Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya
Pañcaka-Nipāta
Kakudha vaggo

Sutta 95

Akuppa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Pañcahi bhikkhave dhammehi samannāgato bhikkhu na cirass'eva akuppaɱ paṭivijjhati.|| ||

Katamehi pañcahi?|| ||

2. Idha, bhikkhave, bhikkhu atthapaṭisambidāpatto hoti,||
dhammapaṭisambidāpatto hoti,||
niruttipaṭisambidāpatto hoti,||
paṭibhānapaṭisambidāpatto hoti,||
yathā vimuttaɱ cittaɱ paccavekkhati.|| ||

Imehi kho bhikkhave pañcahi dhammehi samannāgato bhikkhu na cirass'eva akuppaɱ paṭivijjhatī ti.|| ||

 


Contact:
E-mail
Copyright Statement   Webmaster's Page