Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
10. Kakudha Vagga

Sutta 96

Sutadharo Suttaɱ
or
Akuppa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][ati][bd]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañcahi bhikkhave dhammehi||
samannāgato bhikkhu anāpānasatiɱ||
āsevanto na cirass'eva||
akuppaɱ paṭivijjhati.|| ||

Katamehi pañcahi?|| ||

2. Idha, bhikkhave, bhikkhu appaṭṭho hoti appakicco subharo susantoso jivitaparikkhāresu.|| ||

Appāhāro hoti anodarikattaɱ anuyutto.|| ||

Appamiddho hoti jāgariyaɱ anuyutto.|| ||

Bahussuto hoti sutadharo sutasannicayo,||
ye te dhammā ādikalyāṇā majjhe kalyāṇā pariyosāna kalyāṇā sātthāɱ savyañajanāɱ kevalaparipuṇṇaɱ parisuddhaɱ brahmacariyaɱ abhivadanti,||
tathārūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā.|| ||

Yathāvimuttaɱ cittaɱ paccavekkhati.|| ||

Imehi kho bhikkhave pañcahi dhammehi samannāgato bhikkhu ānāpānasatiɱ āsevanto na cirass'eva akuppaɱ paṭivijjhati ti.|| ||

 


Contact:
E-mail
Copyright Statement   Webmaster's Page