaɱ anesanaɱ appaṭirūpaɱ āpajjissanti.|| ||

Idaɱ, bhikkhave, tatiyaɱ anāgatabhayaɱ etarahi asamuppannaɱ āyatiɱ samuppajjissati taɱ vo paṭibujjhitabbaɱ.|| ||

Paṭibujjhitvā ca tassa pahānāya vāyamitabbaɱ.|| ||

Puna ca paraɱ bhikkhave bhavissanti bhikkhu anāgatam addhānaɱ bhikkhunīsikkhamānāsamaṇuddesehi saɱsaṭṭhā viharissanti bhikkhunisikkhamānā samaṇuddesehi saɱsaggo kho pana bhikkhave sati etaɱ pāṭikaŋkhaɱ "anabhiratā vā brahmacariyaɱ carissanti,||
aññataraɱ vā saɱkiliṭṭhaɱ āpattīɱ āpajjissanti,||
sikkhaɱ vā paccakkhāya hīnāyāvattissanti".|| ||

Idaɱ bhikhave catutthaɱ anāgatabhayaɱ etarahi asamuppannaɱ āyatiɱ samuppajjissati.|| ||

Taɱ vo paṭibujjhitabbaɱ paṭibujjhitvā ca tassa pahānāya vāyamitabbaɱ.|| ||

Puna ca paraɱ bhikkhave bhavissanti bhikkhu anāgatam addhānaɱ ārāmikasamaṇuddesehi saɱsaṭṭhā viharissanti.|| ||

Ārāmikasamaṇuddesehi saɱsagge kho pana bhikkhave sati etaɱ pāṭikaŋkhaɱ:||
"aneka-vihitaɱ sannidhi-kāra-paribhogaɱ [110] anuyuttā viharanti.|| ||

oḷārikampi nimittaɱ karissanti paṭhaviyāpi haritaggepi idaɱ bhikkhave pañcamaɱ anāgatabhayaɱ etarahi asamuppannaɱ āyatiɱ samuppajjissati.|| ||

Taɱ vo paṭibujjhitabbaɱ.|| ||

Paṭibujjhitvā ca tassa pahānāya vāyamitabbaɱ.|| ||

Imāni kho bhikkhave pañca anāgatabhayāni etarahi asamuppannāni āyatiɱ samuppajjissanti,||
tāni vo paṭibujjhitabbāni,||
paṭibujhitvā ca tesaɱ pahānāya vāyamitabbanti.|| ||


Contact:
E-mail
Copyright Statement   Webmaster's Page