Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
9. Thera Vagga

Sutta 89

Paṭhama Sekha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Pañc'ime bhikkhave dhammā sekhassa bhikkhuno parihānāya saɱvattanti.|| ||

Katame pañca?|| ||

Kammārāmatā,||
bhassārāmatā,||
niddārāmatā,||
saɱgaṇikārāmatā,||
yathāvimuttaɱ cittaɱ na paccacekkhati.|| ||

Ime kho bhikkhave pañca dhammā sekhassa bhikkhuno parihānāya saɱvattanti.|| ||

Pañc'ime bhikkhave dhammā sekhassa bhikkhuno aparihānāya saɱvattanti.|| ||

Katame pañca?|| ||

Na kammārāmatā,||
na bhassārāmatā,||
na ninaddārāmatā,||
na saɱgaṇikārāmatā,||
yathāvimuttaɱ cittaɱ paccavekkhati.|| ||

Ime kho bhikkhave pañca dhammā sekhassa bhikkhuno aparihānāya saɱvattanti.|| ||


Contact:
E-mail
Copyright Statement   Webmaster's Page